FAARO 5:7 - Biblía Axweesantá Hhohho' ar Mungú 2004

⁷ Inós gár kuwa hariím aqo tlakweemaawós kudá' aa tleéhh gin hhu'uu'ún, bu'utuú tir tu/i baraá dakuúsarose, a tidá' sleémeero ngiwa ki/isi, nee gár wák baraá muruú kooane gan dook dír heedaádá' aa sa dakuús.

FAARO 5:7 Iomraidhean Croise

WARA'AMI 32:5

Án dakuúsar'eé' ngiri dirók i alki/iít, nee adór nira qwaár aga duqumiiká diroge. Niri oó', «Dakuúsar'eé' a gwadidiím dír AAKOÓ MUNGÚ.» Kuúng dakuúsar'eé' kari gurtleér.

AXWEESANOÓ SAGALOOA 28:13

Heé tlakweemaá lu/u/uúm amohhooa ga baloó slayká. Ala kudá' tlakweemaawós gaa gwadiidin giri máy tlehhtuuwo ku gurtláy.

TLAHHOÓ LAÁWI 26:40

«Ala barnaxes tlakweemaaín ngaa hhu'uu'uné', nee tlakweemaá baabi'ii'ine, gawaá aahhidá' tinda aníng i tleehhi, nee inooín aníng iwa tlampa'aamisiye',

TLAHHOÓ LAÁWI 26:41

gár aníng nee inooín tisa tlaampa'aamisaán bar ngaa tsaahhiyé', nee gár ngisa huúw baraá yaamaá wakuuser'ín, nee barnaxes ar ló' muner'ín tidá' gawden aa wanana'át nee tlakweemaaín ngiri hhu'uu'uné',

TLAHHOÓ LAÁWI 5:15

«Barnaxes hee tlakweema gaa tleéhh ar adór aa haraxuiiká daanduú muruudá' hhohhó' ta AAKOÓ MUNGÚ i hanmiisi, inós gwaanduú xaslxaansli wásl ngu ilahhooár dakuús hingeesár wa haniisi. Kuúng tlaxór gwaandudá' an alqoomés nee tlaxór didá' hhoohhoo'. Tí an ilahhooár dakuús hingeesa.

TLAHHOÓ LAÁWI 5:16

Tam adoorihe muruudá' sleémeero hhohhó' aa hhitín gun buu', muruú kooán gun aldaaf ar gár wák, gari dír kaahamusmoó Mungú i haniis. Kaahamusmo haraki/isa gan tleehh as daanduú heewí ar gwaanduduú ilahhooár dakuús hingeesa, heedaádá' kuri gurtláy.

TLAHHOÓ LAÁWI 5:5

«Barnaxes hee baraá tlakweemakae, dakuúsarós gaa tsaáhh, daqaní ngi ooi.

TLAHHOÓ LAÁWI 7:7

«Dabér ilahhooár dakuús hingeesa nee ar tlakweema hingeesa a wak, kaahamusmoó Mungú kudá' haraki/imisuú tlehhiít, fu'unaydá' gin ar tláy.

FAARO 5:8

Barnaxés heedaádá' taa sadakuús, aa gwaá', nee mar'afmoowós oo tseéw i kaahh oo bu'utuudá' gu óh, gimáy bu'utuudá' ku huwi dír AAKOÓ MUNGÚ as tawa oo kaahamusmoó Mungú, inós gwaanda ngu didií doogi as haraki/isa kawa tleehhi as tlakweemaawós.

Luka 19:8

Sakayo iri sihhiít guri báy, «Qaytsiít Aáko, tlaqtá daqaari'iimar'eé' a haniís dír narkuute, nee gár hee ar naa hara/uuntsiím bir deer, a ki/ís sagaáwa tsiyáhh wa ale.»

YOSHUA 7:19

Yoshua Akani guri báy, «Garmaaeé', na'ás, AAKOÓ MUNGÚ, Munguú Israeli, xirfayeeseek, lama ma tsataar. Daxta gadaádá' taa tléhh na ooang dir'eéní ale. Nee ma gaa lu/aar tam ar wák dir'eene.»