FAARO 31:23 - Biblía Axweesantá Hhohho' ar Mungú 2004

²³ Muruudá' sleémeero asla i /akká hhohhoeesaak ar asla, daqaní aa hhoohhooúy. Tam adoorihe muruudá' a hheehhe'eesa ar ma'aydaá hheehhe'eemis. Mura' sleémeero kudá' baraá asltií qaasa ga ya/aamaaká, ku hheehhe'eesi ar ma'aydaá hheehhe'eemis.

FAARO 31:23 Iomraidhean Croise

TI'INAANGW 19:10

AAKOÓ MUNGÚ Mose guri báy, «Tláw amór muu, ku hhoohhooés laarí nee matloowo, daqaní ki ádbeér tlabaaín ngi hhuuntsiye'.

TI'INAANGW 19:14

Naagáy Mose iri gawaá tloomár wa aweér, muu guri hhoohhooeés, tlabaaín ngiri hhuuntsiyé'.

ISAYA 43:2

Qoomár kuungá' bar warahhá' ar baraá ma'aá yaariir, aníng nee kuungá' a dinkwa. Yau kuungá' nu hayohiaaká. Qoomár kuungá' bar baraá ásltár warhhá' tam tsángw asla kuungá' nu sloohhiiká.

TLAHHOÓ LAÁWI 11:32

Barnaxes tuuár makayká' gaa nga i hú', tam peehhi, tam tsitaay, laqaá tam kaahari, laqaá tam guniyá, laqaá umuú gaaro ar tar gadiyuusi, xooslmoodá' kwaa meetagaás ay tsiindo, xooslmoodá' ku qaasi baraá ma'aay. Xooslmoodá' daqaní ku hhoohhoó'.

TLAHHOÓ LAÁWI 15:17

Tsitoó ma'aydá' naa layé', laqaá fala gár kawa hariím a kan hamaatl ar ma'aay, nee ka harmeetin ay tsiindo.

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

FAARO 19:17

«As daanduú kudá' taa kiloóín meetagaasi'i, da/arár ilahhooadá' taa daá/ as tlakweema hingeesa ka haragaasi nee ma'aá yaae baraá hutlaay.

FAARO 19:9

Heé daba' hhohhó' da/arár sleerí ngi fiitsi, nee ngi huwi didá' hhoohhoo' ar tsee/aá xafi. Da/araarí kari amohhe'ees, nee kari ar gadiyuus nee dinku'uuma sleémeero ar Israeli ngiwa tleehhiyá' ar ma'aá tlakweema kir hamtliiti, as tawa ilahhooár tlakweema hingeesa.

FAARO 31:22

Sahaábu nee muqslár peesaaro nee muqslír sirdaa/aat nee muqslaro nee mabaátiro nee tlaa/aá ta harsaásír tlehhahhiti.

FAARO 31:24

Bál faanqwe tlabaahúng in hhuntsá', daqaní kuungá' aga hhoohhouuré', daqaní ta datá' baraá xafi.»

FAARO 8:7

Adoorí an adór kir hheehhe'es: Ma'aá kir hheehhe'es ti tsipipi'is, nee slaqooín ngi deeqwiye' ar deeqwa, nee tlabaaín ngi hhuuntsiye' ti adoorír hheehhe'eesiye'.

Matayo 3:11

Ar ló', aníng gár kuungá' nur baatimiis a ma'aay as tawa hhu'u'uundé'. Ala kudá' aluueé' wa hardáh, inós i /uuruú kón ta aninge. Tam aníng a hariimaaká ya/ataawós ngiwa gagaar. Inós nun baatimiis ar Qeeruú hhoohhoó' oo Mungú nee ar asla.

1 Korinto 3:13

gadiyér umuúqo heewo i geehhoouúr. Asma Baalaadár Kristo gadiyér umuúqo heewo gan geehhooés ar baraá asla. Nee asltadá' gadiyér umuúqo heewo gari iiát áx a gadiyér adoomá.

Efeso 5:26

Adoorí gana tleéhh as mukós nguwa hhoohhooeesi nee nguwa hamaatli ar ma'aay ar /uuruú axweesantós.

1 Petro 1:7

Iiara'aduuwí gídaabárós i deer. A haratlintaaorhúng kan iiara'ar, xáda xáy haratlintaaorhúng tisíng ar lóe? Sahaábu a gár qwaar, tam ku iiari ar baraá asltadár sahaábu kur hhoohhooeemiis. Ala haratlintaaorhúng ka ló'wa afhhamít ta sahaábuwo. Asma haratlintaaorhúng bar kaa iiár, i hariín kawa diidi'iimiisi nee kawa xirfayeemisi nee kan ilaiwawaa/ qoomár Yesu Kristo burkwa geehhooés.

1 Petro 3:21

Ma'aydá' a slaqsoó baatiísmo, kudá' kuungá' nu ba/amiimís de'emakaákae. Baatiísmo a slasla/aruú slaqwa gun hingeemiisiiká, ala baatiísmo a hee Mungú gun firiirín as muunuú hhoó' nguwa slay, ar /uuruú waasle/uú Yesu Kristo.

1 Petro 4:12

Sla'aaruuser'eé', kuungá' ma waa/oo/amiimara' as slahh'amuú yaariír kwisíng ta slasleera', oo adór iiara'aduú asla, tawa adór gár xuaawasl.

Geehhoeemaá 3:18

Gawaá adoorihe gár kuúng wa hariim a adoorí an tléhh, Sahaábuudá' taa hhoohhooeés ar asla dir'eé' tiwa tlaxw, as kuúng tawa daqaarmo tleehhit, nee tlabaadá' /awak kiwa tlaxw, nee kiwa dahas, as /aankwetsuuwók kudá' murér koóm mukuwa ara'ár. Nee slám maasáy na tlaxweek, ilaawók kiri slík, as kuúng tawa xumis.