FAARO 32:29 - Biblía Axweesantá Hhohho' ar Mungú 2004

²⁹ Giri báy, «Barnaxes múk tlahhoó Gadi nee oo Reubeniwo taa waaraáhh gayuú yaaér Yordani, nee kuungane nee bar naa slaqwiyé' AAKOÓ MUNGÚ gaa geerahaár, nee slaqwaraaro bara baaliindé', yaamu ngiri hayoté', daqaní yaamaá Gileadi ki hanisá' tawa aalir'ín.

FAARO 32:29 Iomraidhean Croise

FAARO 32:17

Ala atén tin amohhe'eesaán xosluurén kiwa oohaan awa tleemuú baraá slaqwara, nee tiwa alkoomaan nee múk Israeli hhaeerén. Atén tari hhayuú geera baraá slaqwaraaro, ay dír ki hardahasaan didár hotaaín. Qoomaarihe na/iirén i baraá gixsadaá taa harweér ar koo/ír gawit, as kahhó' múk ayaawí gi i haratlayká.

FAARO 32:28

Naagáy Mose hara'aya gari oó' dír kaahamusmo Eleasari, nee dír Yoshua garmoó Nuni, nee dír geeraharuusér uren ar tlahh'aá múk Israeli.

FAARO 32:30

Ala barnaxés waarahhamuú gayuú yaaér Yordani ngu slaiiaaká oo tiwa alkoondá' nee kuungá' nee xosluuín kudaá slaqwaraaro, daqaní yaamu ngi slaye' baraá Kana'anír wa aleeró, dinkwa nee kuungá'.»

YOSHUA 12:6

Mose nee múk Israeli, waawitaáwí tsár kuri baál, sagadiyusmoó AAKOÓ MUNGÚ, Mose yaamu giri qasiís dír tlahhoó Reubeni, nee bahh'ale dír tlahhoó Gadi, bahh'alé dír tlaqtá tlahhoó Manase, yaamuudá' tari kooín.

YOSHUA 13:11

Yaamaá Gileadi sleeme, yaamu sleémeero awa xoorór Geshuri nee awa múk Ma'akati, ay tlom'i sleémeero awa Hermoni, nee yaamu sleémeero awa Bashani, nari ti'iitiyé' ay Saleka,

YOSHUA 14:3

Asma tlahh'aá tsár nee tlaqi kaa yaamuuíní ka'aás gayuú yaaér Yordaniro da/aáwá ale, ala tlahhoó Laáwi kwaa aalírí haniisiiká baraá tla/angw'ine.

YOSHUA 18:7

Ala tlahhoó Laáwi ku yaamií ka'aasiiká, asma gadiyér'ín a AAKOÓ MUNGÚ ngun sagadiyuusiyá', adoorí an aalir'ín. Ala tlahhoó Gadi nee oo Reubeniwo nee tlaqtá tlahhoó Manasewo, mukwí kwa qaroó yaamuuíní ka'aás nee Mose, sagadiyusmoó AAKOÓ MUNGÚ amór gayuú da/aáw Yordaniro.»

YOSHUA 22:9

Naagáy múk tlahh'aá Reubeni nee oo Gadiwo nee tlaqtadár tlahhoó Manasewo tari paraatliyé' nee tlahh'aá hatlá' awa Israeli dír Shílór wa ale baraá Kana'ani. Tari waátl ay ayaaín kudá' Mose aa dir'íní haniís oo Gileadi, tawa aalir'ín ar adoodá' AAKOÓ MUNGÚ Mose ngura hara'ayín.

HAR'OHUUSE 10:3

Alaá Tolawo Yairi oo tlahhoó Gileadi xoorór Israeli gana har'ohín afiqoomár kureeraá mibeeri tsár nee tsare.

1 SAMUELI 18:17

Saulo Daudi guri báy, «Aníng kuúng u iimbalaáx ar dasir'eé' tí ur ta bay Merabu, ala daberií tsár ka xú', kuúng masók a migusmoó slaqwara ga kángw kilá' wa xuú', nee ilaiwa/ame, bartá AAKOÓ MUNGÚ an wa sláqw.» Saulo ngiwa xui ar loohirihe slaqwaruusér Filisti Daudi guqo gás, asma Saulo ina baraá muunaáwósí oó', «Tlehhmuú adór kwí muwa tleéhh dabaaeene ala i tlehharuuti ar dabaá múk Filisti.»