FAARO 35:2 - Biblía Axweesantá Hhohho' ar Mungú 2004

² «Múk Israeli ádbaweek baraá aalir'ín tidá' ta slaya, múk Laáwi ku qay gixsadaá ta hooti dinkwa nee qawtani sleémeero ar gixsaduudá' gaa harwedi as tawa qawtantá bee/angw'ín.

FAARO 35:2 Iomraidhean Croise

1 QOM'I 13:2

Aluuwo Daudi múk Israeli kudá' aa burumburiit guri báy, «Bar aga aandé' tí i qoón, nee slám bar tidá' AAKOÓ MUNGÚ, Munguúrén i slai, gimsé' afo a ilahaniisaán amór hhaeerén kudá' naa meetiye' baraá yaamu sleémeero awa Israeli dinkwa nee kaahamuusér Mungú, nee múk tlahhoó Laáwi, kudaá baraá gixsaduuín nee yaamaá qawtanaay, kiwa ateetaan tawa aldinku'uusaan nee atén.

2 QOM'I 11:14

Múk tlahhoó Laáwi yaamuuín nee qawtanti'ine ngay geexayé' niri loohiyé' baraá yaamaá Yuda nee Yerusalemu, asma Yeroboamu nee daaqaywós ngina ilaa/iyé' Mungú nguwa sagadiyuusiya' adór kaahamuusér AAKOÓ MUNGÚ wa ale.

2 QOM'I 31:19

Slám kaahamuusér Mungú ar xwaylár Aroni ar baraá qamaá hoot, kudá' ta aliiti tsee/aá gixsar'ín, múk taa qaás i deer oo qoomoó muruú /aymar'ín gu qasmiís. Umuú heewo tidá' inós wa hariim gan slasláy, inós bar garma baraá kaahamuusér Munguhe, nee umuú heewo oo múk Laáwi oo taa qo gooini.

NEHEMIA 13:10

Slám ngay malé tsaáhh adór múk tlahhoó Laáwi hariímar'ín ngira slay'iiká, naxés múk tlahhoó Laáwi nee daauuse, kudá' geeraawo gadiyuusá', umuú heewo iri kií/ baraá qaymoorós.

ESEKIELI 48:22

nee yaamaá tlahhoó Laáwi dinkwa nee yaamaá gixsa in baraá tla/ángw yaamuudaá geeraharusmo. Yaamaá geeraharusmo a digma nee yaamaá tlahhoó Yuda, nee awa tlahhoó Benyamini.»

ESEKIELI 48:8

«Alaá yaamaá tlahhoó Yudawo yaamaá tlenaango kilomiíta mibaá nee tsár nee uroó bihheero kilomiíta mibaá nee tsár, ki qasisá' iimír bihhaá /iya ay basa, nee tlenaangw aqo adoodá' iimír bihhaá da/aáw wá tleemu ay bihhaá /uwa. Yaamuuká' i alqoná' nee yaamaá tlahh'i sleémeero. Dír hotaá AAKOÓ MUNGÚ ka tlehhá' tla/ángw yaamuuká'.

FAARO 35:1

AAKOÓ MUNGÚ ina axweés dír Mose baraá xatsaá Moabu wa ale, amoodár gayuú yaaér Yordani, tidá' nee Yeriko ti ga/aawá', iwa kaahi,

FAARO 35:3

Gixsaduuká' tari kooín, inooín nin baraadá' wa hootiyá', nee qawtanaydá' oo hikwaaín nee oo makay'ín sleémeero awa ta kona.

DABE 18:6

«Heé tlahhoó Laáwi birngi slaa' iwa loohi, baraaá gixsadá' i hooti baraá Israeliwo, aqo in loh amoodá' i slai AAKOÓ MUNGÚ aa tsawaár.