FAARO 6:20 - Biblía Axweesantá Hhohho' ar Mungú 2004

²⁰ Aluuwo kaahamusmoó Mungú ilahhooarí gari gáwtí tlees as kawa haniisi dír AAKOÓ MUNGÚ. Muruuwí sleémeero hhohhó' oo kaahamusmoó Mungú dinkwa nee da/eewo, kudá' taa gáwtí tleés nee /aaramoó yaae, kudá' taa ilahhooár wa haniís. Alaá kaangwí sleémeerowo heedaádá' al'axweesani gaa oo' difaái ngiwa wahi i qoón.

FAARO 6:20 Iomraidhean Croise

DAHARUSMO 9:7

Tláw, /ayiím ar qwala/, wahaám ar muunuú qwala/, asma Mungú gadiyeérók gaa qaroó ya/án.

ISAYA 25:6

Gawaá tloomár Siyoniro, AAKOÓ MUNGÚ Aleesleemusmo xoordu sleémeero gin muruú /aymár hhóí qaas, nee difaáír tsuua, nee fu'uunaá wahhaará' ló'wa ale, nee difaáír tsuu' ar ló'wa hhohho'.

ISAYA 35:10

Mukdá' AAKOÓ MUNGÚ aa ba/amís i wayaa' nin hardihiyá' ay Siyoni ar daa'ángw bara/, qwal/uú alhhe'eesay wásl i baraá muner'ín. Inooín nin hootiyá' ar qwala/ nee bara/, gurhaami nee /ifooro ni faakiyá'.

TLAHHOÓ LAÁWI 10:15

Da/eewo nee yaaeero, kudá' ta gáwtí tleesi as kiwa haniisi dír AAKOÓ MUNGÚ, kingin huuw dinkwa nee wahhnadá' ta ilahhooár wa da/i as kiwa gáwtí tles as kiwa hanis dír AAKOÓ MUNGÚ. Muruuwí a kók nee na/iiwók, a hariímarhúng ay alhhe'eesay wasle, ar adoodá' AAKOÓ MUNGÚ ngira hara'ayín.»

TLAHHOÓ LAÁWI 23:11

Kaahamusmoó Mungú ufuuduú balaangw guri gáwtí tlees as nguwa haniisi dír geeraá AAKOÓ MUNGÚ, as kahhó' kuungá' tunduwa ya/an. Adoorí ngi tleehhi matloowós baalár Sabaáto bira waaráhh.

TLAHHOÓ LAÁWI 7:30

Ngin dabaawós awa kilár huuw tawa adór ilahhooár da/a, nee di/i nee da/eewo, gari gáwtí tlees as ngiwa haniís dír AAKOÓ MUNGÚ.

TLAHHOÓ LAÁWI 7:31

Kaahamusmoó Mungú wahana gari daa/ gawaá kitángw ilahhooa, ala fu'unaá da/eewo awa Aroni nee daaqaywós.

TLAHHOÓ LAÁWI 7:32

Yaaér doó /iyáy ar alu ar sleedár ilahhooár wayda an kaahamusmoó Mungú i hanisá'.

TLAHHOÓ LAÁWI 7:34

Asma anuú AAKOÓ MUNGÚ da/eewodá' taa haniís tawa ilahhooár ta gáwtí tleemisi nee yaaeedá' taa ilahhooár wa haniisi baraá ilahhooar'ín tidár wayduwo, aga hara'ayiím múk Israeli ngiwa haniisi dír kaahamusmo Aroni nee xwaylarós. Asma fu'unayká' kina dír kaahamuusér Mungú ii haniís ay alhhe'eesay wasle.

TLAHHOÓ LAÁWI 9:21

Ala de/eewo nee yaaér doó /iyáy Aroni giri gáwtí tleés as ngiwa haniisi dír AAKOÓ MUNGÚ ar adoodá' Mose ngura hara'ayín.

SEKARIA 10:7

Nee múk Efraimu tay adór miguusér /uureemaá koom, inooín tay haats qwal/uwo adór múk difaái gaa wah. Na/ii'ín adoorí ngi ariyá' niri qwalaa/iyá', muner'ín iri háts qwal/uwo as anuú AAKOÓ MUNGÚ.

SEKARIA 9:15

AAKOÓ MUNGÚ Aleesleemusmo gi xún inooín wakuuser'ín ngiri arba/iyá', inooín tseerér wakuuser'ín kan adór difaáír wa ku'uus, tseerduuín kin tsiririxiis adór tseerér taa tsiririxiís ar slooqamo dír kitángw ilahhooa.

SEKARIA 9:17

Xáy parootirós i hhohhoaaeér, daaqaay nee dasuuwo slaqo ngin tlehhiitiyá' ar balángw yaariír nee difaáír /aben.

FAARO 18:18

Fu'unaay'ín ki /ák, adór da/eewo nee fu'unaá naawe awa yaaér doó /iyáy, kudá' taa haniís tawa adór ilahhooa, tidá' ta haniisi dír Mungú, kuká' a kók.

FAARO 5:25

Naagáy kaahamusmo ilahhooadár balaangw tidá' hhawaatuwós da/i nguwa ohiin gari gawaá dabaá /ameenidá' wa taataahh gari gáwtí tlees as kawa haniisi dír AAKOÓ MUNGÚ gawaá kitángw ilahhooa hanmis.

FAARO 6:21

«Gaarí an dabér heedaádá' al'axweesani ga oo' kus hariím, ilahhooarós dír AAKOÓ MUNGUHE masók i alqoná' nee al'axweesantós, nee muruú hatlá' i aleeslay haniisaro. Aqo adoodá' al'axweesantós ngira oó' gan boo/ees, adór dabeedá' kas hariím ar heé taa paraatl as AAKOÓ MUNGÚ.»

Matayo 26:29

Án a kah, ma'aá sabiíbu i baloó wahaaká ay baalaadá' awa /aben ngiwa wah dinkwa nee kuungá' baraá waawuti'iimár Baabuúeene.»

Marko 14:25

Án a kah, ma'aá sabiíbu i baloó wahaaká ay baalaadá' awa /aben ngiwa wah baraá waawuti'iimár Munguhe.»

Yohana 19:30

Yesu difaáidá' qarqaar ngiwa sláy, iri oó', «Aa hhooeér.» Saga guri xupu'uús, muunaáwós iri /eét.