FAARO 32:23 - Biblía Axweesantá Hhohho' ar Mungú 2004

²³ Ala barnaxés kuungá' adoosíng aga tlehhi'iiká, daqaní a AAKOÓ MUNGÚ un tlakweemáy tlehhitá', ala xuaak tlakweemaahúng kwisingá' kuungá' nu slayá'.

FAARO 32:23 Iomraidhean Croise

IIMU/UUNGW 13:13

Ala múk Sodoma a múk tlákw oo tlakweemaá yaariir gaa tlehhahhiit dír geeraá AAKOÓ MUNGUHE.

IIMU/UUNGW 4:7

Xáy, bar gár hhoo' aga tléhh, ya/aám a sleerakáhe? Nee bar gár hhoo' aga tlehhká, tlakweema i dayá', i kuúng ilatleeruusiyá' as uwa arba/iya', adór makiito'ór xaraasl ar afkú dó' wa daamaraam, ala kuúng tlakweema na arba/eek.»

IIMU/UUNGW 44:16

Yuda iri oó', «Aáko, atén kuúng gár u bawaan? Adór dakuúsarén kar hheehhe'eesaan? Mungú dakuúsarén ngaa geehhoeés, ataá lawaaleerók. Atén sagadiyuuseerók, daxta atén sleémeero a lawaaleerók dinkwa nee kudá' isaangi kawa slayi.»

2 SAMUELI 3:39

Hám aníng iga mak iimbalaxé' ar di/i as tawa waawutmo, ala laarí aníng aga heé liitlaákw tleehhiít. Ala daaqaywú Seruya a múk aa harwaaraahh saga gawduwo dir'eene. Tlakuuseerí AAKOÓ MUNGÚ ngi slahhi ar adoodár hariímár tlakweemaaín i dirii'iya'.»

1 WAAWITÁ 2:32

Aakoó Mungú tseerduudá' Yoabu aa ku'umamiís gin ki/is gawaawósuú kilá', asma inós múk tsár oo gan'amuú koóm nee oo hhó' ta inose guna muúx guri tsuú/ ar paánga, ala baabuúeé' Daudi kangwdá' gu xuiiká. Mukwí aa tsuú/ a Abneri garmoó Neri, geeraharusmoó slaqwaruusér Israeli, nee Amasa garmoó Yeterí, geeraharusmoó slaqwaruusér Yuda.

1 WAAWITÁ 2:33

Daxta tseerdaá mukdá' Yoabu aa tsu/aa/ín nin gawaá Yoabií ki/iyá' nee gawaá xwaylarós ay alhhe'eesay wasle. Ala AAKOÓ MUNGÚ doó Daudi nee xwaylarós nee waawuti'iimarose gin waydií haniís ay kureeraá kureér.»

WARA'AMI 139:11

Bara oó', «Giwti aníng i tuuntuk, nee gwa/aateemadá' aníng i harweditá' i xweera tleehhitiye',»

WARA'AMI 140:11

Foolusmo gár hhoo' mingiwa sláy baraaká' yaamuwo. Heé tlaákw ku giiri nee muruú tlákw as kuwa dahhi.

WARA'AMI 90:8

Tlakweemaarén ki geehhoo' diroge, tlakweemaá baraá naaqo naa geehhoouyé' baraá gwa/aateemaawoge.

AXWEESANOÓ SAGALOOA 13:21

Gitse/aá tlaakwá' heé tlakweemaá tlehhaahhiít ngun eeharahariyá', Ala heé hota ganaá' qeemuú muruú hhó' gu sláy.

AXWEESANOÓ SAGALOOA 24:16

Asma heé hota ganaá' tim huui sagáwa faanqw aqo in male sihhiit, Ala múk tlákw gár tlaakw aqo gin fák.

AXWEESANOÓ SAGALOOA 5:22

Heé tlaákw kun oh nee tlakweemaawós awa kilá', kun oh nee him'ér dakuúsarós tidár kilá' i tlehhaahhiti.

ISAYA 3:11

Ala mukduú tlakuuse a tsaxwaaín ado gi alxir'imít, asma adoodá' naa tleehhiyé' an tidá' gi slaw.

ISAYA 59:12

Asma tlakweemaarén dír geeraawoge naa ló'wa tlahhiyé', atén tlakweemaarén tin lamabu'uná', atén nee tlakweemaarén tin alkoomakoomaán, nee tlakweemaarén iga tsaahhaán.

YONA 1:7

Mukdá' baraá miringamoó wa gadiyuús tari kilooín axweés, tay káh, «Gimsé', tsawdo a tleehhaán as heewí slahh'amaayeerí tisa sleér nguwa slawaan.» Tsawdo kari tleéhh, ala naxés tsawdo Yona guri sleér.

Rumi 2:9

Muu sleémeero oo tlakweemaá tlehhaahhiít, gusisiingw nee slahh'amaayeero ngi slayá'. Múk giiriím oo Yahudi, ala tam múk Yunani sleeme.

1 Korinto 4:5

Gawaá adoorihe hee mu gaanslár sakwasleemuutara', ay dír Aako nay hardihi. Inós muruudá' taa luú/ baraá giwti, ngun geehhooatis dír gwa/aátií alé, nee inslawoó munér muu nguri geehhoatis. Daqaní umuúqo heewo xirfuudá' inós wa hariím gu sláy dír Munguhe.

YOSHUA 7:18

Múk doó Sabdi kuri wakeetín ateetiingo, Akani garmoó Karmi, garmoó Sabdi garmoó Sera, oo tlahhoó Yuda kuri sláy.