FAARO 36:7 - Biblía Axweesantá Hhohho' ar Mungú 2004

⁷ As kahhó' aalír múk Israeli makawa warqeés amór tlahhoó hatlá', umuúqo heé Israeliwo kaangwí ngu alqaytsiti adór aalirós tar baraá tlahhoó guruú do'ós.

FAARO 36:7 Iomraidhean Croise

1 WAAWITÁ 21:3

Ala Naboti iri oó', «Aalír baabi'iieé' naa haniisiyé' ngiwa kuúngí haniis, AAKOÓ MUNGÚ ngi amór saáwí pa/asi.»

FAARO 36:8

Umuúqo /ameenír aali gaa sleeri baraá tlahh'aá Israeliwo, aqo kan duux nee heé tlahhaywós, as kahhó' umuúqo heé Israeliwo aalír baabi'ii'ín ngiwa slay.

FAARO 36:9

Gawaá adoorihe umuúqo tlahhaywo aalir'ín ka warqeesiiká amór tlahhoó hatlá'. Umuúqo tlahhoó Israeliwo aalír guruú dooín gan oh.»

YOSHUA 24:28

Yoshua muu guri pa/ángwií haniís tawa watli amór maray'ín.

1 SAMUELI 26:19

Hamí daxta, aakooeé' kuú waawutmo, axweesantá sagadiyusmoowók iiárií qaaseek. Barnaxes AAKOÓ MUNGÚ una amor'eéní tliwií/, ilahhooa ngi oohi tidá' inslawaywós gu warqees. Ala barnaxes a afér muu, múk adór kwí AAKOÓ MUNGÚ ngu lu'usi kwí aníng i gusisiím dír aalir'eé' tidá' AAKOÓ MUNGÚ naa haniís tawa kaahi, ‹Tláw slaqsi'iidaá munguaá hatlá' sagadiyuseek.›