FAARO 7:62 - Biblía Axweesantá Hhohho' ar Mungú 2004

⁶² Muruú taa huúw as ilahhooár da/a a kwí: Slooqoó wák oo taa tleéhh ar sahaábu, iilooeemaawós a graámu tsiiruú wák nee mibaangw, mooyángw tsuua kwaa dalaá/,

FAARO 7:62 Iomraidhean Croise

WARA'AMI 112:2

Na/iiwós i diihhe'eesiyá' baraá yaamuwo, xwaylár múk hhohhó' ka tsuuq.

ISAYA 66:20

Hhaeehúng sleémeero kingay ki/is baraá xoordaá hatlá' wa ale adór ilahhooár anuú AAKOÓ MUNGÚ. Kingin ki/is ar faras, nee ar gaardu, nee ar /aampu, nee ar wayshama' nee ar angamiadu ay baraá gixsár Yerusalemu dír tloomar'eé' tidá' hhoohhoo'. Inooín kingi huuw, adór múk Israeli ilahhooár balaangw kingir haahuwi baraá xooslmoó hhoohhoó ar ale ay dír dooeé' anuú AAKOÓ MUNGÚ.

DANIELI 9:27

Waawutmowí mulqi'iimár gawit ga tleehh nee múk yaariír har afiqoomár wiíkír wake. Alaá tlaqtá wiíkiro inós ilahhooár muruú ta tsu/i nee ilahhooár hatlae gin qwaarees. Inós gár ta waki gari qaas didár kitángw ilahhooa kawa hanmamisi. Gadaádá' ta waki in diirií mét ay dír heedaádá' gaa sihhtis kway suquy nee Mungú ar adoodá' ngira tsabín.»

FAARO 7:61

ilahhooarós a tí: Sahaánír wák ar taa tleéhh ar peésa, iilooeemaawós a kílo wák nee tlaqi, nee iimpér wák ar taa tleéhh ar peésa, iilooeemaawós a graámu tsiire dakaát, ar qoomoó didá' hhoohhoo'. Sahaánirí nee iimpeero kaa hatsiís puuruú natsaatsaa'a, oo taa aleedoók nee di/i, as tawa ilahhooár balaangw.

FAARO 7:63

nee awuú wák oo batlitamo, nee gwaanduú wák oo kurkú wák.

Rumi 15:16

Asma ina sagadiyusmoó Yesu Kristo wa qaás oo amór xoordaá hatlá'. Gadiyér kaahamusi'iimár Mungú an tleéhh ar loohír Ya/abtór hho' ar Mungú ngiwa alki/iit dír xoordaá hatlá', as inooín tawa ilahhooa tleehhiti, tidá' Mungú aa ya/án, tidá' taa hhoohhooeés nee Qeeruú hhoohhoó' oo Mungú.

Filipi 4:18

/Aymi'iiká' ni gooiim qeemuudá' naa dirhúng wa sláw ngu laqaaqaná'. Nee qeemuuwí ku ló'wa úr. Daxta umuúqo gaaro ar ló'wa bu'uut a koóm, alaá Epafrodito qeemuuhúng nguwa huúw. Qeemuuhúng kudá' naa hanisé' dír geeraá Munguhe a adór ilahhooadá' mooyángw tsuú' koóm, ilahhooadár muruú ta tsu/i tidá' taa ya/án, nee ar Mungú sla'atamis.

Ebrania 13:15

Gawaá adoorihe atén masók Mungú un ilahhooarén ar muruú ta tsú/í hanmiisaán ar loohír kuwa xirfayeemisaan umuúqo daqto ar loohír Yesu. Gídaabárós a Mungú un xirfayeemisaán ar afeerén.

Geehhoeemaá 5:8

Qoomár kitaábuudá' nguwa taataáhh, muruudá' tsiyáhh oo slaáf nee bariiseedá' mibeeri tsár nee tsiyáhh tari tumbarara'aát dír geeraá Deelmoó bee/i. Umuúqo heewo baraine i marímbár úr kón, nee slooqa'aá sahaábu awa muruú mooyángw tsuú' koomá' oo ta da/a/an ilahhooár wa ale. Muruuwí mooyángw tsuú' koóm an firór múk hhohhó' oo Mungú.

Geehhoeemaá 8:3

Malaykamoó hatlá' niri hardáh iri sihhiít dír geeraá kitángw ilahhooa. Inós xooslmoó sahaábu gu kón oo muruudá' mooyángw tsuú' koóm ku i da/a/an ilahhooár wa ale. Muruudá' mooyángw tsuú' koóm oo yaariír kuri inós i haniís, as nguwa haragaasi dinkwa nee firór múk hhohhó' oo Mungú, gawaá kitángw ilahhooa, kuduú sahaábu. Kitaangwí i dír geeraá kitángw aleesleemu.

Geehhoeemaá 8:4

Nee quuír muruudá' mooyaangw tsuú' dinkwa nee firór múk hhohhó' oo Mungú iri tsa/aán dír geeraá Mungú, gawaá dákw Malaykamoó wa ale.