FAARO 31:30 - Biblía Axweesantá Hhohho' ar Mungú 2004

³⁰ Ala dír boohhadá' ta haniisi dír múk Israeli, gár wák baraá mibeeraá kooane an dúx baraá muko, laqaá hikwa, laqaá daqwaaye, laqaá bee/aangw laqaá aara. Daqaní ka hanís dír tlahhoó Laáwi kudá' gadiyuusá' baraá heémár AAKOÓ MUNGÚ wa ale.»

FAARO 31:30 Iomraidhean Croise

1 QOM'I 23:32

Múk tlahhoó Laáwi gadiyér'ín a xuumár heémár dinku'uuma nee didá' hhoohhoo', nee hhaeeín kudaá kaahamuusér Mungú ngiwa ale/iimisiya', kudaá xwaylár Aroni, baraá gadiyér Doó AAKOÓ MUNGUHE.

2 QOM'I 14:15

Slaqwaruusér múk Yuda sleeme de'eemuusér bee/aangw gana /amatsék, kiri bee/aangw hayóh nee aaraawo nee angamíaro. Nay ki/iyé' ay Yerusalemu.

FAARO 1:53

Ala múk Laáwi xafay'ín ngu tleehhiye', ngu harweeriye' ar heémár lamabu'uungw, as heémaadá' ngiwa xuna' hee mingiwa i tseewúy aníng iri buhhtis daanduú múk Israeliwo. Naagáy múk tlahhoó Laáwi heémarír lamabu'uungw ngin amohhe'eemisiyá'.»

FAARO 3:25

Gadiyér daaqoó Gershoni a heémár hhoohhoo' amohhe'eemis, heémaadá' dinkwa nee tuuntukumaarose, nee inqwaaridár afkú heémár Mungú,

FAARO 3:31

Gadiyér'ín an sandakmoó alqado amohhe'eemis, nee meésa, nee kitángw tsaa'aso kay qamaamin, nee kitángw ilahhooa nee xoosladár didá' hhoohhoo' ar tar gadiyuusi nee kaahamuuse, nee inqwaruú tarereiingw. Gadiyeduuká' sleémeero inooín ngin tlehhiitiyá'.

FAARO 31:28

Dír boohhadár mukdá' slaqwarár dahha, gár wák baraá tsiire kooane paraatleek tawa ar AAKOÓ MUNGÚ. Dír boohhár muko, laqaá hikwa, laqaá daqwaaye, laqaá ar bee/aangw, laqaá ar aara,

FAARO 31:29

haniseek dír kaahamusmo Mungú Eleasari tawa ilahhooár AAKOÓ MUNGÚ.

FAARO 31:31

Mose nee kaahamusmo Mungú Eleasari adoodá' AAKOÓ MUNGÚ ngira hara'ayín kana tleéhh.

FAARO 8:26

Alaá gadiyeede bira waátl, inós hhaeewós kudaá tlahhoó Laáwi ngi alee/iimisi qoomár bir gadiyuusiyá' baraá heémár Munguhe, ala inós gadiyeé mingiwa kilós tleéhh. Adoorí an adór gadiyér múk tlahhoó Laáwi kar qoomeemes.»

Tlehhema'aá ya/Abuuse 20:28

Kuungá' kilá' munerhúng harmagahhaak, nee kríshaanáydá' sleémeero, kudá' Qeeruú hhoohhoó' oo Mungú kuungá' nuwa qaás tawa xuumuuser'ín. As múk Aako kuwa de'eenda', kudá' inós aa tlaáxw ar tseereerós ar kilá'.

1 Korinto 4:2

Ala dír mukduú saayuuseero gár ta slai masók kin inkihhím.

Kolosai 4:17

Arkipo ku beera', «Gadiyeérók tidá' tinda haniís baraá Aakoowo ga/aaweek, as kawa boo/es.»

Ebrania 13:17

Kuungá' geeraharuuserhúng ilaiwawa/aak, nee adoodá' inooín ta kaahi tlehhiitaak. Asma inooín munerhúng ngin ga/aayá' xweera nee tlaatla/aango. Asma faarór gadiyér'ín ngi ooiyá' dír Mungú i alé. Kuungá' bar iga ilaiwawa/é', inooín daqaní gadiyér'ín ngi tleehhiyá' ar qwala/, ala ar gurhaamirooká. Ala barnaxes kan tleehh ar gurhaami gadiyér'ín daqaní gár dirhunge i bu' i káhh.

YOSHUA 9:27

Alaá deelór niinawe Yoshua múk Gibeoni guri lawaale tleéhh ar migír feehhamis, nee ar ma'aay hhekw awa múk Israeli, nee awa kitángw ilahhooa kawa hanmiisi. Ay laarí inooín i kumamitiyá' gadiyeérihe, didá' AAKOÓ MUNGÚ aqo tsawaari as sluufmis.