FAARO 7:1 - Biblía Axweesantá Hhohho' ar Mungú 2004

¹ Bál Mose heémaadá' hhoohhoo' tleehhamooro ngiwa hhe'eés, gana iimbalaáx ar di/i, nee gari paraátl dinkwa nee xooslaarós sleémeero as Mungú. Inós sleeme kitángw ilahhooa nee xooslarós sleémeero gina dí/tár iimbalaáx, giri paraátl as Mungú.

FAARO 7:1 Iomraidhean Croise

IIMU/UUNGW 2:3

Mungú baalaadár faanqw gana tsuúq, gari hhoohhoeés. Asma ina hungu/uús gadiyeeduwós kudá' sleémeero ngiwa hhe'eés awa tleehhamór doori nee yaamu.

1 WAAWITÁ 8:64

Baalaadár kilae waawutmo matla/angwdú tla/ángw i dirií' amór lak geeraá doó AAKOÓ MUNGÚ guna aldafín, asma diirí an didá' ilahhooadá' ta da/aa/an kawa hanmiisi, nee ilahhooár balaangw nee ar di/i nee ilahhooár wayda ar muruú ta tsu/i, asma kitangwduú ilahhooa oo taa tleéhh ar muqslír sirdaa/aat i bu'utiiká ilahhooa sleémeerowo.

TI'INAANGW 13:2

«Na/aá baris sleémeero paraatleek, asma na/aá baris sleémeero awa múk Israeli nee awa makaywo a kwe'eé'.»

TI'INAANGW 29:36

Slám umuú deelooro awu un hanmís, as tawa ilahhooár tlakweema hingeesa as haraki/isa kawa tlehh. Daqaní didá' ilahhooa kawa hanmamiisi aga hhoohhoés, di/i ka gawaadá' i tsipipi'ís as kawa paratl.

TI'INAANGW 40:11

Iimpeedár hamtlo nee kitaangose ki parátl nee ki iimbaláx di/to.

FAARO 17:2

«Múk Israeli ádbaweek u hhadaá mibaá nee tsár i huwiye', umuú geeraharusmoó tlahhaywo hhara wak. Heé hhara nga huuw umuuwós ku gawaá hhártí gooiín,

FAARO 7:10

Geeraharuuseerí ilahhooa gana hanís as kitangwduú ilahhooa kuwa paraatli, kudá' taa iimbalaáx ar di/i. Ilahhooar'ín ngina haniisiyé' dír geeraá kitangwduú ilahhooa.

FAARO 7:84

Muruú taa ilahhooár wa hanmiís nee geeraharuusér Israeli bál tawa kitángw ilahhooár partliti, dinkwaaro a sahaánoó mibaá nee tsár oo taa tleéhh ar peésa, nee iimpu mibaá nee tsár awa taa tleéhh ar peésa, nee sahaánoó mibaá nee tsár oo taa tleéhh ar sahaábu.

FAARO 7:88

Muruú ta tsu/i as ilahhooár wayda dinkwaaro sleémeero a awe mibeeri tsár nee tsiyáhh, nee gwaandaawe mibeeri lahhoó', nee gurtaawe mibeeri lahhoó', nee deeloó gwaandaawe oo kurkú wák a mibeeri lahhoó'. Muruuwí kuna ilahhooár wa haniís qoomár tawa kitángw ilahhooár partliti, alaá kitaangw kuwa iimbalaáx ar di/i.

Matayo 23:19

Kuungá' a taampu. Asma gár ur a milá? A ilahhooadaádae, laqaá a kitangwduú ilahhooa, kudá' ilahhooadá' gaa hheehhe'ees?