FAARO 6:24 - Biblía Axweesantá Hhohho' ar Mungú 2004

²⁴ AAKOÓ MUNGÚ nu tsuuqi nee nu xun,

FAARO 6:24 Iomraidhean Croise

IIMU/UUNGW 28:15

Aníng nee kuúng a dinkwa. Án kuúng u de'eém amór taqo keera, nee uri ki/ís baraá yaamuká'. U geexawaaká ay dír al'axweesantadá' naa oó' ngay boo/ees.»

2 SAMUELI 7:29

Gawaá adoorihe án kuúng u firiím doó lawaalmoowók tsuuqeek, i hotaatin ay kureerisleém. Asma kuúng Aakoó MUNGÚ ana ó', ar tsuuqawoge, doó lawaalmoowók ku tsuuqi ay kureerisleém.»

WARA'AMI 134:3

AAKOÓ MUNGÚ kuungá' nu tsuuqi baraá Siyonír wa ale, kudá' doori nee yaamu gaa tleehh.

WARA'AMI 17:8

Án de'eemáng adór maamár iltá wa ale, lu/áng baraá mahhtuú hhaampi'iiwók,

WARA'AMI 28:9

AAKOÓ MUNGÚ, mukók ba/amiseek, kudá' kók sleémeero tsuuqeek. Kuúng ta de'eemusmooín, inooín gagariimeek ay kureerisleém.

WARA'AMI 91:11

Asma malaykeerós ngi amoorók i ya/aaw, u xuun baraá lohuuwók sleémeero.

ISAYA 27:3

Anuú AAKOÓ MUNGÚ an dooslusmoowós, umuú qoomaaro an ma'áy eemamiís, an xumxaaxuúm xweera nee tlaatla/aango, as hee mingiwa hhitár áy.

ISAYA 42:6

Anuú AAKOÓ MUNGÚ, aníng kuúng una ateét ar hotaá ganaa'á', ugwa dawa óh nee u de'eém. Ar kuunge aníng alqado a tleéhh dír muu sleémeero, kuúng u gwa/aateema tleéhh dír xoorduuwo.

DANIELI 9:17

Gawaá adoorihe, Munguúeé', firór sagadiyusmoowók iiarí qaaseek as kuúng. Ar gurtleemuwoge didár hotaawók tidá' taa hhitín male gurtlaweek.

Yohana 17:11

Aníng a baraaká' yaamií diriiaaká, ala inooín ta baraaká' yaamií dirii'. Aníng ni hardáh amoorók. Baabuú hhoohhoó', kuká' na xuumeek ar /uuruú umuuwók kudá' naa aníng i hanís. As wakleeli'iima kawa kon, adoodá' atén kar koomaan.

1 Korinto 14:16

Asma barnaxes kuúng a Mungú xirfayeemís ar baraá qeeru, heé adoosíng xuaaká, inós adór ir ooi «Amin» a adoomá, barnaxes inós axweesanaydá' gwa tsaahhiiká?

Efeso 6:24

Tsuuqaá Mungú masók i dír muu sleémeero, kudá' Aakoorén Yesu ngu sla'á' ar sla'aarír faakaaká.

Filipi 4:23

Tsuuqaá Aakoorén Yesu Kristo masók i dinkwa nee kuungá'.

Filipi 4:7

Nee wayduú Mungú, kudá' tsaahharo ta aleeslawaanaaká sagalooarene, munerhúng ngi de'en, nee inslawayhúng baraá Kristo Yesuwo.

1 Tesalonike 5:23

Mungú inósuú kilá', kudá' atén ti waydií hanimiís, inós kuungá' nu hhoohhooeesi kángw kilá' wa ale. Nee slám inós munerhúng nee qeeremoohúng nee slaqoohúng ngi xun as gár tlaakw munduwa sleér, ala kuungá' masók a múk xaslxaansli wásl ay bál Aakoorén Yesu Kristo nay hardihi.

1 Petro 1:5

Kuungá' tundun de'én nee /uuruú Mungú ar loohír haratlintaao, as ba/amadá' taa qaroó amohhe'eés kawa ilaota', tidá' tindi geehhooeesi bál deelór alhhe'eesaywo.

Yuda 1:24

Mungú kuungá' nu aleesláy nuwa de'en as dukuutsmo munduwa tuú', slám nuri sihhitis dír geeraá xirfuuwós tawa múk xaslxaansli wásl, nee tawa múk baraá qwal/uú úr.

RUTI 2:4

Naxés Boasi nina hardáh i Betilehemúr daahh. Múk bu'uúm guri laaw'eés iri oó', «AAKOÓ MUNGÚ masók ta dinkwa nee kuungá'.» Inooín tari oó', «AAKOÓ MUNGÚ u tsuuqi.»

1 SAMUELI 2:9

«Inós mukós oo hhohhó' gun de'én, ala tlakuuse gan kwaahh baraá giwti, asma heé /uuruuwo baaliím i kaahh.