FAARO 28:11 - Biblía Axweesantá Hhohho' ar Mungú 2004

¹¹ «Umuúqo iimu/úngw slahhaango, AAKOÓ MUNGÚ ilahhooár da/a/aangw ti hanmise', awér tsár ar batlaay, nee gwaanduú wák, nee gwaandaawér ninakw faanqw ar kurkú wák, ar xaslxaansli wasl.

FAARO 28:11 Iomraidhean Croise

2 WAAWITÁ 4:23

Hhawaatuuwós gari báy, «Ahaá laarí gár tas amoorós keer a mila? Laarí a slahhángw /abeneeká, sleeme a deelór Sabaátorooká.» Inós guri beér, «Gár tlaakw i káhh.»

1 QOM'I 23:31

Qoomár deelór Sabaátoro nee deelór slahhángw /abén nee deelór hatlá' ar urene ilahhooár da/a kawa hanmiís dír AAKOÓ MUNGÚ. Dabe kana qaás adoodá' múk Laáwi faaror'ín i diri'. Múk Laáwi gadiyér'ín tí kan tlehhiit dír geeraá AAKOÓ MUNGÚ wa ale umuú daqto.

2 QOM'I 2:3

Solomon afo gari haniís amór waawutmo Hiramu oo Tiro, ar iwa kaahi, «Adoodá' taa baabuúeé' Daudi tléhh kuwa sahhtaárí weerís qoomár iwa tlehhiti, gimáy adoodá' aníng i tleehhang.

2 QOM'I 2:4

Ga/aaweek hám daxta aníng a doó AAKOÓ MUNGÚ, Munguúeé', tleehhamór wa slaá', ngway paraátl as inós tawa dír ilahhooár mooyángw tsuú' kawa da/aa/an dír geeraawós wa ale, nee tawa dír mikaáte kay qamin dír geeraawós, nee dír ilahhooár da/a/aangw kawa hanmiisi matlaatle nee tsiindoowo nee deelór Sabaátoro, nee deelór slahhángw /aben niwa ti'iít, nee deelór uren ar AAKOÓ MUNGÚ, Munguúrén, adoodá' ngira oó' dír múk Israeli ay kureeraá kureér.

2 QOM'I 8:13

Ilahhooarí gana haniís adoodá' hara'ayár Mose i kat, deelór Sabaáto, nee deelór slahhángw /abén birna ti'iít, nee deeloodá' uren tám baraá kurko: Deelór mikaátér taa sluuftisiiká, nee deelór uren ar fiiqit, nee deelór ur ar isleeri.

ESRA 3:5

Nee alaá adoorihe tana kumiít ilahhooár da/a hanmisuuwo, nee ilahhooár da/a as slahhángw /abén birna ti'iít, nee as ilahhooár umuúqo deelór ur ar AAKOÓ MUNGÚ tidá' tinda oó'. Nee slám ilahhooár da/a kana haniís as umuúqo heewo oo AAKOÓ MUNGÚ ngwa ilahhooár sla'aarír i haniis.

NEHEMIA 10:33

Nee as mikaáteedá' taa qaás as Mungú nee ilahhooár balaangw, nee ilahhooár da/a, nee ilahhooár deelór Sabaáto, nee ilahhooár Slahhángw /Abén, nee deelór uren ar hatlae, nee muruú hatlá' oo hhohhó', nee ilahhooa as hingeemisuú tlakweema as múk Israeli kuwa haraki/isi, nee gadiyedaá hatlá' sleémeero awa doó Munguúrén.

WARA'AMI 40:6

Kuúng ilahhooár muruú ta tsu/i nee ilahhooár hatlae i waatlakweemiská, iga iia fooxís gawaá tihe. Ilahhooár da/a nee ilahhooár tlakweema hingeemis kuúng a waatlakweemiská.

WARA'AMI 40:8

Munguúeé', aníng a qwalaalaá/ sla'aarirók ngiwa tlehhiit, dabeerók i baraá muunaáeé' i dirí'.»

WARA'AMI 81:3

Tarumbeéta ufahhaak qoomár slahhaangw bir ni ti'imiit, qoomár slahhángw hoomoowo, deeloorén tidá' ure.

WARA'AMI 81:4

Asma a dawa dír múk Israeliro, a hara'ayár Munguú Yakobo.

ISAYA 66:23

Anuú AAKOÓ MUNGÚ a kah, «Umuúqo deelór ur ar slahhángw /abén niwa ti'iít, nee umuúqo deelór Sabaátoro, muu sleémeero nin hardah as aníng iwa sluufmisuú aya'.

ESEKIELI 46:1

«Anuú Aakoó MUNGÚ a kah, Afkú do', kuduú afeenír baraá guruú do', kuduú bihhaá da/aáw, ku tseegi deelo lahhoó' tidár gadiyeede. Deelór Sabaáto nee deelór slahhángw /abén birna ti'iít ku gweeri.

