FAARO 33:3 - Biblía Axweesantá Hhohho' ar Mungú 2004

³ Múk Israeli tindina gixsár Ramesesír wa tláy bál slahhángw geera tawa mibaá nee kooán, baalaadár alaá baalár Pasaáka. Tindina tláy dír ilaá múk Misri sleémeero wa ale ar pihhaay.

FAARO 33:3 Iomraidhean Croise

IIMU/UUNGW 47:11

Aluuwo Yosefu baabuúwós nee hhaeewós giri yaamií haniís baraá Ramasesiro, yaamaá hhooá' ló'wa alé baraá yaamaá Misriro, tawa dír hotangw'ín adoodá' Farao ngira oó'.

WARA'AMI 105:38

Múk Misri tari qwalaá/ tawa tlatlay, asma inooín taa ló' wa da'ayuút asma múk Israeli.

TI'INAANGW 1:11

Gawaá adoorihe inooín múk Israeli kuri sagesihhtuuseérí qaás as kiwa slahh'eemisi nee kiwa /uurutimiisi baraá gadiyér tawa bihhií noongo'ootiiká. Inooín Farao nguri gixsadaá Pitomu nee Ramesesírí tleehhiyé' awa ta murií babaatsi.

TI'INAANGW 12:2

«Slahhaangwí daqaní a slahhángw geera baraá slahheeraá kurko dirhunge.

TI'INAANGW 12:37

Xoorór Israeli aai giri iimu/uún dirká ta bay Ramesesír wa alé ay Sukoti. Faarór hhawaate kilooín a kume tsiire lahhoó'.

TI'INAANGW 13:4

Laarí slahhaangwí ta bay Abibu niwa ti'iít kuungá' an tleera' baraá yaamaá Misrír wa ale.

TI'INAANGW 14:8

AAKOÓ MUNGÚ muunuú Farao, waawutmoó Misri, guri gawdeés, inós múk Israeli guri aluú wa eehár, asma múk Israeli ina ti'iít ar pihh'uuma.

ISAYA 52:12

Asma kuungá' a gaanslár tleera'aaká, nee sleeme a ti'i'inda'aaká, asma AAKOÓ MUNGÚ i geeraahúng haar nee Munguú Israeli i aluuhúngí dirii' as nuwa xun.

MIKA 2:13

AAKOÓ MUNGÚ inooín gi geerahaar, afkú slumtá gixsa gu fee/, inooín niri waarahhiyá' ar afkudá', niwa tsee/ií ti'iitiya'. AAKOÓ MUNGÚ an waawutmooín, kudá' waaraáhh ar afkudá', inósú kilá' i geeraaín wa hi'iimiit ngiwa geeraharahari.

FAARO 33:2

Mose umér yaamaá xafay'ín nguy tlehhiitiyé' baraá aaii'ine gana gooín ar adoodá' kwaa báy nee AAKOÓ MUNGÚ. Adoorí an adór digir wakeetíngw aaii'ín i dirii'i iimír tindiwa tláy.