FAARO 31:28 - Biblía Axweesantá Hhohho' ar Mungú 2004

²⁸ Dír boohhadár mukdá' slaqwarár dahha, gár wák baraá tsiire kooane paraatleek tawa ar AAKOÓ MUNGÚ. Dír boohhár muko, laqaá hikwa, laqaá daqwaaye, laqaá ar bee/aangw, laqaá ar aara,

FAARO 31:28 Iomraidhean Croise

IIMU/UUNGW 14:20

Munguú Gáwtí dirií' i xirfuuti, kudá' wakuuseerók ngaa gawaá dabaawók i qaás.» Nee Abramu baraá umuúqo muruú mibaango gár wák gari haniís dír Melkisedeki.

1 QOM'I 18:11

Qeemuwí waawutmo Daudi guri paraátl as Mungú, dinkwa nee sahaábu nee peesaaro, tidá' aa hayóh baraá xoorduudá' slaqwaraaro aa baál, awa Edomu, nee Moabu, nee Amoni, nee Filisti nee Amaleki.

2 QOM'I 15:11

Baalaarihe inooín AAKOÓ MUNGÚ nguna ilahhooárií haniisiyé' ar muruú ta tsu/i ar awér tsiire faanqw nee bee/ángw kume faanqw, kudá' tinda haasaáng wa huúw.

ISAYA 18:7

«Qoomaadae AAKOÓ MUNGÚ Aleesleemusmo kungun qeemií huuw nee múk tledaadét nee oo slaqo natsatsa'ayen, xoorór dae tlaaq ar tsewen nee ar sawen, xooroodá' /uuruú koom nee baalaaliim, tidá' yaamuuwós taa qasiís nee yau, sluufaay kungun huuw amór tloomár Siyoni didá' AAKOÓ MUNGÚ Aleesleemusmo kuwa sluufmaamisi.»

ISAYA 23:18

Peésaadá' ni sleer kari paraatl as AAKOÓ MUNGÚ, peésaadá' ka batsiiká, laqaá ka amohhe'eesiiká, ala aqo har mukdá' AAKOÓ MUNGÚ ngu sluufmamisá' kilooín kan muruú /aymár yaariírár tlaaxw nee tlabaá hhohho'.

ISAYA 60:9

A miringér baraá ma'aay tidá' yaamaá afaá tlawtá daahh, kinga geerahaár nee miringér Tarshishi. Tidá' na/iiwók ngaa amór saáwa ki/is, peésar'ín nee sahaábu ngi koná' as daanduú umuú AAKOÓ MUNGÚ, Munguúhúng, nee daanduú Kudá' wák oo Hhoohhoó' oo Israeli, asma inós kuungá' nuna xirfayeés.

FAARO 18:21

«Daanduú tlahhoó Laáwiwo, inooín iga ilahhooa sleémeero i haniís, tidár gár wák baraá muruú mibaango, tidá' múk Israeli ni aníngí hanmisiya' as tawa aalir'ín. Gaarí an bu'utuuín as daanduú gadiyeédár amohhe'eemisuú heémar'eé' tidá' hhoohhoo'.

FAARO 18:26

«Slamí tlahhoó Laáwi kaangwí ti beer, ‹Qoomár ilahhooár gár wák baraá muruú mibaango bara ilaaoté', tidá' múk Israeli i hanimiisi as tawa aalirhúng, kuungá' baraá muruudá' taa sleeri'i gár wák baraá muruú mibaango ngin anuú AAKOÓ MUNGÚ i haniisá' tawa ilahhooarhúng.

FAARO 31:29

haniseek dír kaahamusmo Mungú Eleasari tawa ilahhooár AAKOÓ MUNGÚ.

FAARO 31:30

Ala dír boohhadá' ta haniisi dír múk Israeli, gár wák baraá mibeeraá kooane an dúx baraá muko, laqaá hikwa, laqaá daqwaaye, laqaá bee/aangw laqaá aara. Daqaní ka hanís dír tlahhoó Laáwi kudá' gadiyuusá' baraá heémár AAKOÓ MUNGÚ wa ale.»

FAARO 31:47

Baraá qoomayduú tlaqi oo taa múk Israélírí haniisi, Mose baraá haasaánguú hikwaá mibeeraá kooane, nee baraá haasaánguú múk mibeeraá kooane, ar wák gana haniís dír tlahhoó Laáwi, kudá' gadiyumaamisá' baraá heémár Mungú wa ale, adoodá' AAKOÓ MUNGÚ ngira hara'ayín.

Matayo 22:21

Tari oó', «Slaqsaywí nee gooirihe awa waawutmoó Roma.» Yesu giri báy, «Ar waawutmoó múk Roma wa hariim, amoorós ti hanise', nee ar Mungú wa hariim, amór Mungú ti hanise'.»

YOSHUA 6:19

Ala peésa sleémeero nee sahaábuwo nee xooslaá taa tleéhh ar muqslár da/aten nee awa muqslaro a xooslaá taa paraátl as Aakoó Mungú, adoorihe kin qaas baraá qaasír AAKOÓ MUNGÚ.

YOSHUA 6:24

Aluuwo umuúqo gár baraá gixsadá' i diriia kari daá/ ar asla, ala gár taa da/iiká a peésa nee sahaábu, nee xooslaá taa tleéhh ar muqslír daa/aat nee muqsla. Xosluuká' kiri qaás baraá qaasír doó AAKOÓ MUNGÚ.

YOSHUA 9:27

Alaá deelór niinawe Yoshua múk Gibeoni guri lawaale tleéhh ar migír feehhamis, nee ar ma'aay hhekw awa múk Israeli, nee awa kitángw ilahhooa kawa hanmiisi. Ay laarí inooín i kumamitiyá' gadiyeérihe, didá' AAKOÓ MUNGÚ aqo tsawaari as sluufmis.