FAARO 32:1 - Biblía Axweesantá Hhohho' ar Mungú 2004

¹ Múk tlahhoó Reubeni nee oo tlahhoó Gadi a daqaarér hikwa. Inooín kana ár adór yaamaá Yaseri nee Gadi tar yaamaá qawtantá hikwa.

FAARO 32:1 Iomraidhean Croise

IIMU/UUNGW 13:2

Abramu a daqaarmo. Hikwaá yaariir gi kón, tam peésa nee sahaábuwo.

IIMU/UUNGW 13:5

Nee Loti, kudá' naa loohiye' nee Abramu, inós sleeme daqooroó hikwa nee muruú ququmát gu kón sleeme, nee heemaduuwós sleeme as múk do'ós nee lawaaleerós sleémeero.

IIMU/UUNGW 29:32

Lea iri tsít, iri xwayluúr na/oó garma, guri beér Reubeni, iwa kat, «Asma AAKOÓ MUNGÚ slahh'amaayer'eé' gaa ár, dooqa daxta hhawaatuueé' i slaa'.»

IIMU/UUNGW 47:4

Farao kuri báy, «Nina hardahaán baraá yaamuká', atén a loohuusér deelór niina, asma lawaalmoowók yaamaá qawtani gaa slayká, asma giyeé ka ur baraá yaamaá Kana'aniro. Un firiirimaán ti gurtleer, ateékaá lawaale, tawa hootaan baraá yaamaá Goshenír wa alé.»

2 SAMUELI 24:5

Yaaér Yordani kana waaraáhh, muu faaroro kuri iimu/ún iimír Aroerír wa ale, nee iimír yaaeedár baraá xatstá Gádír xu', ay yaamaá Yaseri.

2 SAMUELI 24:6

Tari hardáh ay Gileadi, aluuwo ay Kadeshi baraá yaamaá múk Hiti, aluuwo tari hardáh ay Dani, didár Daniro tawa tláy tari harweerín ay Sidoni.

1 QOM'I 4:41

Mukdá' taa ume gooín iwa dáh yaamuudá' i alé, waawutmoó Yuda a Hesekia. Inooín múk Meuni kuri qororo'oós ay laarí. Múk Simeon iri baraadá' i tleehhiít asma qawtantá hho' ar bee/aangw i deer.

TI'INAANGW 12:38

Boo/oó yaariír oo múk hatlá' sleeme iri haragwaá' baraá loohuuseedár Israeli, tari alkoné' nee daqooroó yaariír oo muruú ququmát nee hikwaaine.

YEREMIA 22:6

AAKOÓ MUNGÚ i kaahi daanduú waawuti'iimár Yudawo, «Tam do'owí ku hhoohhooe adór yaamaá Gileadi, adór ságw tloomár Lebanoni, ala looeemaawo aníng diirí a xaanxay tleéhh, tari gixsár hotángw muko ya/aamaaká.

YEREMIA 48:32

Aníng sabiíbuú Sibma un ak alee/aa/amiím ta múk Yaseriro. Asma haleemiiwós nina harwaaraahhiyé' tlawto gayuuqá', niri Yaserirí hardihiyé'. Ala mamuuwók awa qoomár fiiqit, nee sabiíbuwók hhitusmo gwaa hhitín.

YEREMIA 50:19

Múk Israeli u ki/ís baraá qawtanti'ín, nee angamír'ín kari gawaá tloomár Karmeli nee Bashanír wa de'én, muruú /aymár bu'uút nguri slayá' gawaá tlom'aá Efraimu nee Gileadiro.»

YEREMIA 8:22

Ahaá, baraá yaamaá Gileadiwo xa'anoó maasáy i káhhi? Ahaá, qwaslaarmo i káhhi Gileadiwo? Ahaá baré muk'eé' kuú narkute kwa hungu/uusiiká.

MIKA 7:14

Aakoó Mungú, mukók de'eemeek ar hhartók, daqtók tidá' taa tsawát. Inooín tam ta kilooín hooti baraá sla/atá wa alé, ala yaamuuín kaa harweér nee yaamaá gitsór hhó' koomá'. Daqtók i qawór eer baraá qawtantadá' hhoo' ar baraá yaamaá Bashani nee Gileadi, adoodár aáng wa alé.

FAARO 21:32

Aluuwo Mose muu guri ya/aáw as gixsár Yaseri ngiwa tsawtsawusár aya', ngiri hayohiyé' dinkwa nee ayeemaá isaapaydá', múk Amori oo baraadá' hoót kuri guús.

FAARO 32:2

Tlahhi'iiká' Mose nee kaahamusmoó Mungú Eleasari nee geeraharuusér dinku'uuma, kiri báy,

FAARO 32:26

Tlaawayrén nee na/iirene, nee bee/angwrene, nee hikwaarene in geexawaán baraá gixsadaá Gileadi.

FAARO 32:3

«Gixsaduuká' ta bay Ataroti nee Diboni nee Yaseri, nee Nimra nee Heshboni, nee Eleale, nee Sebamu nee Nebo nee Beoni,

FAARO 32:35

nee Atrot-shofani nee Yaseri nee Yogbeha,

DABE 33:21

Inooín yaamaá wahhaará' ngina tsawaariyé', didár yaamaá geeraharusmo. Inós múk Israeli guna geerahaár, AAKOÓ MUNGÚ nguri iialooeesiyé', nee kaahirós tidá' aa ooi dír múk Israeli.»

YOSHUA 13:25

Digmuuín a yaamaá Yaseri, yaamaá Gileadi sleémeero nee tlaqtá yaamaá Amoni ay Aroeridár bihhaá da/aáw awa Raba,

YOSHUA 22:13

Ala xoorór Israeli Finehasi garmoó kaahamusmoó Mungú Eleasari guri ya/áp ay amór tlahh'aá Reubeni nee Gadiwo nee tlaqtá tlahhoó Manase awa yaamaá Gileadi.

YOSHUA 22:9

Naagáy múk tlahh'aá Reubeni nee oo Gadiwo nee tlaqtadár tlahhoó Manasewo tari paraatliyé' nee tlahh'aá hatlá' awa Israeli dír Shílór wa ale baraá Kana'ani. Tari waátl ay ayaaín kudá' Mose aa dir'íní haniís oo Gileadi, tawa aalir'ín ar adoodá' AAKOÓ MUNGÚ Mose ngura hara'ayín.

1 Yohana 2:16

Asma umuúqo gár baraá yaamuwo, adór ilatleerír slaqwa, nee ar ila', nee daqaari'iimár muu gwa daara/ángwár eer, muruuwí i amór Mungú dahhiiká, ala a muruú baraá yaamuuká'.

HAR'OHUUSE 5:16

Gár nisa meetiyé' baraá maray'íní ale a milá? As /aa/aá bee/aangw ngiwa axamisiía? Ala baraá tla/ángw tlahhoó Reubeniwo babaqaamis ku úr.