FAARO 5:9 - Biblía Axweesantá Hhohho' ar Mungú 2004

⁹ Umuúqo ilahhooár hhoohhooe nee qeemuuwo, kudá' hhohhó' kudá' ta huwi amór kaahamusmoó Mungú, ilahhooarí sleémeero tari ar kaahamusmoowí.

FAARO 5:9 Iomraidhean Croise

TI'INAANGW 29:28

Gawaá adoorihe xoorór Israeli daqisleém baraá ilahhooar'ín tidár wayda i hanmamisia dír AAKOÓ MUNGÚ, da/eewo nee manguú aluuwo kin haniis dír Aroni nee daaqaywós. Gaarí an ilahhooar'ín ar wayda ar ta haniisi dír AAKOÓ MUNGÚ.

TLAHHOÓ LAÁWI 10:13

Baraá ilahhooadár da/a taa haniisi dír AAKOÓ MUNGÚ, kuúng nee xwaylarók ka /agá' didá' hhoohhoó' wa ale, asma adoorí a gan'amu diroge nee dír xwaylaroge, adoorí an adór aníng tira hara'ayín.

TLAHHOÓ LAÁWI 10:14

Ala fu'unaá da/eewo nee awa yaae awa ilahhooár ta gáwtí tleesi kawa haniisi dír AAKOÓ MUNGÚ, i aleesleerá' kiwa /aga' umuúqo dír hhoohhooe, kuúng nee na/iiwók awa daaqaay nee awa dasuuwo. Muruuwí an hariímarók nee xwaylarók, kwí tinda haniís as ilahhooár wayda nee múk Israeli.

TLAHHOÓ LAÁWI 10:15

Da/eewo nee yaaeero, kudá' ta gáwtí tleesi as kiwa haniisi dír AAKOÓ MUNGÚ, kingin huuw dinkwa nee wahhnadá' ta ilahhooár wa da/i as kiwa gáwtí tles as kiwa hanis dír AAKOÓ MUNGÚ. Muruuwí a kók nee na/iiwók, a hariímarhúng ay alhhe'eesay wasle, ar adoodá' AAKOÓ MUNGÚ ngira hara'ayín.»

TLAHHOÓ LAÁWI 6:26

Kaahamusmoó Mungú kudá' ilahhooarí gaa haniis an kudá' ga /aáy, gan /aay didá' hhoohhoó' wa ale baraá afeenír heémár Mungú.

TLAHHOÓ LAÁWI 7:32

Yaaér doó /iyáy ar alu ar sleedár ilahhooár wayda an kaahamusmoó Mungú i hanisá'.

TLAHHOÓ LAÁWI 7:34

Asma anuú AAKOÓ MUNGÚ da/eewodá' taa haniís tawa ilahhooár ta gáwtí tleemisi nee yaaeedá' taa ilahhooár wa haniisi baraá ilahhooar'ín tidár wayduwo, aga hara'ayiím múk Israeli ngiwa haniisi dír kaahamusmo Aroni nee xwaylarós. Asma fu'unayká' kina dír kaahamuusér Mungú ii haniís ay alhhe'eesay wasle.

FAARO 18:19

«Muruudá' sleémeero hhohhó' oo múk Israeli ni aníngí hanmiisi, aníng ngu kuúng i haniís, nee daaqaywók nee dasuuwók as tawa hariímar'ín daqisleém. Gaarí an alqadór alhhe'eesay wasl dir'eene nee diroge nee dír xwaylaroge.»

FAARO 31:41

Naagáy Mose muruuwí guri haniís dír kaahamusmo Mungú Eleasari tawa ilahhooár AAKOÓ MUNGÚ, adoodá' AAKOÓ MUNGÚ Mose ngura hara'ayín.

FAARO 5:8

Barnaxés heedaádá' taa sadakuús, aa gwaá', nee mar'afmoowós oo tseéw i kaahh oo bu'utuudá' gu óh, gimáy bu'utuudá' ku huwi dír AAKOÓ MUNGÚ as tawa oo kaahamusmoó Mungú, inós gwaanda ngu didií doogi as haraki/isa kawa tleehhi as tlakweemaawós.

DABE 12:26

Ala qeemuudá' hhohhó', kudá' ta hanmisa' nee ilahhooadár al'axweesanto, ki hubá' didá' AAKOÓ MUNGÚ aa tsawaár.