FAARO 6:2 - Biblía Axweesantá Hhohho' ar Mungú 2004

² «Múk Israeli kaangwí ti beer: Barnaxes hhawaata laqaá /ameeni al'axweesani kaa oó' ar tiwa paraatli as AAKOÓ MUNGÚ nguwa sagadiyuusi.

FAARO 6:2 Iomraidhean Croise

TI'INAANGW 33:16

Asma adór ir xu'utit adór aníng kuúng ira gurií bá/ barnaxés kuúng a dinkwa nee ateneeká? Kuúng bar dinkwa nee atén daqaní atén a múk dimbé baraá tla/ángw muu sleémeero oo daanduú yaamuwo.»

AXWEESANOÓ SAGALOOA 18:1

Heé dír múk sla'aaká gár i slai a tós kilós, Bar ku gurbu'úngw hhó' í kah in slaaqw.

YEREMIA 35:6

Ala inooín aníng iri bayé', «Aasla'áy, atén difaái a wahaanaaká, asma Yonadabu garmoó Rekabu, baabuúrén, atén tina adoorír hara'ayín, iwa kaahi, ‹Difaái ma wahaara'. Kuungá' ma wahaara' laqaá tam na/iihúng ay kureeri sleém.

TLAHHOÓ LAÁWI 20:26

Kuungá' masók tundu hhohhó' dir'eene, asma anuú AAKOÓ MUNGÚ ti hhoohhoó'. Aníng kuungá' nuna paraátl dír xoordaá hatlae, as kuungá' tawa kwe'eé'.

TLAHHOÓ LAÁWI 27:2

«Xoorór Israeli adoorí baweek, hee bar al'axweesantós gaa oó' dír AAKOÓ MUNGÚ ar hee nguwa haniisi, heedaádá' ga aleesláy al'axweesantós ngiwa hingeesi ar peésa ngiwa haniisi. Nee qoomoó peésa oo ta haniisi a kwí:

FAARO 30:3

«Dasír doó baabuúwós i kaahh bar al'axweesantós ar tseegamo gaa qás dír AAKOÓ MUNGÚ,

FAARO 6:1

AAKOÓ MUNGÚ Mose guna i axweés iwa kaahi,

Luka 1:15

Asma uraay gu sláy dír Aakoowo. Difaái ga baloó wahiiká laqaá umuúqo gár ooniitimisa. Inós ku hatsiis Qeeruú hhoohhoó' oo Munguhe iimír iwa baraá guruú aayoórí kahhi.

Tlehhema'aá ya/Abuuse 18:18

Paulo iri amoodá' wa hoót deelór yaariire. Aluuwo deelo gari oó' dír hhae, iri tláy ar baraá tlawi ay yaamaá Siria. Priskila nee Akila tay alkoné' nee inós. Ala iwa baraá yaamaá Kenkréarí dirii'i se'eengós guri deéqw, asma al'axweesantá lo'o gaa /aáy.

Rumi 1:1

Anuú Paulo barwaárí ngina gooiím. Aníng a lawaalmoó Kristo Yesu, tina ateét tawa ya/abusmo, nee tiri tsawaár as Ya/abtór hho' ar Mungú ngiwa alki/iit.

2 korinto 6:16

Slám Doó Munguú nee munguaá hatlá', adór tir slaslaya' a adoomá? Asma atén an Doó Munguú kudá' slaáf. Asma Munguú ina oó', «Aníng a baraaín wa hoót, nee nay baraá tla/angw'ín wa hi'iimiít. Aníng tari Munguúín, nee inooín tari muk'eé'.»

Galatia 1:15

Ala Mungú aníng ina tsawaár iimír aníng tiwa laqwaaliiká, iri ateét as gurtleemuuwós, as aníng inós nguwa sagadiyuus.

Ebrania 7:27

Inós a adór kaahamuuseedár hatlaeeká. Asma inós gár hikwaá ngis tsu/i umuúqo deelooro i káhh, adoodá' kaahamuuseedá' aáng ngira hanmís. Inooín ilahhooa kana geerií hanmiís, as tlakweemaaín awa kilá', aluuwo as tlakweemaá muu. Ala inós ilahhooár wák kilós ar bu'uut qooma sleémeero gana haniís sagaáwa wák wa ale as muu sleémeero qoomár inós kilós tiwa haniís.

HAR'OHUUSE 13:14

Mamaá xa'anoó sabiíbu mingiwa /ák, laqaá difaái mingiwa wát, laqaá gár oonitimiis mingiwa wát, laqaá gár ta harmeetin mingiwa /ák. Tidá' sleémeero ngaa báw ngi ot.»

HAR'OHUUSE 13:4

Gawaá adoorihe ti harmagahh, difaái ma wahaar, laqaá gaa tam gaalá ar oonitimis, tam muruú /aymár ta harmeetin mu /ayaar,

HAR'OHUUSE 13:5

asma kiíng a tsít, na/oó garma kway laqwál. Ságw na/aysíng mukuwa baloó deéqw, asma inós kwaa paraátl as AAKOÓ MUNGÚ iimír bál xwaylarós wa aleeró. Inós múk Israeli gu tuu/ baraá dabaá múk Filistiro.»

HAR'OHUUSE 16:17

Inós kangwdá' sleémeero guri oó' dír Delila, iwa kaahi, «Sagw'eé' kwaa baloó deeqwiiká, asma aníng tina qaroó paraátl as Mungú iimír tiwa laqwaali. Aníng barnaxes taa deéqw, aqo /uuruueé' in faak, niri daqa tlakúw, tari adór heé hatlá'.»

1 SAMUELI 1:28

Gawaá adoorihe hamí na/aywí ngwa huúw dír AAKOÓ MUNGÚ. Baraá slafiingós sleémeero i dír AAKOÓ MUNGÚ wa hooti.» Inooín AAKOÓ MUNGÚ nguri amoodá' wa sluufmiisiyé'.