FAARO 28:9 - Biblía Axweesantá Hhohho' ar Mungú 2004

⁹ «Ilahhooár ta hanisa' bál deelór Sabaátoro a deeloó tsár oo gwaandaawe oo kurkú wák oo xaslxaansli wásl, nee ilahhooár balaangw oo kílo tsár ar puuruú natsaatsaá' oo taa aleedoók nee di/i, nee ilahhooár muruú wahaangw.

FAARO 28:9 Iomraidhean Croise

2 WAAWITÁ 4:23

Hhawaatuuwós gari báy, «Ahaá laarí gár tas amoorós keer a mila? Laarí a slahhángw /abeneeká, sleeme a deelór Sabaátorooká.» Inós guri beér, «Gár tlaakw i káhh.»

2 QOM'I 2:3

Solomon afo gari haniís amór waawutmo Hiramu oo Tiro, ar iwa kaahi, «Adoodá' taa baabuúeé' Daudi tléhh kuwa sahhtaárí weerís qoomár iwa tlehhiti, gimáy adoodá' aníng i tleehhang.

2 QOM'I 2:4

Ga/aaweek hám daxta aníng a doó AAKOÓ MUNGÚ, Munguúeé', tleehhamór wa slaá', ngway paraátl as inós tawa dír ilahhooár mooyángw tsuú' kawa da/aa/an dír geeraawós wa ale, nee tawa dír mikaáte kay qamin dír geeraawós, nee dír ilahhooár da/a/aangw kawa hanmiisi matlaatle nee tsiindoowo nee deelór Sabaátoro, nee deelór slahhángw /aben niwa ti'iít, nee deelór uren ar AAKOÓ MUNGÚ, Munguúrén, adoodá' ngira oó' dír múk Israeli ay kureeraá kureér.

2 QOM'I 8:13

Ilahhooarí gana haniís adoodá' hara'ayár Mose i kat, deelór Sabaáto, nee deelór slahhángw /abén birna ti'iít, nee deeloodá' uren tám baraá kurko: Deelór mikaátér taa sluuftisiiká, nee deelór uren ar fiiqit, nee deelór ur ar isleeri.

ISAYA 58:13

«Barnaxes bál deelór Sabaátooro gadiyeé aga meeré', aga gadiyuská deelor'eé' tidá' hhoohhooe, tari deelór qwal/amaaye nee deeloodá' hhoohhoo' ar AAKOÓ MUNGÚ kari ilaiwaawá/. Barnaxes deeloodá' aga ilaiwa/é', ala tidá' ta sla' aga tlehhká, laqaá tidá' baraá muunaáwóge ta sla' aga tlehhká, laqaá muruú tawo ugwa axweská.

ESEKIELI 20:12

Ina Sabaátor'eéní haniís as tawa laya tla/ángw án nee inooine, ngiwa xuiya' adór aníng tar AAKOÓ MUNGÚ, kudá' inooín gi hhohhoeemiís.

ESEKIELI 46:4

Bál deelór Sabaátooro geeraharusmo deeloó bee/aangw oo lahhoó' nee gwaanduú wák sleémeero awa xaslxaansli wasl ngin huuw amór AAKOÓ MUNGÚ as kiwa adoodá' alda/i ilahhooár wa ale.

FAARO 28:10

Gaarí an ilahhooár da/a ar ta hanmiisi umuúqo deelór Sabaátoro. Dinkwa nee tihe ilahhooár da/a tidár umuúqo baalaaro, nee ilahhooarós tidár wahaango makawa máy.

FAARO 28:8

Qoomár tsiindowo deelmoduú tsár un ilahhooár wa hanís dinkwa nee ilahhooár balaangw, nee ilahhooár muruú wahaangw adór tidár matlaatle. Ilahhooarí an dá/ ar asla tawa slaahhareeraá tsuuá' awa AAKOÓ MUNGÚ ngu sla'atamiisá'.

Geehhoeemaá 1:10

Bál Deelór Aakoowo Qeeru aníng ina i hardáh, afór ur ngiri axaás ar axwees aluueé' wa ale. Afoorí a adór afór tarumbeéta.