FAARO 29:35 - Biblía Axweesantá Hhohho' ar Mungú 2004

³⁵ «Bál dakaate ti burumbude', dinku'uumár hhoohhoo' ka tlehhá'. Baalaarihe ma gadiyuusara'.

FAARO 29:35 Iomraidhean Croise

NEHEMIA 8:18

Slám umuúqo baalaaro iimír iimu/úngw wa tleemu ay bál alhhe'eesáy aqo gana soomamuús baraá kitaábuú dabér Mungú wa ale. Inooín deelór ur kay tlehhiít, deelo faanqw, bál dakaate burumburiita kay tleéhh ar adoodá' kara oó'.

TLAHHOÓ LAÁWI 23:36

Deeloosíng faanqwe ilahhooár da/a an hanmisá' dir anuú AAKOÓ MUNGÚ, bál dakaát dinku'uumár hhoohhoo' an boo/esá', nee ilahhooár da/a an hanisá' dír AAKOÓ MUNGÚ. Dinku'uumadá' ka hhoohhoo', baalaasinge ma gadiyusara'.

FAARO 29:1

«Slahhángw faanqw bál bar wak, dinku'uumár hhoohhoo' ka tlehhá', baalaarihe ma gadiyuusara'. Tarumbeéta baalaarihe an ufhhá'.

FAARO 29:12

«Slahhángw faanqw bál bar mibaá nee kooán, dinku'uumár hhoohhoo' ka tlehhá'. Baalaarihe ma gadiyuusara'. Deeloorí ur an AAKOÓ MUNGÚ i tlehhá' ay deelo faanqw.

FAARO 29:34

Sleeme gurtuú wák un hanisá' tawa ilahhooár tlakweema hingeesa. Dinkwa nee tihe ilahhooadár da/a tidár umuú baala, nee ilahhooarós ar balaango nee ilahhooarós ar muruú wahaango makawa máy.

FAARO 29:36

Ilahhooár da/a an hanisá' kuwa da/a' ar asla tawa slaahhareeraá tsuuá' awa AAKOÓ MUNGÚ ngu sla'atamiisá. Muruú ta hanisa' a kwí: Awuú wák, nee gwaanduú wák, nee deeloó gwaandaawe oo faanqw oo kurkú wák, masók ki xaslxaansli wasl.