FAARO 30:3 - Biblía Axweesantá Hhohho' ar Mungú 2004

³ «Dasír doó baabuúwós i kaahh bar al'axweesantós ar tseegamo gaa qás dír AAKOÓ MUNGÚ,

FAARO 30:3 Iomraidhean Croise

2 QOM'I 36:13

Sedekia kángw waawutmo Nebukadnesa axaasaro guri sií' tam Nebukadnesa Sedekia ngwa lo'ór /aymisi ar baraá umuú Mungú as tidá' Nebukadnesa i ooi mingiwa sií'. Inós da/eewawós giri gawdeés, tam guruuwós guri tlaa/árí dahaás as miwa kií/ amór AAKOÓ MUNGÚ, Munguú Israeli.

WARA'AMI 50:14

Mungú ilahhooár sluufáy duxuumeek. Al'axweesantók boo/eeseek dír kudá' gáwtí diriia.

TLAHHOÓ LAÁWI 27:2

«Xoorór Israeli adoorí baweek, hee bar al'axweesantós gaa oó' dír AAKOÓ MUNGÚ ar hee nguwa haniisi, heedaádá' ga aleesláy al'axweesantós ngiwa hingeesi ar peésa ngiwa haniisi. Nee qoomoó peésa oo ta haniisi a kwí:

FAARO 30:2

Hee barnaxes al'axweesani gaa oó' dír AAKOÓ MUNGÚ, laqaá bar lo'o gana /aáy ar al'axweesani ngiwa tseék, inós gár kuwa hariím a al'axweesantadá' gan boo/ees ar adór al'axweesantadá' afkose aa káh.

FAARO 30:4

nee bar baabuúwós al'axweesantí gaa axaás, laqaá al'axweesantós tidá' tira tsék, nee inós gár ngaa báy i káhh, daqaní al'axweesantá dasiidá' i adoodá' i káhh.

FAARO 6:2

«Múk Israeli kaangwí ti beer: Barnaxes hhawaata laqaá /ameeni al'axweesani kaa oó' ar tiwa paraatli as AAKOÓ MUNGÚ nguwa sagadiyuusi.

1 Korinto 14:34

tam ayahunge sleeme /ameena i xaslit baraá dinkwár Krishaanayhe, asma ya/aám i káhh ar inooín iwa axweesiya', ala gár kiwa hariím masók in ilaiwawa/iyá', adoodá' hara'ayár Mose i kat sleeme.

YOSHUA 9:18

Ala múk Gibeoni sleeme kwa tsu/iiká nee múk Israeli, as al'axweesantadár wayda taa káh ar baraá umuú AAKOÓ MUNGÚ, Munguú Israeli. Aluudae muu sleémeero tari qununuú/ dír geeraharuuser'ín daanduú tihe.

HAR'OHUUSE 11:35

Yefta ngiwa ár dasiirós nguwa al'eér, tlabaawós gina feehhamiís iwa kaahi, «Dasir'eé', iga gurtlés nee iga slahh'amuú yaariír ar eér, asma aníng lo'o aga /aáy dír AAKOÓ MUNGÚ, slám lo'oorí amohhu'uumaro a aleeslawaaká.»

1 SAMUELI 1:11

Al'axweesani gari ó' dír Aakoó Munguú Aleesleemusmo, iri ó', «AAKOÓ MUNGÚ, barnaxés kuúng aniídár sagadiyuso'oorók iga i qaytsít baraá slahh'amaayero, nee iri insleér, bira gunqareská aniídár sagadiyuso'oorók, nee aniídár sagadiyuso'oorók na/oó garmaawo bira qeér, daqaní aníng baalaadae u haniís dír AAKOÓ MUNGÚ. Na/aywí baraá slafiingós sleémeerowo u saga deeqwaaká baloó alé.»