FAARO 28:6 - Biblía Axweesantá Hhohho' ar Mungú 2004

⁶ Ilahhooarí ar umuú baala ar ta da/i ar slaahhareeriwós AAKOÓ MUNGÚ ngu sla'atamiisá'. Ilahhooarí dír kawa iimu/ún hanmisuuwo a tloomár Sinai.

FAARO 28:6 Iomraidhean Croise

2 QOM'I 2:4

Ga/aaweek hám daxta aníng a doó AAKOÓ MUNGÚ, Munguúeé', tleehhamór wa slaá', ngway paraátl as inós tawa dír ilahhooár mooyángw tsuú' kawa da/aa/an dír geeraawós wa ale, nee tawa dír mikaáte kay qamin dír geeraawós, nee dír ilahhooár da/a/aangw kawa hanmiisi matlaatle nee tsiindoowo nee deelór Sabaátoro, nee deelór slahhángw /aben niwa ti'iít, nee deelór uren ar AAKOÓ MUNGÚ, Munguúrén, adoodá' ngira oó' dír múk Israeli ay kureeraá kureér.

2 QOM'I 31:3

Waawutmo Hesekia daqaari'iimarós gana bahh haniís as tawa ilahhooár da/a ar matlaatle nee ar tsiindowo, nee tawa ilahhooár deelór Sabaáto nee ar bál slahhángw /abén, nee ar deelór uren, tidá' taa hara'ayín as AAKOÓ MUNGÚ, adoodá' kara gooín baraá kitaábuú dabér AAKOÓ MUNGÚ.

ESRA 3:4

Inooín deelór ur ar isleeri kana amohhe'eemiís ar adoodá' kara gooín, nee umuú baalaaro ilahhooár da/a kana da/aa/án ar adoodá' kara oó' nee ar adoodá' kas hariím.

WARA'AMI 50:8

U iigahhamitaaká as ilahhooarók tidár muruú ta tsu/i, nee ilahhooarók ar da/a i dír geeraaeé' qooma sleémeero.

TI'INAANGW 24:18

Mose iri dáh baraá huunkidá', iri tsa/án gawaá tlooma, iri gawaá tloomár wa hoót deelo mibeeri tsiyáhh tlaatla/aangw nee xweeraawo.

TI'INAANGW 31:18

Qoomár Mungú axweesantá dír Mose ngiwa hhe'eés gawaá tloomár Sinairo, Mose guri tlaa/eedá' tsáp awa parereehhayénií haniís, kudá' Mungú aa hara'ayaarós i gooín ar dakós oo kilá'.

ESEKIELI 46:14

Umuúqo matlaatleero ilahhooár kílo tsár ar puurú ka haniisi, dinkwa nee liítár wák ar di/tá seituúni, tidá' taa aleedoók nee puurú. Dabeerí eeharto i ló'wa hariín, ar ilahhooa kawa hanmiisi dír AAKOÓ MUNGÚ umuú daqto.

ESEKIELI 46:15

Umuú daqi matlaatleero deelmoó bee/i, nee puurú, nee di/i makawa máy hanisaro dír AAKOÓ MUNGÚ, ay alhhe'eesay wasle.»

TLAHHOÓ LAÁWI 27:34

Gaarí an hara'ayár AAKOÓ MUNGÚ aa hara'ayín dír Mose gawaá tloomár Sinaír wa ale as xoorór Israeli.

TLAHHOÓ LAÁWI 6:9

«Aroni nee daaqaywós hara'ayaarí baweek: Gaarí an dabér ilahhooár da/a/aangw. Ilahhooár da/a/aangw kan gawaá kitángw ilahhooárí máy xweera sleémeero ay matlaatle, kan ásltí gutlhhún, asltós miwa gwá'.

AMOS 5:25

«Xáy, múk Israeli aníng ilahhooár muruú ta tsu/i nee ilahhooár hatlae ngina qo iinuúsi har'afiqoomaadár kureeraá mibeeraá tsiyahhe tawa baraá xaanxáy dir'a'?

FAARO 28:5

Umuúqo deelmowo kun alhaniis nee ilahhooár balaangw ar kílór wák ar puuruú natsaatsaá' oo taa aledoók nee liítár wák ar di/i.

FAARO 28:7

Ilahhooár muruú wahaangw ar ta deelmooduú bee/ír alhaniisi, a liítár wák ar difaái. Ilahhooarír difaáír aa hamat aa tsipipi'ís didá' hhoohhoo' as anuú AAKOÓ MUNGÚ.

Filipi 2:17

Ala haratlintaaorhúng a ilahhooár án ni hanmiis dír geeraá Mungú i alé. Bar adór garka tseerer'eé' iwa ku'uta gawaá daanduú ilahhooarí, aníng a qwalaá/ sleeme. Slám qwal/uueé' kwí ngway qasiís dirhúng i alé.