FAARO 34:5 - Biblía Axweesantá Hhohho' ar Mungú 2004

⁵ Digmuuhúng birna Asmonír wa tláy iri warqáy, iri yaaér Misrír xuu', yaaeedár Misri gan eehar, iri dalaa/ ay Tlawtá Tla/aangw.

FAARO 34:5 Iomraidhean Croise

IIMU/UUNGW 15:18

Baldae Mungú alqado gana tleéhh nee Abramu, Abramu guri báy, «Aníng xwaylarók a yaamuká' i haniís, iimír yaaér baraá yaamaá Misri ay yaaér ur ar Eufrate,

1 WAAWITÁ 8:65

Solomon deelo faanqw nee deelór hatlá' faanqwe, dinkwaaro deelo mibaá nee tsiyáhh, deelór ur kana tleéhh dír geeraá AAKOÓ MUNGÚ wa ale, inós nee múk Israeli sleémeero, a boo/oó yaariír kudá' amór dahmuú Hamati ngiwa tlay ay yaaér Misri.

ISAYA 27:12

Baalaadae AAKOÓ MUNGÚ balaangós gu slaahh iimír yaaér Eufratér wá tleemu, ay digmuú yaamaá Misri. Kuungaá Israeli tunduri wakeetín burumburiingo.

ESEKIELI 47:19

«Bihhaá basko iimír Tamari wa tleemu digma iri kumiít ay kutltá Meriba-kadeshi. Imiír Meriba-kadeshiro digma iri waaraáhh ar bihhaá da/aáw awa yaamaá Misri, iri kumiit baskwá al/uwá ay Tlawtá Tla/aangw.

DANIELI 11:45

Ak ale inós heemaduuwós awa uren giri sihhtis dír tla/ángw tlawi nee tloomadá' hhoohhoo' xirfuú koom. Ala daqaní adoorihe inós afiqoomarós ar alhhe'eesaay gaa áy, nee hee tumu wák oo gu alee/iís i kaahh.»

YOSHUA 15:4

Iwa Karkár wa tláy digma ina waaraáhh Asmoni, iri dáh yaaér Misri, yaaeedá' gari kón iri ti'iít baraá tlawtadá' ur ar Mediteranea. Wa/ángw digmuú tlahhoó Yuda basko ira uhín an kwí.

YOSHUA 15:47

Awa hatlá' a Ashdodi nee Gasa dinkwa nee gixsadu nee ayeemoowose ay yaaér Misri ay afaá Tlawtá Tla/aangw.