FAARO 35:20 - Biblía Axweesantá Hhohho' ar Mungú 2004

²⁰ «Tam sleeme hee kuqá' bur ngwa gurúr sií' guri gin/iís, laqaá guri giír, guri geeleéhh ar garka,

FAARO 35:20 Iomraidhean Croise

IIMU/UUNGW 4:5

Ala AAKOÓ MUNGÚ kwa qwal/atisiiká nee Kaini, tam nee ilahhooarose. Kaini iri ló'wa buúhh, tam gitsee/aawós niri quyuuiyé'.

IIMU/UUNGW 4:8

Kaini hhiyaawós Abeli guri báy, «Góh, a baraá qaymór kawaán.» Tawa baraá qaymór i hardáh, Kaini Abeli guri hara/akuút, guri gaás.

2 SAMUELI 13:22

Absalomu axweesantá amór Amnoni gari máy, asma Amnoni nee hho'oorós tawa alqaát.

2 SAMUELI 20:10

Ala Amasa paángadá' Yoabu i kon gaa ariiká. Naagáy, Yoabu guruú Amasa guri muút ar paángadá', waqátuuwós niri tsee/áy ti'iít, iri gwaá'. Yoabu muttá tsare a ki/iká. Kár, Yoabu nee hhiyaawós Abishai tana kumiít Sheba garmoó Bikri kuwa ya/ati alkon.

2 SAMUELI 3:27

Abneri niwa kií/ Hebroni, Yoabu guna ar bihhií suruúk dír afkú do' kuwa áy adór kwaáo' axweesantá tar suufi in deer. Nee inós tawa didií sihhiít, Yoabu guruú Abneri guri muút. Abneri iri gwaá', asma Abneri Asaheli, hhiyoó Yoabu, guna gaás.

WARA'AMI 11:2

Ga/aaweek adór tlakuuse ga/alduín ngira uuruxiyé', maheeri kaa qaás gawaá ga/aldu, as kudá' mune ganaa'á' kiwa tlaquuti baraá giwtír wa ale.

TI'INAANGW 21:14

Ala hee barnaxes ina tsabín kuqá' nguwa geewaqaati, guri gaas, heewí tam bira goów dír kitángw ilahhooa, ku didá' wa hingeesá', ku gasá'.

AXWEESANOÓ SAGALOOA 26:24

Heé aahhír koóm aahhirós gan luu/ ar axweesanoó hhó' Ala inós kuqo inslaway tlákw baraawose.

AXWEESANOÓ SAGALOOA 28:17

Heé ta al'ilooúy nee tseerdaá muu masók in nahhamamiit ay gwa'ara masók kun /iisiiká nee hee.

FAARO 35:19

Heé guruú doó kudá' taa gaás an heé li/aay gu buú' oo heedaádá' kunday ra/aát nguwa gaasi, bar ta sadoogiye' nee kwí a qo gun gaas.

FAARO 35:21

laqaá guna tuú' ar kundaay iri gwaá', naagáy heewí hee gwaa tuu' ar kundaay iri gwaá' a tsu/utusmo, nee gár kuwa hariím aqo kun gaas. Heé guruú doó kudá' taa gaás an heé li/aay gu buú' bir taa sa doogiyé'.

Marko 6:19

Herodia loohi gana leelehhít ar Yohane ngur gas, ala gaa sleeriiká.

Luka 4:29

Tari tláy, kuri duúx baraá gixsaro, kuri gawaá kaankír tloomár i huúw, tloomadá' taa gixsar'ín i tleéhh, as kuwa yaamií kwahhi.

Tlehhema'aá ya/Abuuse 20:3

Iri amoodá' wa hoót slahheeri tám. Paulo iri tleemuú slaá' iwa yaamaá Shamúr kay ar baraá tlawi. Ala múk Yahudi adór kur gaasi kaa al'axweés. Gawaá adoorihe Paulo saga guri warqeés iwa ki/i ar baraá tla/ángw Makedonia.

Tlehhema'aá ya/Abuuse 23:21

Ala kuúng ma ya/aamaar, asma múk mibeeraá tsiyáhh gi waaraáhh ngu loohír wa gigidiná'. Nee inooín lo'o ngaa /ayiyé' ar iwa /ayina'aaká, laqaá i wahiaaká, ay dír Paulo ngway gaasiya'. Nee hamí axweesantá amoorók daahh ngin daamaraná'.»

DABE 19:11

«Ala barnaxes hee wakusmoowós gwaa haramamahhaát guri gaás, aluuwo iri goów baraá gixsaduudaá guwaay,

1 SAMUELI 18:25

Saulo iri oó', «Daudi kaangwí bawaak, ‹Gár waawutmo i slai kitángw gwaduú dasiirose a tuumboó hhawaataá tsiiruú wák awa Filisti, as li/ayduú wakuusér waawutmo nguwa bui.› » Adoorí an adoodá' Saulo aa qoomeés as kahhó' Daudi kuwa gaasi nee múk Filisti.

1 SAMUELI 20:1

Daudi nina goów Nayotír wa ale ay baraá yaamaá Rama, iri tlaatláy ay amór Yonatan, guri báy, «Gár naa dakuús a milá? Tlakweemaeé' a milá? Gár tlaakw ar naa tleéhh dír baabuúwoge a milá, tam slafingw'eé' nguwa qwaareesár wa slai?»

1 SAMUELI 24:11

Baabuúeé' qaytsiít, pasltá inqwaarirók i gawaá dakw'eé', barnaxes pasltá inqwaarirók ana tsaát, kuúng uri gaasiiká, ka xú' nee ka tsáhh adór dabaaeé' kir hhohhó', tam /aymuú kuúng uwa sadakuús i kaahh, ala kuúng án ina slakaamaamít as iwa gaasár wa sla'.