FAARO 4:24 - Biblía Axweesantá Hhohho' ar Mungú 2004

²⁴ Gadiyér múk guruú doó Gershoni a tí nee huwár i loohisiia:

FAARO 4:24 Iomraidhean Croise

FAARO 10:17

Naagáy heémadá' kari yaamií daáhh, nee múk guruú doó Gershoni nee oo guruú doó Merari, ngiri gagaariyé' niri tlayé'.

FAARO 3:25

Gadiyér daaqoó Gershoni a heémár hhoohhoo' amohhe'eemis, heémaadá' dinkwa nee tuuntukumaarose, nee inqwaaridár afkú heémár Mungú,

FAARO 3:26

nee inqwaruudá' taa tarereín tla/ángw heémadá' hhoohhoo' nee kitángw ilahhooa, nee inqwaaridár dír afkú dahmaá afeeni, nee him'eerose. Gadiyeérí sleémeero a inooín ngin tleehhiyá'.

FAARO 4:15

Ala Aroni nee daaqaywós didá' hhoohhoo' birnga hhe'eesiyé' tuuntuukaro dinkwa nee xoosla sleémeerowo, nee qoomár birta amohhe'eesiyé' aai iimu/uumaaro, múk guruú doó Kohati tindi hardihi as heéma kawa gagaari. Ala inooín xooslár hhohho' makawa kwatiít, as matawa qaátl. Gaarí an gadiyér múk guruú doó Kohati qoomár barta heémár Mungú loohatimis.

FAARO 4:19

Adoorí an adór inooín kir alee/is as kahhó' niwa slafiya', mindiwa qatliyé' as niwa tseewuyé' dír xosluudá' ló'wa hhohho'. Aroni nee daaqaywós ta dahi umuú heewo ku gadiyeérós i qasiisi nee xooslaarós ar i loohisi.

FAARO 4:23

Hhawaate sleémeero faareek iimír awa kureeri mibeeri tám awa oohang ay awa kureeri mibeeri kooán, kudá' hariimá' baraá gadiyeérír heémár Munguhe.

FAARO 4:25

Inooín tuuntuukumár didá' hhoohhoo' ngin loohisiyá' nee tuuntuukumár heémár Mungú, nee kaahartá natsaatsaa' ar leei, tidá' taa daanduudár tuuntuúk, nee inqwaarír afkú heémár Mungú.

FAARO 4:27

Aroni nee daaqaywós an múk gadiyér múk guruú doó Gershoni ga hara'ayiyiím daanduú muruudá' sleémeero ta loohisi nee gadiyeé sleémeero ar ta tlehhiiti. Muruudá' hariím lohisor'ine qoomeemeseek.

FAARO 4:47

iimír awa kureeri mibeeri tám wa oohang ay awa kureeri mibeeri kooán, kudá' handá' hariimá' gadiyeede nee gadiyér huwa loohiso ar heémár Mungú.

FAARO 4:49

Umuú heewo kuna gadiyeédí sláy ar i tleehhi nee loohisór heémár Mungú ar adoodá' AAKOÓ MUNGÚ Mose ngura hara'ayín.

FAARO 7:7

Hhay Gershoni kina gaardaá tsár i haniís nee awe tsiyáhh, ar adoodá' gadiyér'ín i diri',