FAARO 6:3 - Biblía Axweesantá Hhohho' ar Mungú 2004

³ Heewí difaái mingiwa wáh, laqaá buura, difaáír qarqaar mingiwa wáh, laqaá tam ar ado gaala, mamaá sabiíbu mingiwa /aáy, kudá' naa hamaariye' laqaá tam kudá' kaaharen.

FAARO 6:3 Iomraidhean Croise

TLAHHOÓ LAÁWI 10:9

«Kuúng nee daaqaywók bar dartá' baraá heémár Mungú, difaái laqaá umuúqo gár oonitimisa ló' ma wahaara', bar adooriheeká a qatlá'. Gaarí an hara'ayár hotaatiim xwaylarhúng sleémeero.

AMOS 2:11

Aníng na/iihúng ina bahh tsawaár tawa aaruuse, nee baraakarka tawa múk al'axweesanoó qamiím. Xáy, a adooríheéke, aá múk Israeli? Anuú AAKOÓ MUNGÚ tí ngina oó'.»

AMOS 2:12

«Ala kuungá' mukdá' al'axweesanoó qamiím una xufiitisé' difaáiro, aaruuse kay beeré', ‹Ma aariirimaara'.›

FAARO 6:4

Qooma sleémeero ar al'axweesantós ngiwa qaás, muruú /aymár mamaá sabiíbu munguwa /aáy, ilmo laqaá tam qaftós.

Luka 1:15

Asma uraay gu sláy dír Aakoowo. Difaái ga baloó wahiiká laqaá umuúqo gár ooniitimisa. Inós ku hatsiis Qeeruú hhoohhoó' oo Munguhe iimír iwa baraá guruú aayoórí kahhi.

Luka 21:34

«Ti harmagahhe', munerhúng miwa hhitirút ar hheehha, nee xufta, nee ma daawimitaara' as muruú baraakaá yaamu, deeloodár alhhe'eesaay munduwa hhaawís adór tsaaxweeli ir ohaahiin.

Efeso 5:18

Kuungá' xuftár difaáiro ma kumiitara', asma slafingwhúng sleémeero u qwaaresá'. Ala masók tundun hatsiis Qeeruú hhoohhoó' oo Munguhe.

1 Tesalonike 5:22

Ti paratle' dír umuúqo gár tlaakwe.

1 Timoteo 5:23

Iimír hamí ma'aay kilooín mi wahaamaar, ala difaaír niina wahaameek as guruuwók kwisíng tiqaaqiím daqtá yaariire.

Ebrania 9:10

Asma hara'ayár loohirí an hara'ayár tlehhema'aá slaqo kilós, daanduú muruú /ayma nee wahaangw nee hamtlór slaqwa. Hara'ayaarí kana oó' ay dír qoomaadá' Mungú loohír /aben ngi qaasi.

HAR'OHUUSE 13:14

Mamaá xa'anoó sabiíbu mingiwa /ák, laqaá difaái mingiwa wát, laqaá gár oonitimiis mingiwa wát, laqaá gár ta harmeetin mingiwa /ák. Tidá' sleémeero ngaa báw ngi ot.»

HAR'OHUUSE 13:4

Gawaá adoorihe ti harmagahh, difaái ma wahaar, laqaá gaa tam gaalá ar oonitimis, tam muruú /aymár ta harmeetin mu /ayaar,