FAARO 6:27 - Biblía Axweesantá Hhohho' ar Mungú 2004

²⁷ «Adoorí an adór umuueé' kur oa' dír múk Israeliwo, aníng inooín ngiri tsuúq.»

FAARO 6:27 Iomraidhean Croise

IIMU/UUNGW 32:26

Heedaádá' Yakobo guri báy, «Án geemawáng ni tláw, asma iimi aa /awaakuúr.» Ala Yakobo guri báy, «U geemawaaká ay dír án i tsuq.»

IIMU/UUNGW 32:29

Yakobo guri báy, «Na'ás, umuuwók ooang.» Ala inós iri oó', «Gár umuueé' kus yaahamis a milá?» Yakobo guri tsuúq.

2 SAMUELI 7:23

Slám baraá yaamuwo muu a gaalá oo ta slaqasi nee mukók oo Israeli? Kudá' Munguúín aa ba/amisár áy as tawa mukós. Muruú urén oo waa/oo/amo guri tleéhh baraá yaamuuwose dír geeraá mukose, umuuwós iri xu'utiít. Giri ba/amisár áy baraá Misri as inós, xoordu giri geeraaín wa guús nee mungui'ine.

1 QOM'I 4:10

Yabesi Munguú xoorór Israeli guri firín, iri oó', «Aníng na tsuuqáng, Munguú, nee yaamaá iintlaaxwá' aníng i haniisang. Kuúng masók a dinkwa nee aníng, nee muruú tlákw pa/asek dir'eene, kudá' slahh'amu ngu huúw.» Munguú tidá' inós aa firín gari haniís.

2 QOM'I 7:14

barnaxes muk'eé' kwí birta tsatsaa'areés nee iri firiné', nee iri leeleehhiyé', nee tlehhmi'ii'ín kudá' tlakw ngiri mayé' tlehhtuuwo, aníng inooín i axaás gawaá doorí wa ale nee tlakweemaaín in gurtláw, nee diihhooa ngi slayá' baraá yaamuuine.

WARA'AMI 5:12

AAKOÓ MUNGÚ, kuúng kudaádá' hota ganaa'á' in tsúq. In báq ar hhooeemawók adór gaamboót.

WARA'AMI 67:7

Mungú atén taa tsuúq, muu sleémeero baraá yaamuwo inós ngu ilaiwawa/i!

TI'INAANGW 6:3

Nee aníng tina gehhooatís dír Abrahamu nee Isaka nee Yakobo, tawa adór Munguú Aleesleemuú koóm, ala umuueé' kwí tiwa babay AAKOÓ MUNGÚ ugwa dir'iní xu'utisiiká.

ISAYA 43:7

Umuúqo heewo oo taa ateét ar umuueé', kudá' naa tleéhh as xirfueé', kudá' naa buqumbuquúm nee naa tleéhh.»

YEREMIA 14:9

Ahaá waáy, kuúng misti ilaqaamís tawa adór heé aa sagaqwaar, adór pihhusmoó hee alee/isaro gu aleeslawaaká. Ala tam adoorihe, kuúng, AAKOÓ MUNGÚ, a dinkwa nee atén, nee atén tina ateét ar umuuwók, atén a mukók. Miti mawaar.»

FAARO 23:20

Qaytsiít gár aníng taa báy a inooín in tsuúq, inós gina tsuúq, aníng warqeesaro i aleeslawaaká.

Matayo 28:19

Gawaá adoorihe tlawsé', xoordu sleémeero eeharuuse tleehhaak, ki baatimisá' ar umuú Baabá nee oo Garma nee oo Qeeruú hhoohhoó' oo Mungú.

Efeso 1:3

Mungú i xirfuuti, Baabuú Aakoorén Yesu Kristo. Inós atén tina tsuúq ar baraá Kristo ar tsuuqa sleémeero awa Qeeru, awa gawaá doori.

DABE 28:10

Nee xoordu sleémeero awa baraá yaamu birnga ariyé' kuún AAKOÓ MUNGÚ ugwa tsawaár tawa xooroorós, kuún uri da'ayuutiyá'.