FAARO 35:15 - Biblía Axweesantá Hhohho' ar Mungú 2004

¹⁵ Gixsaduká' lahhooamaawo a dír xoorór Israeli ta i gogoowi dinkwa nee hoomár baraá ayaaín hoota, nee dahaayér deelór niinawe ar nee inooín aldinkwa. Umuúqo heé hee gwaa gaasi ar pa/aayo guwaywós a baraá gixsaduká'.

FAARO 35:15 Iomraidhean Croise

2 SAMUELI 14:14

Atén tam ado gaalá aqo an qatlaán. Atén a adór ma'aá naa ku'utiyé', ki ki/mamisiiká. Tam Mungú a barqantusmoowooká dír heewo, kwí nee kuqae. Inós loohi gan leelehhiit, as kudá' taa sií' niri gowiyé', niwa ki/iya'.

TI'INAANGW 12:49

Dabeerí i hariín dír yaamuloouusér Israeliro nee dír /eetuseedá' baraá tla/angwhúng hoota.»

TLAHHOÓ LAÁWI 24:22

Dabeerí in hariín as hoomoó ayaahúng hoót, nee yaamuloouuse. Asma aníng an AAKOÓ MUNGÚ, Munguúhúng.»

TLAHHOÓ LAÁWI 4:2

«Xoorór Israeli ka beeto, bar hee tlakweema gaa tleéhh ar adór aa haraxuiiká, gár nee hara'ayár AAKOÓ MUNGÚ ti slawa'aaká gari tleéhh, adór i tleehhi a tí:

FAARO 15:16

Kuungá' nee hoomoodá' dabér nu geeraharahaar a wak, nee kaahír nu geeraharahaar a wak sleeme.»

FAARO 35:11

daqaní gixsadaá ti gogoowi ki tsawdá' as kuungá', as kahhó' hee bar kuqá' ngwa gaás ar pa/aayo, iwa guwi baraá gixsaduudá'.

Rumi 3:29

Laqaá Mungú an Munguú múk Yahudi kilóse? Ahaá, a Munguú múk xoordaá hatlaeekáhe sleeme? Eeít, inós a Munguú múk xoordaá hatlá' sleeme.

Galatia 3:28

Ala daxta gár dimbé i káhh dír heé Yahudi nee heé Yunaniro. Laqaá tam dír heé lawaalmo nee heé lawaalmowooká. Nee slám gár dimbé i káhh sleeme dír hhawaata nee /ameeniro, asma kuungá' sleémeero a adór heé wák baraá Kristo Yesuwo.