FAARO 6:14 - Biblía Axweesantá Hhohho' ar Mungú 2004

¹⁴ nee AAKOÓ MUNGUÚWÓS ngu qeemúy huwi oo deelmoó gwaanda oo kurkú wák oo xaslxaansli wásl as tawa ilahhooár da/a, nee dereemír bee/i ar kurkú wák ar xaslxaansli wasl, as kawa haniisi tawa ilahhooár tlakweema hingeesa, nee gwaanduú xaslxaansli wásl as tawa ilahhooár wayda.

FAARO 6:14 Iomraidhean Croise

1 QOM'I 15:26

Asma Mungú múk tlahhoó Laáwi nguwa alee/iisi kudá' sandakmoó alqado oo AAKOÓ MUNGÚ ngu loohisá', ilahhooár muruú ta tsu/i ngay hanisiyé' dír AAKOÓ MUNGÚ ar awe faanqw nee gwaandaawe faanqw.

WARA'AMI 66:15

Aníng ilahhooár da/a ar wahhaar ngi haniís, nee ilahhooár gwaandaawér ta tsu/i, dinkwa nee hikwa nee aaraawo ngi haniís.

TLAHHOÓ LAÁWI 14:10

«Bál dakaate deelmoó gwaanda oo xaslxaansli wásl, nee dareemír kurkú wák ar xaslxaansli wasl, nee kílo tám ar puuruú natsaatsaá' oo taa dí/tí aleedoók, as ilahhooár bu'uungw, dinkwa nee di/tá niina ar tlaqtá liíta gaa eeriiká ngiri huuw.

TLAHHOÓ LAÁWI 3:6

«Barnaxes ilahhooarók ar wayda ar muruú ta tsu/i, tidá' ta hanis dír Mungú ar muruú ququmát, gwaanda laqaá bee/i, gaasíng ta hanis masók ka xaslxaansli wasl.

TLAHHOÓ LAÁWI 4:27

«Barnaxes a heé geeraharusmowooká tlakweema gina tleéhh ar adór aa haraxuiiká, gár nee hara'ayár AAKOÓ MUNGÚ ti slawa'aaká gari tleéhh, inós iri dakuús.

TLAHHOÓ LAÁWI 4:32

«Bar hee gár naa huúw a bee/i as ilahhooár tlakweema hingeesa, ala masók gár ni huwi a dareemír bee/i ar xaslxaansli wasl.

FAARO 15:27

«Heé wák bar aa dakuús ar pa/aayo, inós dareemír leei ar kurkú wák ngi ilahhooár tlakweema hingeesár wa haniisi.

1 Petro 1:19

Ala gár kuungá' tundura tlaáxw a tseerér afhhamít ar Kristo, kuduú adór deelmoó bee/i, oo slasla/areeká, oo xaslxaansli wásl.