FAARO 3:38 - Biblía Axweesantá Hhohho' ar Mungú 2004

³⁸ Mose nee Aroni nee daaqay'ine kina slaá' xafay'ín nguwa tleehhiya' dír geeraá heémaadá' hhoohhoo' bihhaá da/aáw wa ale, amoodá' tsee/amá iwa ti'imiiti. Gadiyér'ín dír kawa tleehhi a didaádá' hhoohhoo', nee umuúqo gár tleehhamór sla'a as xoorór Israeli. Barnaxés heé hatlá' aa tseewúy bihhaadá' aqo kun gaas.

FAARO 3:38 Iomraidhean Croise

1 QOM'I 23:32

Múk tlahhoó Laáwi gadiyér'ín a xuumár heémár dinku'uuma nee didá' hhoohhoo', nee hhaeeín kudaá kaahamuusér Mungú ngiwa ale/iimisiya', kudaá xwaylár Aroni, baraá gadiyér Doó AAKOÓ MUNGUHE.

FAARO 1:51

Slám qoomár barnaxes a heémár tu/uundá' gadiyeésíng ar múk Laáwi, nee qoomár bar heémár tlehhitá', gadiyeésíng ar múk Laáwi, nee barnaxes heé tlahhoó Laáwiwooká aa bihhaadií tseewúy aqo kun gaas.

FAARO 1:53

Ala múk Laáwi xafay'ín ngu tleehhiye', ngu harweeriye' ar heémár lamabu'uungw, as heémaadá' ngiwa xuna' hee mingiwa i tseewúy aníng iri buhhtis daanduú múk Israeliwo. Naagáy múk tlahhoó Laáwi heémarír lamabu'uungw ngin amohhe'eemisiyá'.»

FAARO 2:3

«Múk xafay'ín gu tleéhh bihhaá da/aáw amoodá' tsee/aamá niwa ti'imiiti, a bohhudaá dír bendeérár tlahhoó Yuda. Geeraharusmoó tlahhoó Yuda a Nashoni garmoó Aminadabu.

FAARO 3:10

Aroni nee daaqaywós tsawaareek as gadiyer'ín tidár kahamuusi'iima ngiwa boo/eesiya', ala barnaxés heé hatlá' aa tseewúy bihhaadií ale, ku gasá'.»

FAARO 3:23

Múk guruú doó Gershoni, xafay'ín ngu tleehhiye' bihhaá /uwa, alaá heémaadá' hhoohhoo',

FAARO 3:29

Múk guruú doó Kohati xafay'ín ngu tleehhiye' bihhaá basa awa didá' hhoohhoo',

FAARO 3:35

Geeraharusmoó guruú doó Merari a Surieli garmoó Abihaili. Inooín xafay'ín nguna tleehhiyé' bihhaá /iya awa heémaadá' hhoohhoo'.

FAARO 3:37

Inooín sleeme uheemidá' afeeni kara harweér ngina amohhe'eemisiyé' nee yukumáydae, nee kika'aaro, nee hhutlemiiwose.