FAARO 31:3 - Biblía Axweesantá Hhohho' ar Mungú 2004

³ Mose muu guri báy, «Muu amohhe'eesaak oo haratláw slaqwaraaro amór múk Midiani li/ay kuwa bui as AAKOÓ MUNGÚ.

FAARO 31:3 Iomraidhean Croise

2 WAAWITÁ 10:30

AAKOÓ MUNGÚ Yehu guri báy, «Adoodá' ni slaa' tleehhamoro dír xwaylár Ahabu sleémeero aga tléhh. Gawaá adoorihe, aníng al'axweesante'eé' ngin dirógí oó' nee dír xwaylarók, múk Israeli u sawaawuti'iindá' ay qartá tsiyáhh.»

2 WAAWITÁ 9:7

Kuúng doó aakoowók Ahabu un qwaarés, as aníng li/ay nguwa buu' dír Yesebeli, tidá' tseerdaá aaruuser'eé' gaa ku'us, nee sagadiyuuser'eé' sleémeero.

TI'INAANGW 17:16

Iri oó', «Bendeérár AAKOÓ MUNGÚ gáwtí tleesaak. AAKOÓ MUNGÚ nee xoorór Amaleki i slaqwaaquná' qari sleémeero.»

YEREMIA 46:10

Baalaarí an baalár Aako, MUNGÚ Aleesleemusmo, an baalár inós li/ay nguwa bui. An deelór wakuuserós ngiwa sakwasleemuti, mukwí paánga gun /ák ay dír i hhe'es. Tseerer'ín gan wát ay dír i ax. Asma Aako, MUNGÚ Aleesleemusmo ilahhooár muruú ta tsu/i ga hanmiis amór yaamaá /iya awa iisaapoó yaaér Eufrate.

YEREMIA 50:28

«Iia qaasaak, inooín naa /akumiitiyé', naa kotsqomitiyé' baraá yaamaá Babulonír wa alé, ta baraá Siyonír wa kángw ilaharmiis adór AAKOÓ MUNGÚ, Munguúrén li/aay ngura buú', li/aay as Do'ós kudá' hhoohhoó'.

TLAHHOÓ LAÁWI 26:25

Nun paángárí huúw as li/oó alqador'eé' tidá' taa geeqeeré' nguwa buu'. Kuungá' bara gobé' baraá gixsaduhúng, ala nuri tiqtír tlákw i kwaáhh, nee nuri baraá dabaá wakuuserhúng i qaás.

FAARO 25:11

«Finehasi garmoó Eleasari, garmoó Aroni, kaahamusmoó Mungú, buhhtaaeé' gaa har óh dír múk Israeliwo. Baraá tla/angwhunge a inós kilós oo sla'aari aa tliwí/ adór aníng wa ale. An gár múk Israeli sleémeero ngusa hhaamisiiká buhhtaeene.

FAARO 25:13

Án alqadoorí an tleéhh nee inós nee xwaylarós adór tar kaahamuusér Mungú ay kureeraá kureér, asma inós sla'aari nguna tliwí/ daanduú Munguúwose, múk Israeli guri haraki/isár i tleéhh.› »

FAARO 31:4

Umuúqo tlahhoó Israeliwo, múk baraá slaqwararií daqáw a kumuú wák.»

HAR'OHUUSE 5:2

«AAKOÓ MUNGÚ xirfayeemisaak! Geeraharuuse múk Israeli guri geerahát baraá slaqwara, nee muu tina haniís ar sla'aarir'ín.

HAR'OHUUSE 5:23

«Malaykamoó AAKOÓ MUNGÚ i kaahi, ‹Merosi lu'usaak, yaamuloouuseerós, lu'usaak sleeme, asma AAKOÓ MUNGÚ ngwaa alee/isár ay'iiká, qoomár iwa slaqwi nee slaqwaruusér /uureemaá koom.›