FAARO 3:8 - Biblía Axweesantá Hhohho' ar Mungú 2004

⁸ Inooín xoosla sleémeero ar heémár Mungú ngin xuná' nee ngin amohhe'emisiyá'. Inooín múk Israeli ngun alee/imisiyá' qoomár muu bir gadiyuus didá' hhoohhoó' wa alé.

FAARO 3:8 Iomraidhean Croise

1 QOM'I 23:27

Adoodá' axweesantá alhhe'eesay ar Daudi i diri', heé tlahhoó Laáwi oo kureeraá mibeeri tsár gaa ay, nee oo gaa ba/i, kuna gooín.

2 QOM'I 29:11

Daaqay'eé', kuungá' ilaiwa/ame koomaak. Asma AAKOÓ MUNGÚ kuungá' naa tsawaár gadiyeérí kawa tlehha', kuungá' tawa sagadiyuuseerós, nee inós kuwa mooyángw tsuú' i da/a/aanda'.»

ISAYA 52:11

Tlawsé', tlawsé', gixsár Babuloni geexawaak, gár slasla/aar ma kwatimitara'. Ti'iité' baraá gixsaro, ti kiloohúng hheehhe'ese' kuungaádá' xooslár AAKOÓ MUNGÚ loohisá'.

FAARO 10:17

Naagáy heémadá' kari yaamií daáhh, nee múk guruú doó Gershoni nee oo guruú doó Merari, ngiri gagaariyé' niri tlayé'.

FAARO 10:21

Aluuwo múk guruú doó Kohati xosluudá' hhoohhoo' ngina gagaariyé' tari tláy, tawa hardihi heémadá' kikiaro kaa hhe'eés.

FAARO 3:7

Inooín ta gadiyusi kitángw Aroni wa ale as dinku'uuma sleémeero baraá heémár Mungú didaádá' hhoohhoo'.

FAARO 3:9

Múk tlahhoó Laáwi ku hanís dír Aroni nee xwaylarós tidár kaahamuusér Mungú, mukwí kunguna duúx baraá tla/ángw múk Israeliro as muu nguwa sagadiyuusiya'.

FAARO 31:30

Ala dír boohhadá' ta haniisi dír múk Israeli, gár wák baraá mibeeraá kooane an dúx baraá muko, laqaá hikwa, laqaá daqwaaye, laqaá bee/aangw laqaá aara. Daqaní ka hanís dír tlahhoó Laáwi kudá' gadiyuusá' baraá heémár AAKOÓ MUNGÚ wa ale.»

FAARO 4:15

Ala Aroni nee daaqaywós didá' hhoohhoo' birnga hhe'eesiyé' tuuntuukaro dinkwa nee xoosla sleémeerowo, nee qoomár birta amohhe'eesiyé' aai iimu/uumaaro, múk guruú doó Kohati tindi hardihi as heéma kawa gagaari. Ala inooín xooslár hhohho' makawa kwatiít, as matawa qaátl. Gaarí an gadiyér múk guruú doó Kohati qoomár barta heémár Mungú loohatimis.

FAARO 4:28

Gaarí an gadiyeedaá hhay Gershoni i tlehhiitiya' dír heémaadár Munguhe. Inooín kin geerahaar nee Itamari, garmoó Aroni kaahamusmoó Mungú.

FAARO 4:33

Gaarí an gadiyeedaá hhay Merari i tlehhiitiya' baraá guruú heémaadár Munguhe. Inooín kin geerahaar nee Itamari, garmoó Aroni kaahamusmoó Mungú.»