FAARO 7:10 - Biblía Axweesantá Hhohho' ar Mungú 2004

¹⁰ Geeraharuuseerí ilahhooa gana hanís as kitangwduú ilahhooa kuwa paraatli, kudá' taa iimbalaáx ar di/i. Ilahhooar'ín ngina haniisiyé' dír geeraá kitangwduú ilahhooa.

FAARO 7:10 Iomraidhean Croise

1 WAAWITÁ 8:63

Solomon AAKOÓ MUNGÚ guri ilahhooár waydií haniís ar muruú ta tsu/i, awe kume mibeeri tsár nee tsár, nee bee/ángw kume tsiiru nee mibeeri tsár. Adoorí an adór Solomon nee muu sleémeero oo Israeli Doó Aakoó Mungú kura aldafín.

2 QOM'I 7:5

Waawutmo Solomon awe kume mibeeri tsár nee tsár, nee bee/ángw kume tsiiruú wák nee mibeeri tsár gway haniís tawa ilahhooár muruú ta tsu/i dír Mungú. Adoorí an adór Solomon nee múk Israeli sleémeero Doó Mungú kura paraátl as Mungú.

2 QOM'I 7:9

Bál dakaate tana burumburiít as firo, asma deelo faanqwe kitángw ilahhooa nguna paraatliyé', nee deelór úr ngina tleéhh deelo faanqw.

NEHEMIA 12:27

Qoomár koo/ír Yerusalemu kawa paraatlár wa slai múk tlahhoó Laáwi kuna leelehhiít umuúqo dír i diri'iia, as niwa hardihiya' Yerusalemu deelór ur ar koo/i kawa paraatli as Mungú kawa sluufmiisi, nee tawa daai ar mitingiraay nee ar mariímba nee ar gindaandoori.

NEHEMIA 12:43

Baalaarihe inooín ilahhooár muruú ta tsu/i kana haniís tari ló'wa qwalaá/. Asma Mungú gina ló'wa qwal/aás ar qwal/uú úr, /ameena nee na/iiwo sleeme tari qwalaá/. Bar/uú qwala/ oo baraá Yerusalemu kuri amór saáw wa axamiís.

WARA'AMI 30:1

AAKOÓ MUNGÚ, án kuúng u xirfayeemiís, asma iga ki/ís afkú bohóngw wa ale, nee wakuuser'eé' aga ya/aandiiká iwa qwalaala/ daandueene.

FAARO 7:1

Bál Mose heémaadá' hhoohhoo' tleehhamooro ngiwa hhe'eés, gana iimbalaáx ar di/i, nee gari paraátl dinkwa nee xooslaarós sleémeero as Mungú. Inós sleeme kitángw ilahhooa nee xooslarós sleémeero gina dí/tár iimbalaáx, giri paraátl as Mungú.

FAARO 7:11

Asma AAKOÓ MUNGÚ Mose guna báy, «Umuú baalaaro geeraharusmoó wák ilahhooarós gan haniis as kitangwduú ilahhooa kuwa paraatli.»

FAARO 7:84

Muruú taa ilahhooár wa hanmiís nee geeraharuusér Israeli bál tawa kitángw ilahhooár partliti, dinkwaaro a sahaánoó mibaá nee tsár oo taa tleéhh ar peésa, nee iimpu mibaá nee tsár awa taa tleéhh ar peésa, nee sahaánoó mibaá nee tsár oo taa tleéhh ar sahaábu.

FAARO 7:88

Muruú ta tsu/i as ilahhooár wayda dinkwaaro sleémeero a awe mibeeri tsár nee tsiyáhh, nee gwaandaawe mibeeri lahhoó', nee gurtaawe mibeeri lahhoó', nee deeloó gwaandaawe oo kurkú wák a mibeeri lahhoó'. Muruuwí kuna ilahhooár wa haniís qoomár tawa kitángw ilahhooár partliti, alaá kitaangw kuwa iimbalaáx ar di/i.

DABE 20:5

«Aluuwo geeraharuuse slaqwaruuse ngi beer, ‹Diirihe hee i deéro oo do'ós gwaa tleehh, ala gwa aldafinká? Heé adoorí i amór do'ós i watli, miwa baraá slaqwarári gwaá', nee heé hatlá' do'ós guri aldafín.