FAARO 3:50 - Biblía Axweesantá Hhohho' ar Mungú 2004

⁵⁰ Peésaadá' gana ilaaóh dír na/aá baris awa Israeli, peésa dinkwaaro a shekeéli kumuú wák tsiire tám nee mibeeri lahhoó' nee kooán, ar qoomoó didaádá' hhoohhoo'.

FAARO 3:50 Iomraidhean Croise

FAARO 3:49

Gawaá adoorihe Mose peésaadár tu/utá mukdá' aa harwaaraahh dír faarór múk tlahhoó Laáwiwo gari burumbuúr.

FAARO 3:51

Mose peésaadá' mukdá' kura tuú/ gari haniís dír Aroni nee daaqaywós, adoodá' axweesantá AAKOÓ MUNGÚ i diri', nee ar adoodá' AAKOÓ MUNGÚ Mose ngura hara'ayín.

Matayo 20:28

Asma tam Garmoó Hee sleeme naa hardihiiká as kuwa sagadiyuusi, ala nina hardáh as muu nguwa sagadiyuusi nee slafiingós nguwa duuxi as tawa bu'utuú múk yaariír ngur tu/i.»

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

Ebrania 9:12

Slám inós aa dahiiká baraá heéma i alé ar tseerér gurtaawe nee ar damaay, ala ina dáh sagaáwa wák kilós didár hhoohhoó' i alé ar tseereerós ar kilá'. Gawaá adoorihe ba/amár alhhe'eesay wasl gana tleéhh.

1 Petro 1:18

Kuungá' a xuá' adór gár tundura tlaáxw tar muruudá' hhitiruumitaaká, a peesaarooká, laqaá sahaábuwooká, as kuungá' niwa ti'ita' baraá tlehhemi'iihúng kudá' hariima'aakahe, kudá' taa ilaaoté' dír baabi'iihúng wa ale.

1 Petro 3:18

Tam Kristo sleeme ina gwaá' as tlakweema. Ina gwaá' sagaáwa wák wa ale as tlakweema sleémeero. Inósuudá' gan'amuú koóm kuna slahh'eemiís as mukdá' gan'amuú koomaaká, as inós atén tiwa huwi amór Mungú. Slaqwtós kana gaás, ala kuri waaslee/atís ar Qeeru.