FAARO 31:18 - Biblía Axweesantá Hhohho' ar Mungú 2004

¹⁸ Ala dasuú nee hhawaate taa alqaatiiká mu tsu/aara', mawaak i hooti as kuungá'.

FAARO 31:18 Iomraidhean Croise

ISAYA 14:2

Múk xoordaá hatlá' múk Israeli kunar tláy, kway ki/is baraá yaamuuín kudá' AAKOÓ MUNGÚ aa haniís, baraá yaamuudaá AAKOÓ MUNGUHE. Múk Israeli mukduú xoordaá hatlá' kuri aal, tawa adór lawaalér hhawaate nee ar /ameena. Mukdá' inooín gaa loohatis ngun loohatisiyá', nee kudá' inooín gaa baraamaanuus nguri sawaawuti'iná'.

TLAHHOÓ LAÁWI 25:44

Lawaalér /ameena nee hhawaate tlaxooro a aleesleér amór xoordaá inslaawáy wa aleeró.

FAARO 31:17

Gawaá adoorihe, na/aá daaqaay sleémeero tsu/aak, nee umuúqo /ameenír nee hhawaata naa alqatii'i gaasaak.

FAARO 31:19

Umuúqo heé hee gwaa qo gaasi baraá tla/angwhunge, laqaá kudá' tuuár hee gaa kwatiit, i tsee/aá wa iwiwiti ay deelo faanqw, miwa dáh baraá xafi. Bál tám nee bál faanqwe ti hheehhe'ese' kuungá' dinkwa nee mukhúng kudá' naa haasaáng wa hubi'i.

DABE 20:14

Ala /ameena, nee na/ii, nee hikwa nee mura' sleémeero kudá' baraá gixsár i dirií' haasaáng tiwa ar tleere' as tawa koohúng. Muruuduú wakuuserhúng /ayaak, kudá' AAKOÓ MUNGÚ, Munguúhúng naa haniís.