FAARO 4:15 - Biblía Axweesantá Hhohho' ar Mungú 2004

¹⁵ Ala Aroni nee daaqaywós didá' hhoohhoo' birnga hhe'eesiyé' tuuntuukaro dinkwa nee xoosla sleémeerowo, nee qoomár birta amohhe'eesiyé' aai iimu/uumaaro, múk guruú doó Kohati tindi hardihi as heéma kawa gagaari. Ala inooín xooslár hhohho' makawa kwatiít, as matawa qaátl. Gaarí an gadiyér múk guruú doó Kohati qoomár barta heémár Mungú loohatimis.

FAARO 4:15 Iomraidhean Croise

2 SAMUELI 15:24

Kaahamusmo Abiatari iri tláy, nee kaahamusmo Sadokiwo tana al tláy dinkwa nee múk Laáwi sleémeero ta sandakmoó loohiis kuduú alqadór Mungú. Sandakmooduú Mungú kuri yaamií qaás, ay dír muu sleémeero i waarahhi kudá' Yerusalemúr daáhh.

2 SAMUELI 6:13

Mukdaádá' sandakmoduú AAKOÓ MUNGÚ loohiís, digiruú lahhoó' bur kwaa hi'iít, Daudi awu nee damár wahhaar gin ilahhooár wa tsuu/.

1 WAAWITÁ 8:3

Bariisér Israeli ina hardát, nee kaahamuusér Mungú sandakmooduú alqado guri gagát.

1 QOM'I 15:15

Múk tlahhoó Laáwi sandakmoó Mungú ngway gawaá /aampaárí qaasiyé' ngway sum'ír gagaariyé', ar adoodá' Mose ngira oó', adór axweesantá AAKOÓ MUNGÚ ngir kat.

1 QOM'I 15:2

Naagáy Daudi iri oó', «Heé hatlá' i kaahh oo sandakmoó Mungú gu gagaár aqo har múk tlahhoó Laáwi, asma inooín AAKOÓ MUNGÚ gina tsawaár as sandakmoó AAKOÓ MUNGÚ loohiso, nee inós nguwa sagadiyuusiya' daqisleém.»

1 QOM'I 23:26

Daxta gár múk tlahhoó Laáwi kus leelehhitaan i káhh as heémadá' hhoohhoo' gagaara nee xosluudaá gadiyér doó Mungú.»

TI'INAANGW 19:12

Kuúng digma ku tloomár harwét, nee ki beer, ti harmagahhe', miwa hee tsa/án gawaá tlooma, laqaá tam digmuudá' mukuwa kwatiít. Heé tlooma gaa kwatiit aqo kun gaas.

TI'INAANGW 19:21

AAKOÓ MUNGÚ Mose guri báy, «Tláw aweér, mukqá' gurbueek, aníng miwa artá ayé', aluuwo niri qatliyá'.

TI'INAANGW 27:7

Xaaiiká' ki dahás baraá duungáydá' umuúqo barto qoomár burku loohiis.

TLAHHOÓ LAÁWI 16:13

Inós mooyangwdá' ngun huuw dír geeraá AAKOÓ MUNGÚ, guri baraá ásltí qaas, nee quuír mooyangwdá' kitangwduú gurtleemu, kuduú gawaá sandakmoó alqado, guri tuuntúk. Adoorí ngi tleehhi as kahhó' miwa gwaá'.

FAARO 1:50

Ala múk tlahhoó Laáwi qaaseek heémár lamabu'uungw ngiwa amohhe'eemisiya', nee xooslarós sleémeero nee umuúqo gár baraadií diriia. Inooín heémadá' ngin gagariná' nee xooslaarós sleémeero, nee nin baraadá' wa gadiyuusiyá' nee xafay'ín kun tleehh as kuwa heémár harweeri.

FAARO 1:51

Slám qoomár barnaxes a heémár tu/uundá' gadiyeésíng ar múk Laáwi, nee qoomár bar heémár tlehhitá', gadiyeésíng ar múk Laáwi, nee barnaxes heé tlahhoó Laáwiwooká aa bihhaadií tseewúy aqo kun gaas.

FAARO 10:21

Aluuwo múk guruú doó Kohati xosluudá' hhoohhoo' ngina gagaariyé' tari tláy, tawa hardihi heémadá' kikiaro kaa hhe'eés.

FAARO 18:3

Inooín gadiyér kuúng taa ó' ngi tleehhiye', nee gadiyér heémaadá' sleémeero ngi boo/eesiye'. Ala inooín xosluudá' hhohho' ar baraá heéma mingiwa kwatiitiyé', laqaá mindiwa tseewuyé' dír kitángw ilahhooa as matawa qaátl dinkwa nee kuungá'.

FAARO 3:38

Mose nee Aroni nee daaqay'ine kina slaá' xafay'ín nguwa tleehhiya' dír geeraá heémaadá' hhoohhoo' bihhaá da/aáw wa ale, amoodá' tsee/amá iwa ti'imiiti. Gadiyér'ín dír kawa tleehhi a didaádá' hhoohhoo', nee umuúqo gár tleehhamór sla'a as xoorór Israeli. Barnaxés heé hatlá' aa tseewúy bihhaadá' aqo kun gaas.

FAARO 4:14

Xosluudá' tar gadiyumaamisi didár kitángw ilahhooaro sleémeero ka qaasi gawaá daanduuwós. Muruú ta mooyángw tsuú' i da/a/an, nee muqslár sihhnaá kooma nee hhaansi'i nee búklaaywo. Aluuwo gawaawose kaahartá natsaatsaa' ar leei ka hhafi, nee xaa'aá loohiso ki dahaasi.

FAARO 4:19

Adoorí an adór inooín kir alee/is as kahhó' niwa slafiya', mindiwa qatliyé' as niwa tseewuyé' dír xosluudá' ló'wa hhohho'. Aroni nee daaqaywós ta dahi umuú heewo ku gadiyeérós i qasiisi nee xooslaarós ar i loohisi.

FAARO 4:20

Ala xwaylár Kohati miwa baloó dát tam adór niiná nee tari xooslár xuxu'úngw áy, adoorí birnga tleehhiyé' ta qaatl.»

FAARO 7:9

Ala Mose múk hhay Kohati gár ngway haniís tam ar niiná i káhh. Asma gadiyér'ín a xosluudá' hhohho' kan amohhe'eemiis, tidá' hariim kawa loohisi ar gawaá sum'i.

DABE 31:9

Mose dabeedá' gana gooín, gari haniís dír kaahamuusér Mungú ar tlahhoó Laáwi, kudá' sandakmoó alqadór AAKOÓ MUNGÚ loohiisá', nee dír bariise sleémeero ar múk Israeli.

YOSHUA 4:10

Kaahamuuseedár Mungú sandakmoó alqadór loohiis ina sihhmaamít baraá tla/ángw yaaér Yordani wa ale. Tana sihhmaamiít ay qoomár umuú gaaro iwa hhooeér, tidá' AAKOÓ MUNGÚ aa hara'ayín dír Yoshua, as ngiwa hara'ayin dír muu, ar adór muruudá' sleémeero Mose aa hara'ayín dír Yoshua. Muu iri waaraáhh ar gaanslaay.

1 SAMUELI 6:19

AAKOÓ MUNGÚ múk mibeeraá faanqw oo Bet-shemeshi guri tsuú/, asma nina harqaytsitiyé' baraá guruú sandakmooduú alqadór AAKOÓ MUNGÚ, muu sleémeero iri gurhaamuút, asma AAKOÓ MUNGÚ múk yaariír guna tsuú/.