FAARO 33:53 - Biblía Axweesantá Hhohho' ar Mungú 2004

⁵³ Yaamuuín hayoohaak kiwa hota', asma ngaa kuungií haniís tawa aalirhúng.

FAARO 33:53 Iomraidhean Croise

IIMU/UUNGW 15:7

Guri malé báy, «Aníng a AAKOÓ MUNGÚ, kuúng una huúw iimír yaamaá Urír wa alé ar múk Kaldayo, as yaamuká' ngiwa kuúng i haniis kiwa al.»

WARA'AMI 115:16

Doori awa AAKOÓ MUNGÚ, ala yaamu gina haniís dír muu.

DANIELI 4:17

Gaarí an sakwasleemadá' taa oó' nee malaykér Mungú, a gár taa oó' nee inooínaadá hhohho', as muu sleémeero umuú diiro kawa tsaahhi adór Munguú úr ir aleesleemuú kón daanduú waawuti'iima sleémeero ar muko, nee inós waawutmoó i slai gun tsawaar, tam heedaádá' liitlaákw kuduú alhhe'eesáy gun waawutmoó wá qaas.

DANIELI 4:25

Kuúng tu guus dír muko. Kuúng tari hót nee makaá baraá sla/a, gitso a /ák adór slér wá ale, har'uú doori uri na/aas. An baraá sla/atá wa hót kureeri faanqwe, ay dír kay tsáhh adór Mungú ir baaliilín baraá waawuti'iimár muko, nee inós waawuti'iima gan haniis dír kudá' ngir slai.

DANIELI 4:32

Kuúng tu guus dír tla/ángw muko, tari alhotá' nee makaá baraá sla/a, nee gitso kari /ák adór awu har afi qoomoó kureeraá faanqwe. Ay dír kay tsahh adór Munguú úr ir waawuti'ii'ín baraá waawuti'iimár muko nee waawuti'iima gan haniis dír heedaádá' inós i slai.»

Matayo 20:15

I hariindakáhe aníng muruueé' nguwa ar gadiyuus ar adór án ngur slaa'. Laqaá daxta kuúng gura' un ohína asma aníng tiwa hhoó'?› »

DABE 11:31

Kuungá' yaaér Yordani an waarahhá' tari datá' yaamuudá' AAKOÓ MUNGÚ, Munguúhúng naa haniís. Naagáy kuungá' yaamuudá' kiri alá' tari baraadá' wa hotá'.

DABE 17:14

«Qoomár bara daté' baraá yaamuudá' AAKOÓ MUNGÚ, Munguúhúng ni haniisi as kiwa ala', nee tawa baraadá' wa hotá' kuungá' tari oa', ‹Atén waawutmoorén u qaasaán, adoodár xoordaá hatlá' awa atén taa harweeriye'›,

DABE 3:18

«Qoomaadae ina kaangwí báw, ‹AAKOÓ MUNGÚ, Munguúhúng yaamuudaá bihhaá da/aáw awa yaaér Yordani ngaa kuungá' i haniís as tawa daqaari'iimarhúng. Hám daxta kuungá' awa miguuse dír tla/ángw hhaeehunge, xooslár slaqwara oohaak, yaaér Yordaniro geerií waaraahhé', dír hhaeehúng awa Israeliro.

DABE 32:8

Qoomár kudá' úr oo gáwtí dirií' xoordu ngiwa aalir'ín i haniís, qoomár inós muu nguwa qasiís, digeemi gina qaás awa muu, adoodá' faarór na/aá Israeli i diri'.

DABE 7:17

«Ma baraá munerhúng i kaahara', ‹Mukwí ku úr ta atene. Xáy, guusaro adór ngir aslawan baraá yaamuukae a adoomá?›

YOSHUA 1:6

Gimáy piíhh nee ilakaahareés ló' wa alé, asma kuúng mukwí un dahás baraá yaamuudá' aníng naa lo'ór wa /aáy ngiwa haniis dír baabi'ii'ín i alé.

YOSHUA 21:43

Adoorí an adór xoorór Israeli yaamu sleémeero ngira ál, kudá' taa haniís dir'íní ale nee AAKOÓ MUNGÚ ar adoodá' ngira alqadín dír taati'ii'ín. Inooín yaamuudá' ngiri aaliyé', niri baraadá' wa hootiyé'.

YOSHUA 23:5

AAKOÓ MUNGÚ, Munguúhúng, xoorduuká' naa meetiye' giqo tlatlahhaas ar /uuru geeraahúng wa alé, giri guus dír ilahunge. Kuungá' yaamuuín kiri alá' ar adoodá' AAKOÓ MUNGÚ, Munguúhúng, ngira al'axweés.