FAARO 5:2 - Biblía Axweesantá Hhohho' ar Mungú 2004

² «Múk Israeli ádbaweek umuú heewo oo tiqtír tsatmituú koóm ngu hingeesiye' baraá xafay'ín kuduú hotaawo, laqaá heé malalaáhh as tiqtír tsaatu'uuma, nee heé tuua gaa kwatiit.

FAARO 5:2 Iomraidhean Croise

2 WAAWITÁ 7:3

Muko tsiyáhh oo tiqtír tsatimituú koóm i deer didár afkú gixsár Samariaro, inooín tina kilooín yaahamisiyé', «Ahaá an diirí wá iwiwiitaána ay dír qwari tay tsu/i?

TLAHHOÓ LAÁWI 13:45

«Umuúqo heewo oo tiqtír tsatmituú koóm tlabaá slaxaremo gin tsitiit, nee se'eengós gu xaafiiká, nee afkós gun luu/, inós iri tseeamín iwa kaahi, ‹Aníng a baraá meeta! Aníng a baraá meeta!›

TLAHHOÓ LAÁWI 13:46

Inós in baraá meetaá wa hoot deelo sleémeero ar iwa tiqtír tsatmituú kon. Inós i baraá meeta, nee in tsee/aá xaftá wá hoot.»

TLAHHOÓ LAÁWI 13:8

Kaahamusmoó Mungú heedaádá' guri malé xuuxuu'. Barnaxes deeidá' heedá' gwaa altsiyayaaxát, daqaní kaahamusmoó Mungú heedaádá' guri xu'utis tawa heé ta harmeetin, asma gaa a tiqtír tsatmit.

TLAHHOÓ LAÁWI 14:8

Aluuwo heedaádá' tlabaawós giri hhuunts, se'eengós guri deeqw, iri hamtlín, inós iri hhohhooúy. Adoorí bira hhooeér iri kii/ baraá xafi, ala i dahiiká baraá heéma ay deelo faanqw.

TLAHHOÓ LAÁWI 21:1

AAKOÓ MUNGÚ Mose guri báy, «Kaahamuusér Mungú tidár tlahhoó Aroni ka beer, baraá tla/angwhunge hee mitiwa meetagaás ar tuuár mar'afmoowós ngiwa kwatiiti.

TLAHHOÓ LAÁWI 23:29

Umuúqo heewo oo baalaarihe aa gwaawinká gár kuwa hariím a kun baynitis dír mukós oo Israeliwo.

FAARO 12:10

Qoomár huunkidá' iwa gáwtí tleér gawaá daanduú heémaro, naxés Miriamu tiqtír tsatmit gaa sleér, ina /awakuúr adór tlaa/aá tluwaay. Aroni iwa qaytsiít amór Miriamu, naxés i tiqtír tsatmituú koón.

FAARO 12:14

Ala AAKOÓ MUNGÚ Mose guri báy, «Barnaxes kaa gitsee/a i tsuúq nee baabuúwós, xáy kaa mureekeesiikáhe deelo faanqwe? Gimáy, baraá xafto tsee/ií duuxeek deelo faanqwe, daqaní ni baraá xáftí ki/.»

FAARO 31:19

Umuúqo heé hee gwaa qo gaasi baraá tla/angwhunge, laqaá kudá' tuuár hee gaa kwatiit, i tsee/aá wa iwiwiti ay deelo faanqw, miwa dáh baraá xafi. Bál tám nee bál faanqwe ti hheehhe'ese' kuungá' dinkwa nee mukhúng kudá' naa haasaáng wa hubi'i.

FAARO 5:1

AAKOÓ MUNGÚ ina axweés dír Mose iwa kaahi,