FAARO 5:19 - Biblía Axweesantá Hhohho' ar Mungú 2004

¹⁹ Aluuwo Kaahamusmo /ameenidá' gari lo'ór /aymiis iwa kaahi, ‹Kiíng barnaxes aga qati'iiká nee hhawaatuú hatlá', nee tiri slasla/areská handá' kiíng aqo hhawaatuú koón, lo'o i eeraaká ar ma'ayka' qarqará'.

FAARO 5:19 Iomraidhean Croise

FAARO 5:12

«Múk Israeli baweek: Barnaxes heeko hareerós aa hhiturút nee aa inkihhimu waslés dír hhawaatuwose,

FAARO 5:18

Kaahamusmo /ameenidá' gari dír geeraá AAKOÓ MUNGÚ i sihhtis nee gari saga kiis nee ilahhooadár balaangw tidá' ta haniisi as hhawaatuwós iwa xuruút gari dirós i haniis. Kaahamusmo xooslmooduú ma'aá qarqará' koóm, kudaá lo'o guri oh dakose.

FAARO 5:28

Ala barnaxes /ameenidá' taa slasla/areská nee i dakuúsár koondaaká, inós gár ga aw i káhh, nee aqo na/ii gin sleér.

Matayo 26:63

Ala Yesu aa ilawatsiiká. Kaahamusmoó úr oo Mungú Yesu guri báy, «Án kuúng u baw, lo'o huweek ar Munguúdá' slaáf. Atén ti ádbeer kuúng barnaxes aqo Kristo, Garmoó Mungú.»

Rumi 7:2

/Ameenír taa duúx, inós kaa tseék nee hara'aya dír hhawaatií alé, qoomár hhawaata bir slaaf. Ala hhawaata bira gwaá', inós daqaní kaa gweér baraá hara'ayaadá' inós gaa tsek dír hhawaatuuwo.