FAARO 32:33 - Biblía Axweesantá Hhohho' ar Mungú 2004

³³ Naagáy Mose yaamu giri haniís dír múk tlahhoó Gadi nee oo Reubeni nee tlaqtá tlahhoó Manase garmoó Yosefu, yaamu sleémeero awa waawutmo Sihoni oo Amori nee yaamaá waawutmo Ogu oo Bashani dinkwa nee gixsadaá yaamuudá' ngaa harweeriye'.

FAARO 32:33 Iomraidhean Croise

1 QOM'I 12:31

Múk tlaqtá tlahhoó Manase a kume mibaá nee dakaát, múk taa tsawaár oo Daudi gu qaás baraá waawuti'iimárí ale.

1 QOM'I 26:32

Waawutmo Daudi Yeriya nee hhaeewós awa kume tsár tsiire faanqw, kudá' aleesleemuú koomá', giri qaás, inooín a geeraharuusér tlahhi'i, as muruú Mungú wa hariím nee waawutmo, nguwa sagesihhimitiya' dír múk tlahhoó Reubeni nee oo Gadi nee tlaqtá tlahhoó Manase.

1 QOM'I 5:18

Tlahhoó Reubeni nee oo Gadi nee tlaqtá tlahhoó Manase, miguuse ngi kona' a kume mibeeri tsiyáhh nee tsiyáhh, nee tsiire faanqw nee mibeeri lahhoó', inooín a múk gaambu gi koóm nee paangadu nee ga/ale tsaxararo ngi baalá'. Mukwí ku amohhoó' slaqwararo.

FAARO 32:1

Múk tlahhoó Reubeni nee oo tlahhoó Gadi a daqaarér hikwa. Inooín kana ár adór yaamaá Yaseri nee Gadi tar yaamaá qawtantá hikwa.

FAARO 32:32

Atén ar geeraharu'uumár AAKOÓ MUNGUHE, an waaraahhaán nee xosluurén awa slaqwaraaro ay yaamaá Kana'ani, ala yaamuurén kukaá da/aáw Yordaniro tinda haniís aqo aalirén.»

FAARO 34:14

Múk tlahhoó Reubeni nee gur'ér maraá baabi'ii'ine nee tlahhoó Gadi nee gur'ér maraá baabi'ii'ine nee tlaqtá tlahhoó Manasewo yaamaá aalir'ín kaa sláy.

FAARO 34:15

Tlahhi'iiká' tsár nee tlaqtí yaamuuín awa aali kina sláy gayuú da/aáw oo yaaér Yordani, kudá' nee Yeriko ti ga/aawá' amoodá' tsee/amá niwa ti'imiiti.»

DABE 29:8

Yaamuuín kiri hayohaán kiri qasisaán dír múk tlahhoó Reubeni, nee oo Gadi, nee tlaqtá tlahhoó Manase, as tawa aalir'ín.

YOSHUA 12:1

Mukwí an waawituú baraá yaamuudií dirií', kudá' xoorór Israeli aa bál slaqwaraaro. Yaamuuín kiri aál nee xoorór Israeli iimír bihhaá da/aáw awa yaaér Yordani, ay duxuú Arnoni ay tloomár Hermoni, nee yaamu sleémeero awa bihhaá da/aáw awa Araba.

YOSHUA 12:6

Mose nee múk Israeli, waawitaáwí tsár kuri baál, sagadiyusmoó AAKOÓ MUNGÚ, Mose yaamu giri qasiís dír tlahhoó Reubeni, nee bahh'ale dír tlahhoó Gadi, bahh'alé dír tlaqtá tlahhoó Manase, yaamuudá' tari kooín.

YOSHUA 14:3

Asma tlahh'aá tsár nee tlaqi kaa yaamuuíní ka'aás gayuú yaaér Yordaniro da/aáwá ale, ala tlahhoó Laáwi kwaa aalírí haniisiiká baraá tla/angw'ine.

YOSHUA 22:4

Nee hamí AAKOÓ MUNGÚ, Munguúhúng hhaeehúng gaa waydií haniís ar adoodá' ngira al'axweés. Gimsé' daxta kuungá', ki/é' baraá yaamuuhúng kudá' Mose sagadiyusmoó AAKOÓ MUNGÚ naa haniís kiwa ala', kudaá gayuú da/aáw yaaér Yordaniro.

YOSHUA 22:7

Mose tlaqtá tlahhoó Manase gaa qaroó aalírí haniís ar yaamaá Bashani. Nee Yoshua tlaqtadár hatlá' gaa aalírí haniís tla/ángw hhaeeín amór bihhaá /uwa yaaér Yordaniro. Daxta qoomár ngiwa ya/aámár i haniís niwa watliya' amór maray'ín, inós gina tsuúq.

1 SAMUELI 13:7

Qoomár múk Ebrania bahh'ale tawa waaraáhh ay Yordani, tana hardáh ay yaamaá Gadi nee Gileadi, ala Saulo i amoodár Gilgalírí kaahh, mukdá' sleémeero tari eeharín ar daaraxaay.