FAARO 35:19 - Biblía Axweesantá Hhohho' ar Mungú 2004

¹⁹ Heé guruú doó kudá' taa gaás an heé li/aay gu buú' oo heedaádá' kunday ra/aát nguwa gaasi, bar ta sadoogiye' nee kwí a qo gun gaas.

FAARO 35:19 Iomraidhean Croise

IIMU/UUNGW 4:14

Ga/aaweek, laarí iga gús baraá yaamukae, slám iga gús amór saáwí alé dír geeraawoge. Aníng a heé tawó hi'imaamiít, oo doó koomaaká baraakaá yaamuwo, slám umuúqo heé i ara aqo in gaas.»

2 SAMUELI 14:11

/Ameenidá' guri beér, «Na'mamís waawutámo, alefirimáng dír AAKOÓ MUNGUHE, Munguúwók, as kudá' marmár bu'utá wa slaá', ar na/aay'eé' kudá' taa gaás inós dakúsár hatlá' ar ur mingiwa tleéhh, ar na/aay'eé' kuduú hatlá' nguwa gaasi.» Waawutmo Daudi gari báy, «Ar adoodá' AAKOÓ MUNGÚ ir daadeér, garmaawók gár gu aw i káhh, tam se'emirós ar wák i yaamií hu'ká.»

2 SAMUELI 14:7

Hám daxta, múk doorén sleémeero aníng iga sakií/, anír sagadiyuuso'oorók. Gár ta slai a garmaadá' aa tsu/uut. Un dir'íní laqaám kuwa gaasi, as hhiyawós nguwa gaás. Hamí, kuú alutmo kun gaasaárí axwees. Adoorí barka tleéhh daqaní oo ni harahhiif i kaahh, oo dir'eé' meét. Nee daqaní doó hhawaatu'eé' aa qwaár baraá yaamuwo.»

2 SAMUELI 3:27

Abneri niwa kií/ Hebroni, Yoabu guna ar bihhií suruúk dír afkú do' kuwa áy adór kwaáo' axweesantá tar suufi in deer. Nee inós tawa didií sihhiít, Yoabu guruú Abneri guri muút. Abneri iri gwaá', asma Abneri Asaheli, hhiyoó Yoabu, guna gaás.

2 SAMUELI 3:30

Yoabu nee hhiyaawós Abishai Abneri nguna gaasír, asma Abneri hhiyaaín Asaheli guna gaás baraá slaqwarár wa alé, qoomár slaqwara iwa baraá Gibeonírí diri'.

FAARO 35:12

Gixsaduuká' an wa/aamér ti gogoowi as hee iwa /uy, as kahhó' heedaádá' kundayra/aát mukuwa gaás nee heedaádá' li/oó bu'utá wa slaá', dír hee ira hardihiiká dír kwasleemár bariise.

FAARO 35:18

Barnaxes gár ngura slaáhh a hhara iri gwaá', heewí a tsu/utusmo, nee hariímaro a kun gaas.

FAARO 35:20

«Tam sleeme hee kuqá' bur ngwa gurúr sií' guri gin/iís, laqaá guri giír, guri geeleéhh ar garka,

FAARO 35:21

laqaá guna tuú' ar kundaay iri gwaá', naagáy heewí hee gwaa tuu' ar kundaay iri gwaá' a tsu/utusmo, nee gár kuwa hariím aqo kun gaas. Heé guruú doó kudá' taa gaás an heé li/aay gu buú' bir taa sa doogiyé'.

FAARO 35:24

naagáy bariise kángw heedaádá' kundayra/aát nee heedádá' li/oó bu'utuú wa slaá' gun tsát, kuduú guruú doó heé taa gaás, adoodá' dabeerí i kat.

FAARO 35:27

nee barnaxes heedaáduú guruú do'dá' taa hee gaás, kooaáng kundayra/aát ngwa sláy tsee/aá gixsadár guway wa ale, aqo gun gaas, daqaní heedaadá' i dakuúsár konká.

DABE 19:12

bariisér gixsadá' muu ngu ya/ap, as heedaádá' kuwa baraadá' wa duuxi, kuri haniis dír kudá' li/oó bu'uúm daanduú heedá' aa gaás wa alé, as kuwa gaasi.

DABE 19:6

Ala barnaxes gixsadá' ka ló'wa saaw, heedaádá' li/oó bu'uúm kudá' hee gwaa pa/aayór wa gaas gu aleeslay eeharto guri gaas, tam heedaádá' hee gwaa pa/aayór wa gaas kwasleemarós kaa gwa'arárií tsatiikahe, asma inooín aáng a wakuuseerooká.

YOSHUA 20:3

Hee bar hee gwa ar pa/aayo, i gowi baraá gixsár wák í ale as iwa /uy, mukuwa gaás nee heé li/oó bu'uúm.

YOSHUA 20:5

Barnaxes heedá' li/oó bu'uúm ngwa aluú wa guús ay baraá gixsadá', bariisér gixsadá' heedaádá' munguwa hanís dír kudá' li/oó bu'utuú wa slaá', asma gwaa fahharír wa gaasiiká, gaa a pa/aayo, wakaarír geerií dáw i káhh.

HAR'OHUUSE 8:19

Inós giri báy, «Kwisingá' an hhaee'eé' na/aá aayír'ér xwayliito'ó. Hám geeraawo bar ina tsu/i'iiká ar looeemaawo án kuungá' nu mak tsu/aaká.»