FAARO 29:25 - Biblía Axweesantá Hhohho' ar Mungú 2004

²⁵ Sleeme gurtuú wák un hanisá' tawa ilahhooár tlakweema hingeesa. Dinkwa nee tihe ilahhooadár da/a tidár umuú baala, nee ilahhooarós ar balaango nee ilahhooarós ar muruú wahaango makawa máy.

FAARO 29:25 Iomraidhean Croise

IIMU/UUNGW 37:31

Naagáy inooín deelmo nguri gaasiyé', hiyayduú Yosefu kuri baraá tseeredí luhhuús.

FAARO 29:11

Gurtuú wák un hanisá' tawa ilahhooár tlakweema hingeesa dinkwa nee ilahhooadár tlakweema hingeesa as haraki/isarhúng, dinkwa nee ilahhooár da/a tidár umuú baala, nee ilahhooarós ar balaangw nee ilahhooarós ar muruú wahaangw.

FAARO 29:24

Dinkwa nee ilahhooár balaangw, nee ar muruú wahaangw an aweedá' alhanisá', nee gwaandaaweero, nee deelayduú gwaandaawe adoodá' hariímár faaror'ín i diri'.

FAARO 29:26

«Bál kooane muruú ta ilahhooár wa hanisa' a kwí: Awe gwaleél, nee gwaandaawe tsár, nee deeloó gwaandaawe mibaá nee tsiyáhh oo kurkú wák, masók ki xaslxaansli wasl,

Yohana 8:31

Aluuwo Yesu múk Yahudi kudá' gwa haratlintii' guri báy, «Kuungá' bara kumité' axweesante'eé' iialooeemisuuwo, aga eeharuuser'eé' ar ló' tleehhité'.

Tlehhema'aá ya/Abuuse 13:43

Qoomár muu iwa diyaa/aát, múk Yahudi oo yaariír Paulo nee Barnaba gina eehár, dinkwa nee múk xoordaá hatlá' oo aa warqay baraá diínír múk Yahudi. Paulo nee Barnaba tari axweés nee inooín, kiri gurkwa/amís as tawa baraá gurtleemuú Mungú wa hooti.

Rumi 2:7

Kudá' xirif nee ilaiwa/ame nee hhitiru'uuma wasle nga leelehhiitiye' ar qiqtliingw baraá tlehhma'aá hhoe, Mungú gi slafíngw alhhe'eesay wáslí haniis.

Galatia 2:5

Ala atén adoodá' inooín i slaiya' aga ya/aamaniiká tam adór niina. Atén gár taa sla'aán a looeemaá Ya/abtór hho' masók in kumiitiyá' dirhúng wa ale.

Galatia 6:9

Mawa slaaqataán hhooeema tlehhtuuwo. Bar aga mune sianiiká, bu'uungw u slawaán qooma bira xeér.

2 Tesalonike 3:13

Ala kuungá' hháe, ma baloó slaaqataara' tidá' ganaa' kawa tlehha'.

Ebrania 10:39

Atén a kahhaán baraá tla/ángw mukdá' alií kikii/a, tari qwaaraán. Ala atén dír tay diriiaan a baraá tla/ángw mukdá' haratlintaaór koóm, tari ba/amán.

Ebrania 13:15

Gawaá adoorihe atén masók Mungú un ilahhooarén ar muruú ta tsú/í hanmiisaán ar loohír kuwa xirfayeemisaan umuúqo daqto ar loohír Yesu. Gídaabárós a Mungú un xirfayeemisaán ar afeerén.

Ebrania 3:14

Asma atén sleémeero a alqaatuusér Kristo, barnaxés atén aga kumiitaán ar pihh'uumarén tidá' iimír iimu/uungo ta koomaan ay alhhe'eesaay.