FAARO 35:30 - Biblía Axweesantá Hhohho' ar Mungú 2004

³⁰ «Barnaxes hee hee gwa gaás, heedaádá' aa tsu/uut gár kuwa hariím a gaasa, bar lamabu'uungw daanduwose i deer, ala heé ta gaasi ar lamabu'úngw heé wák i kaahh.

FAARO 35:30 Iomraidhean Croise

TI'INAANGW 21:12

«Heé kuqá' gwa muux iri gwaá', inós sleeme aqo kun gaas.

TLAHHOÓ LAÁWI 24:17

«Umuúqo heé hee gwa gaas, inós sleeme gár kuwa hariím kun gaas.

FAARO 35:16

«Ala bar hee kuqá' ngwa slaáhh ar muqsli iri gwaá', heewí a tsu/utusmo, nee inós gár kuwa hariím a kun gaas.

FAARO 35:31

Heé aa tsu/uut oo kwasleemarós taa gwa'araár i tsaát bar gár hhiintluuwós ngur tu/i ngi hanmiis ma oohara', inós aqo gaasa.

Matayo 18:16

Ala bar kuúng ugwa iiárií qaasiiká, tláw nee heé wák ti malé koonde', laqaá múk tsár, as umuúqo axweesanto ka tsati ar afér lamabu'uusér tsár laqaá tám.

Yohana 7:51

«Ahaá, hara'ayarén hee gu sakwasleemúta, barnaxes axweesantós kaa axaasiiká geerií alé, nee barnaxes kaa xuiiká tidá' aa tleéhh?»

2 korinto 13:1

Daxta gaarí a sagaáwa tám niwa amorhúng i hardah. Gooi i kat, «Ar afér lamabu'uusér tsár laqaá tám umuúqo sakwasleemaro ka tsaat.»

DABE 19:15

«Lamabu'úngw heé wák i bu'uutiiká kuwa heéwár sakwasleemut daanduú dakuúsár hee gaasaro, laqaá tlakweemaá hatlá' awa aa tleéhh. Lamabu'úngw múk tsár, laqaá tám, an lamabu'úngw bu'uút kuwa ar gadiyusa'.

DABE 27:24

«Umuúqo heewo oo hee gwaa qawti gaas, kwaa lu'ús.» «Nee muu sleémeero ta ooi, Amin.»

1 Timoteo 5:19

Sakwasleemár daanduú geeraharusmoó múk kríshaanáy ma ya/aamaar, aqo ay dír ki axas dír afér múk tsár wa ale, laqaá tám.

Ebrania 10:28

Heé hara'ayár Mose gaa sii', inós gár kuwa hariím a in gwaa', ku gurtlayká, barnaxes múk tsár, laqaá tám, tlakweemaawós gaa lamabu'ún.

Geehhoeemaá 11:3

Nee aníng lamabu'uuser'eé' ar tsár a ya/aáw. Inooín tari aarirín deelo kumuú wák nee tsiire tsár nee mibeeri lahhoó'. Inooín tsitay'ín a guniyadu.»