FAARO 32:9 - Biblía Axweesantá Hhohho' ar Mungú 2004

⁹ Inooín tana tláy ay baraá xatstá Eshkoli, yaamu kiri ár, ala tindiwa kií/, múk Israeli kuna diqay tsaát as kahhó' matawa dáh baraá yaamuudá' AAKOÓ MUNGÚ aa inooínár slaá'.

FAARO 32:9 Iomraidhean Croise

FAARO 13:23

Qoomár tawa hardáh baraá xatstá Eshkoli, halmír sabiíbu ar /aroó wák koom ngiri tsatiyé'. Múk tsár gari gagaár ar xa'ano. Nee mamaá komamaanga nee mamaá /antsihe ngiri huwiyé' sleeme.

FAARO 13:24

Didaádá' kari báy xatstá Eshkoli asma /arayduú sabiíbu múk Israeli aa didá' wa tsaát.

FAARO 13:26

Tari kií/ amór Mose, nee Aroni nee amór dinkwaadár múk Israeli sleémeero, tidár Kadeshi baraá xaanxoó Parani, kangwdá' naa baraadá' wa ariyé' nguri ooiyé' dír muu sleémeero, nee mamuudaá xaai ngiri laqané'.