FAARO 28:7 - Biblía Axweesantá Hhohho' ar Mungú 2004

⁷ Ilahhooár muruú wahaangw ar ta deelmooduú bee/ír alhaniisi, a liítár wák ar difaái. Ilahhooarír difaáír aa hamat aa tsipipi'ís didá' hhoohhoo' as anuú AAKOÓ MUNGÚ.

FAARO 28:7 Iomraidhean Croise

TI'INAANGW 29:40

Gwaanduduú matlaatle un hanís dinkwa nee kílór wák ar puuruú natsaatsaá', oo taa aledoók nee di/tá hhohho' ar har liítár wák nee difaáír liíta wak, as kahhó' tawa ilahhooár muruú wahaangw.

TI'INAANGW 29:42

Ilahhooasír da/a/aangw umuú daqto kan hanmiis baraá qari sleémeero ar hi'iita geeraá afkú heémár Mungú, didá' aníng nee kuungá' ti dogitaan nee niwa amorhúng i axwees.

TI'INAANGW 30:9

Mooyángw daa'awtá hatlá' oo hhohhoeeká mu gawaá kitaangwií duuxara' laqaá tam ilahhooár da/a/aangw, laqaá ar balaangw, laqaá ar tsipipi'iimis.

ISAYA 57:6

Tlaa/aá natsatsaa'á' ina tsawdité' baraá xatsoó wa ale. Tlaa/eeká tari muruú slahhaá' baraá lohduuhunge. Ilahhooár wahaangw una tsipipi'iimisé' nee oo balaango. Xáy muruuwí aníng iqo sla'atísi?

Yoeli 1:13

Guniyadu tsiitaak ta tsuunqumisá', kuungaásingaá kaahamuusér Mungú. /Aa/amiimé', kuungaásingaá sagadiyuusér kitángw ilahhooa. Tlawsé' baraá Doó Mungú, guniyadu tsiitaak, tsuunqumisé' xweera sleémeero. Asma ilahhooár balaangw nee ar muruú wahaango baraá Doó Munguhe aa fák.

Yoeli 1:9

Ilahhooár puurú nee ilahhooár muruú wahaangw kaa amór saáw i kwaáhh, kaa huwiiká Doó AAKOÓ MUNGÚ, tam kaahamuusér Mungú, tidá' AAKOÓ MUNGÚ sagadiyuus, in tsuunqumís.

Yoeli 2:14

Heé ga xuú' a heemá, dooqa i warqáy, nee nuri tsuuqawós i haniis, bu'úngw yaariír kuwa sleera'. Kuungá' ilahhooár puurú nee ar muruú wahaango, kari dír AAKOÓ MUNGÚ, Munguúhúngí hanisá'.

TLAHHOÓ LAÁWI 1:9

Ala xooslár gura' nee ya'aá makiito'oodá' ki hamaatli ar ma'aay. Kaahamusmo ilahhooadá' sleémeero ngi ád wa da/i gawaá kitángw ilahhooa as tawa ilahhooár da/a, ilahhooarí taa daá/ ar asla slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 23:13

Dinkwa nee tisinge ilahhooár bu'úngw afi qoomár kílo tsár ar puuruú natsaatsaá' oo taa aleedoók nee di/i ngun hanisá' dír anuú AAKOÓ MUNGÚ ar asla, nee slaahhareeriiwós aníng iri sla'atisiyá'. Ilahhooarós ar wahaangw a liíta wak ar difaái.

FAARO 15:10

dinkwa nee difaáír liíta tsár. Slaahhareeraá ilahhooarí AAKOÓ MUNGÚ nguri sla'atisiyá'.

FAARO 15:5

dinkwa nee difaáír liítár wák as tawa ilahhooár muruú wahaangw. Muruuwí sleémeero kun alhaniis nee gwaanda, laqaá gurta kuduú ilahhooár da/a, laqaá oo ilahhooár muruú ta tsu/i.

FAARO 15:7

dinkwa nee difaáír liítár wák as tawa ilahhooár muruú wahaangw. Slaahhareeraá ilahhooarí AAKOÓ MUNGÚ nguri sla'atisiyá'.

FAARO 28:14

Ilahhooár muruú wahaangw ar ta muruuwí alhaniisi a tí: Umuúqo awuuwo kun liíta tsár ar difaáír alhaniis. Nee gwaanda kun liíta wak nee tlaqi ar difaáír alhaniis, nee umuúqo deelmoó bee/iro kun liítár wák ar difaáír alhaniis. Gaarí an ilahhooár da/a/aangw ar umuúqo baalár geera ar slahhaangw baraá kurko.

FAARO 28:31

Ilahhooarí an hanisá' dinkwa nee ilahhooar'ín ar muruú wahaangw. Dinkwa nee tihe ilahhooadár da/a nee ilahhooarós tidár muruú wahaango makawa máy. Makayká' masók ki xaslxaansli wasl.

FAARO 28:6

Ilahhooarí ar umuú baala ar ta da/i ar slaahhareeriwós AAKOÓ MUNGÚ ngu sla'atamiisá'. Ilahhooarí dír kawa iimu/ún hanmisuuwo a tloomár Sinai.

FAARO 28:8

Qoomár tsiindowo deelmoduú tsár un ilahhooár wa hanís dinkwa nee ilahhooár balaangw, nee ilahhooár muruú wahaangw adór tidár matlaatle. Ilahhooarí an dá/ ar asla tawa slaahhareeraá tsuuá' awa AAKOÓ MUNGÚ ngu sla'atamiisá'.

Filipi 2:17

Ala haratlintaaorhúng a ilahhooár án ni hanmiis dír geeraá Mungú i alé. Bar adór garka tseerer'eé' iwa ku'uta gawaá daanduú ilahhooarí, aníng a qwalaá/ sleeme. Slám qwal/uueé' kwí ngway qasiís dirhúng i alé.