FAARO 6:12 - Biblía Axweesantá Hhohho' ar Mungú 2004

¹² nee tari paraatl as AAKOÓ MUNGÚ as deeloorós tidá' al'axweesani ngiwa qaás. Deelór geera ka faariiká asma se'eengós kudá' taa paraátl kwa meetagaás. Inós deelmoó gwaanda oo kurkú wák ngu ilahhooár dakuús hingeesár wa haniisi.

FAARO 6:12 Iomraidhean Croise

TI'INAANGW 12:5

Deelmoohúng kwisíng oo bee/i masók i xaslxaanslír konká, gwaanduú kurkú wák un sleerá' laqaá gurta.

ESEKIELI 18:24

«Ala heé ganaá' barnaxes gan'amuuwós gwaa máy, tlehhmi'iidá' aníng i buhhtimiisá', kudá' heé tlaákw i tlehhaahhiti, giri tleéhh, xáy, heewí iqo tsuwa sláfi? Aasla'áy, tlehhmi'iidá' sleémeero awa hho' aa tlehhahhiít geeraawo ki baloó inslayká, inós aqo in gwaa' as dee/anuuwós nee tlakweemaadá' aa tleéhh.

TLAHHOÓ LAÁWI 14:24

Kaahamusmoó Mungú deelmooduú gwaanda oo ilahhooár dakuús hingeesa, dinkwa nee di/tá niina ar har tlaqtá liíta gari gáwtí tlees tawa ilahhooár ta haniisi dír AAKOÓ MUNGÚ.

TLAHHOÓ LAÁWI 5:6

Ilahhooár dakuús hingeesa ngi huwi dír AAKOÓ MUNGÚ, dareemír bee/i laqaá ar leei ngi huwi as tawa ilahhooár tlakweema hingeesa. Kaahamusmoó Mungú haraki/isa gan tleehh as daanduú heewí as tlakweemaadá'.

TLAHHOÓ LAÁWI 5:7

«Ala barnaxes dareemír bee/i ga aleeslayká hanisaro as tawa ilahhooár dakuúsarós hingeesa, as tlakweemaá aa tleéhh, inós hhookár tsár ngi haniisi, laqaá na/aá tsár awa hhooka, oo wák as tlakweema hingeesa, nee oo hatlá' tawa ilahhooár da/a.

FAARO 6:11

Kaahamusmoó Mungú hhookír wák gan haniis as tawa ilahhooár tlakweema hingeesa, nee hhookír hatlá' gan haniis tawa ilahhooár ta da/i, inós haraki/isa gari tleehh as heedaádá', asma tlakweema gaa tleéhh as tuua ngiwa kwatiít. Baalaarír kilae inós iri ooi, sagw'eé' aa malé hhohhooúy,

FAARO 6:13

«Gaarí an dabér heé al'axweesani gaa oo', qoomár deeloorós tidá' tiwa paraátl bira fák. Inós kungu huwi dír afkú heémár Mungú,

Matayo 24:13

Ala heé ba/ám a kudá' aa qiitl ay alhhe'eesaay.

Matayo 3:15

Yesu iri oó', «Adoorí na ya/aameek, asma gár atén tiwa hariím, tí an tleehhaán as gan'amuú Mungú kuwa boo/eesaan.» Yohane iri ya/án.

Yakobo 2:10

Hee bar dabe sleémeero gaa óh, ala hara'ayár wák gari sií', inós dabe sleémeero gaa sií'.

2 Yohana 1:8

Kuungá' ti harmagahhe', gadiyérhúng tidá' taa tlehhé' bu'utuuwós miwa qwaár, as kahhó' kuungá' bu'utuudá' hariím kuwa adá wa sleera'.