FAARO 30:2 - Biblía Axweesantá Hhohho' ar Mungú 2004

² Hee barnaxes al'axweesani gaa oó' dír AAKOÓ MUNGÚ, laqaá bar lo'o gana /aáy ar al'axweesani ngiwa tseék, inós gár kuwa hariím a al'axweesantadá' gan boo/ees ar adór al'axweesantadá' afkose aa káh.

FAARO 30:2 Iomraidhean Croise

YOBU 22:27

Inós kuri firiín, kuúng uri iiárií qaas. Kuúng al'axweesantók kari bú'.

WARA'AMI 116:14

Al'axweesantadá' naa oó' dír AAKOÓ MUNGÚ, an boo/eés dír geeraá mukós sleémeero.

WARA'AMI 116:18

Al'axweesantadá' naa oó' dír AAKOÓ MUNGÚ, an boo/eés dír geeraá mukós sleémeero,

WARA'AMI 119:106

Al'axweesante'eé' aga oó', ngiri gawdeés ooaro, tidá' ganaa' kuúng ta kat an óh.

WARA'AMI 15:3

A heedá' múk kaantimaaká, a heé gár tlaakw ga sla'aaká ngiwa mulqumoowósí tleehhi, laqaá tam inslaawmoowós nguwa safooli.

WARA'AMI 22:25

Baraá dinku'uumár ure án kuúng un xirfayeemiís. Al'axweesante'eé' an boo/eés, dír geeraá kudá' kuúng ilaiwawa/a'a.

WARA'AMI 50:14

Mungú ilahhooár sluufáy duxuumeek. Al'axweesantók boo/eeseek dír kudá' gáwtí diriia.

WARA'AMI 55:20

Mulqumooeé' kudá' slahhaá' mulqeerós gaa sakií/. Alqadoorós gaa sií'.

WARA'AMI 56:12

Mungú, al'axweesante'eé' gár kawa hariím aqo ngin boo/eés. Ilahhooár sluufaay ngi haniís.

WARA'AMI 76:11

Al'axweesantók tidá' taa qás boo/eeseek dír AAKOÓ Munguúwoge. Mukdá' sleémeero tseéw ilahhooa ngi huwi dír inósuudá' ilaiwa/amér wa hariím.

TI'INAANGW 20:7

«Umuú AAKOÓ MUNGÚ, Munguúwók, mu tawo axweesaar, asma AAKOÓ MUNGÚ heé umuuwós gu tawo axweés gu gan'amií harafaariiká.

AXWEESANOÓ SAGALOOA 20:25

A dakuús hee iwa gaanslár ooi, «Gaarí a haniís dír Mungú.» Aluuwo iri aluúwaá gurbo/áy gadaádá' haniisaro.

TLAHHOÓ LAÁWI 5:4

«Laqaá barnaxes hee lo'o gaa huúw ar gaanslaay, adoodá' múk hatlá' i /imamisi gár tlaakw laqaá ar hhoo' ngiwa tleehhi, qoomár adoorí birnga tsaáhh i dakuúsár kón.

NAHUMU 1:15

Gawaá tlooma i qaatsitaak, ga/aawaak heé ya/abtór hho' ngi huúw, heé wayduú dahareemiís. Aá Yúda, deelorhúng ar ur tleehhaak, al'axweesantahúng boo/eesaak, asma heedá' tlaákw nu baloó tlaampa'aasiiká, asma kwaa qaroó suwa tsaát.

FAARO 21:2

Nee múk Israeli al'axweesani gana oó' dír AAKOÓ MUNGÚ tawa kaahi, «Barnaxes mukwí ngu hanís gawaá dabaarén i ale, daqaní atén gixsaduuká' aqo in hhaamisaán.»

FAARO 30:10

«/Ameenír taa duúx bar al'axweesani gaa qás, laqaá al'axweesani birnga tsék ar lo'o,

FAARO 32:24

Gimsé' gixsadaá na/iihúng tleehhaak nee awa bee/angwhunge, ala al'axweesantahúng tidá' boo/eesaak.»

Matayo 23:16

«Kuungá' geeraharuúse, kuungaásingá' taampu, a tsaxwaahúng, kuungaásingá' kaahá', ‹Bar hee lo'o gaa huúw ar Doó Mungú, gaarós i káhh. Ala bar hee lo'o gaa huúw ar sahaábuduú Doó Mungú, lo'oodá' gu eér.›

Matayo 23:18

Slám kuungá' a kata', ‹Bar hee lo'o gaa huúw ar meésaadár baraá Doó Mungú, gaarós i káhh, ala bar hee lo'o gaa huúw ar ilahhooár daanduú meésaadá' i dirii', lo'oodá' gu eér.›

Tlehhema'aá ya/Abuuse 23:12

Looa niwa tleér, múk Yahudi tari al'axweés, lo'o kana /aáy ar tawa /ayinka, slám ta wahiika ay dír Paulo kway gaasi.

Tlehhema'aá ya/Abuuse 23:14

Tari daqáy dír kaahamuusér uren ar Mungú, nee bariise, tari oó', «Atén lo'o aga /ayaán ar tawa gaa tsaqaanaaká ay dír Paulo kway gaasaan.

Tlehhema'aá ya/Abuuse 23:21

Ala kuúng ma ya/aamaar, asma múk mibeeraá tsiyáhh gi waaraáhh ngu loohír wa gigidiná'. Nee inooín lo'o ngaa /ayiyé' ar iwa /ayina'aaká, laqaá i wahiaaká, ay dír Paulo ngway gaasiya'. Nee hamí axweesantá amoorók daahh ngin daamaraná'.»

2 korinto 1:23

Mungú an lamabu'usmooeé' aníng gár nisa malé Korintór i ki/iiká, inós ga xuu' asma aga slaiiká kuungá' nuwa slahh'ees.

HAR'OHUUSE 11:11

Yefta nee bariiseedár Gileadi tiri alkoné', inós kuri waawutmooín wa qaás. Yefta iri axweés dír AAKOÓ MUNGÚ baraá Mispár alé.

HAR'OHUUSE 11:39

Alaá slahheeraá tsár niwa waaraahhiyé', iri amór dó' i wátl. Baabuúwós al'axweesantós gari boo/eés ar adoodá' ngira axweés. Dasiirí nee hhawaata taa alqaatiiká. Iimír qoomaadae dakwí iri iimu/ún baraá Israeliro.