FAARO 6:23 - Biblía Axweesantá Hhohho' ar Mungú 2004

²³ «Aroni nee daaqaywós ki beer, ‹Adoorí an adór múk Israeli kur tsuuquunda'!

FAARO 6:23 Iomraidhean Croise

IIMU/UUNGW 24:60

Rebeka kari báy, «Hho'oorén, kiíng ti tsuuqi, kiíng ta aayór múk kumér kúm tleehhít. Xwaylarók gixsadaá wakuuser'ín ngi sa waawuti'ine'.»

IIMU/UUNGW 47:10

Yakobo Farao guri tsuúq. Yakobo iri tláy.

IIMU/UUNGW 47:7

Yosefu baabuúwós guri huúw geeraá Farao. Farao kuri tsuúq nee Yakobo.

IIMU/UUNGW 48:20

Giri tsuúq baalaadae, giri báy, «Baraá kuungae, xoorór Israeli ti tsuuqaá i hanmiisiyá', tawa kaahi, ‹Mungú u adór Efraimu nee Manase tleehhi.› » Efraimu gway geeraá Manase qaás.

1 WAAWITÁ 8:55

Inós iri sihhiít, múk Israeli sleémeero guri tsuúq, kudá' aa didií burumburiit, iri tseé' ar afór ur iri oó',

1 QOM'I 23:13

Daaqoó Amramu a Aroni nee Mose, Aroni kuri qaás as xosluudá' ak ló'wa hhohho' ngiwa paraatli as Mungú, as inós nee daaqaywós mooyaangw nguwa da/a/ana' dír AAKOÓ MUNGÚ, nee nguwa sagadiyuusiya', nee muu nguwa tsuuquna' ar umuú AAKOÓ MUNGÚ ay alhhe'eesay wasle.

2 QOM'I 30:27

Aluuwo kaahamuusér Mungú nee múk tlahhoó Laáwiwo tari sihhiít muu kway tsuúq, afor'ín kari axaás, firor'ín iri hardát gawaá doori tidá' hhoohhoo', inós iri axaás amoorós tidá' hhoohhoó' wa alé gawaá doori, firor'ín gari ya/án.

TI'INAANGW 39:43

Mose gadiyeedaá inooín naa tleehhiyé' gina xuuxuú' ngina tleehhiyé' ar adoodá' AAKOÓ MUNGÚ ngira oó'. Naagáy Mose inooín giri tsuúq.

FAARO 6:22

AAKOÓ MUNGÚ ina axweés dír Mose, iwa kaahi,

Rumi 1:7

Barwaárí ngina gooiím amorhúng i alé, kuungaásingá' baraá gixsár Roma, kuungaásingá' sleémeero awa taa slaá' nee Mungú, nee tunduri ateét tawa múk hhohhó' oo Mungú. Mungú Baabuúrén nee Aakoorén Yesu Kristo kuungá' nu tsuuqi nee nu waydií haniisi.

1 Korinto 1:3

Mungú Baabuúrén nee Aako Yesu Kristo kuungá' nu tsuuqi nee nu waydií haniisi.

2 korinto 13:14

Tsuuqaá Aakoorén Yesu Kristo, nee sla'aarír Mungú, nee dinku'uumár Qeeruú hhoohhoó' oo Mungú masók i dinkwa nee kuungá' sleémeero.

DABE 10:8

Qoomaarihe AAKOÓ MUNGÚ múk tlahhoó Laáwi guri tsawaár as tawa múk sandakmooduú alqadór AAKOÓ MUNGÚ gu loohiís, nee tawa gadiyuusi dír geeraá AAKOÓ MUNGÚ wa ale, nee muu kuwa tsuuqadá' i hanmiisi ar umuuwós tam ay laarí.

DABE 21:5

Daqaní kaahamuusér Mungú ar tlahhoó Laáwi, ni didií hardat, asma AAKOÓ MUNGÚ, Munguúhúng inooín gina tsawaár as nguwa sagadiyuusiya', nee tsuuqa ngiwa hanmiisiya' ar umuú AAKOÓ MUNGÚ. Inooín aleesleemu ngu koná' oo qaa/oó gila nee oo muruú /uuru nguwa tlaaqiya'.

DABE 33:1

Gaarí an tsuuqaadá' Mose, heé Mungú, múk Israeli ngira tsuúq dír ira gwaaiiká.

Ebrania 7:1

Melkisedeki a waawutmoó Salemu. Slám inós a kaahamusmoó Munguúdá' gáwtí dirií'. Melkisedeki Abrahamu guna al'áy qoomaadá' Abrahamu iwa slaqwarár dahhi, waawitá nguwa tsuú/. Abrahamu kuri tsuúq nee Melkisedeki.

Ebrania 7:7

Ala gaarí a gár taa si'iiká asma kudá' tsuuqa gi hanmiís ku úr ta kudá' taa tsuuqi.

YOSHUA 8:33

Múk Israeli sleémeero dinkwa nee geeraharuuser'ín nee bariise nee har'ohuuseero nee hooma sleémeero ar baraá tla/angw'íní dirii', tana sihhiít bihhér sandakmoó alqado, dír geeraá kaahamuusér Mungú ar tlahhoó Laáwi, tidá' sandakmooduú alqadór AAKOÓ MUNGÚ loohamamiis. Muu tina tla/a tsaát, bahh'alé ta geeraá tloomár Gerisimu wa sihhimiit, bahh'alé ta geeraá tloomár Ebali, adoodá' Mose, sagadiyusmoó AAKOÓ MUNGÚ ngira qaroó oó', tawa adór múk Israeli kur tsuuqi.

1 Petro 1:2

Kuungá' tunduna tsawaár as adoodá' Mungú Baabá inósuú kilá' aa slaá', as kuungá' tunduwa múk hhohhó' tleehhi ar Qeeruuwós, nee as Yesu Kristo kuwa ilaiwawa/a' nee tunduwa tseerér Yesu Kristó i hikimiisi. Tsuuqaá Mungú nee wayduuwós i ló'wa doogine' dirhunge.

2 Yohana 1:3

Mungú Baabá nee Garmaawós Yesu Kristo atén ti tsuuqi, nee ti gurtlay, nee ti waydií haniisi ar baraá looeema nee sla'aari.