ESEKIELI 46:6

Qoomár slahhángw /abene inós awu batlitamo ngu haniisi, nee deeloó bee/aangw oo lahhoó', nee gwaanduú wák, sleémeero ki xaslxaansli wasl.

ESEKIELI 46:7

Dinkwa nee umuú awuuwo nee umuúqo gwaanduwo kudá' ta ilahhooár wa haniisi, i hariín tawa nee kílo mibaá nee faanqw nee tlaqi ar puurú, geeraharusmo ilahhooadá' i slai ngi umuúqo deelmoó bee/ír alhaniisi, slám umuú ilahhooár balaango i hariín kawa liíta tám alhaniisi ar di/i.

HOSEA 2:11

Slám qwal/amaayeerós sleémeero a hingeés. Nee deeloorós tidá' urene, nee deelór uren ar slahhaangw niwa ti'iít, nee deelór Sabaáto nee deeloodá' uren taa qaás.

TLAHHOÓ LAÁWI 1:13

Ala xooslár gura' nee ya'a' giri hamaatl ar ma'aay. Kaahamusmo sleémeero giri ád aldaa/ gawaá kitángw ilahhooa, tawa ilahhooár da/a. Ilahhooarí ta da/a/an ar asla slaahhareeriiwós AAKOÓ MUNGÚ nguri sla'atisiyá'.

TLAHHOÓ LAÁWI 1:3

«Bar ilahhooarós ar da/a gan duux, a makiito'ór yaqaamba ar xaslxaanslír koomaaká baraá daqtose, as aníng ngiwa ya/aam. A gan huuw dír afkú heémár Mungú.

TLAHHOÓ LAÁWI 1:9

Ala xooslár gura' nee ya'aá makiito'oodá' ki hamaatli ar ma'aay. Kaahamusmo ilahhooadá' sleémeero ngi ád wa da/i gawaá kitángw ilahhooa as tawa ilahhooár da/a, ilahhooarí taa daá/ ar asla slaahhareeriiwós AAKOÓ MUNGÚ nguri sla'atisiyá'.

AMOS 3:5

Xáy, tsir/i kaqo tsuwa oóhi nee tsaaxweeli barnaxés tsaaxweelidá' kaa balaangwí qaasiiká? Xáy, tsaaxweeli iqo tsuwa /akúta, bar gár gaa kwatit i káhh?

AMOS 8:5

Slám a malé kata', «Slahhángw /abén xaylá u oohaán as balangwrén kuwa iimu/umaan weeramisuuwo? Nee deelór Sabaáto i fak a xaylá as balangwrén kuwa weeramisuú awaan? Xooslmoduú qoomeemes kuri afa fiitsaán as peésár yaariir kawa slawaan, muu un al/agiimaán ar qoomoó lama.

FAARO 10:10

Sleeme adoorí tleehhaak qoomár bar baraá qwal/amaaye, adór deelór ur bál slahhaangw birna ti'iít, nee deelór ur ar hatlá' ar ta tleehhamór wa sla'a', tarumbeéta ufahhaak qoomár bar ilahhooár da/aa/ángw hanmisá', nee ilahhooár wayda ar muruú ta tsu/i. Daqaní diirihe anuú Munguúhúng nun insláw. Aníng an AAKOÓ MUNGÚ, Munguúhúng.»

FAARO 28:19

Ilahhooár da/a an hanisá' dír AAKOÓ MUNGÚ, awér tsár ar batlaay nee gwaanduú wák, nee deeloó faanqw oo gwaandaawe oo kurkú wák, sleémeero masók a muruú xaslxaansli wásl.

Galatia 4:10

Kuungá' kángw deelo nee slahheeri un ló' wa eeharahadá', nee qooma nee kureeri sleeme.

Kolosai 2:16

Gawaá adoorihe kuungá' ma ya/aamara' as hee nuwa tawó sakwasleemuuti as muruú /ayma nee muruú wahaangw, laqaá as deelór uren, laqaá as deelór slahhaangw niwa ti'iít, laqaá as deelór Sabaáto.

Kolosai 2:6

Kuungá' Kristo una ilaoté' tawa Aako. Nee ala daxta hooté' baraá slafingwhunge, tawa aldinku'uumisa' nee inós.

1 SAMUELI 20:5

Daudi Yonatan guri báy, «Matlo slahhaangw birinda ti'iít a deelór ur dír waawutmoowo, slamí i xu'utít aníng niwa iwiit dír meésár waawutmo tawa al/ayimaan. Ala áx lakiít anaá ala tláw, anaá ala nahhaát baraá qaymo ay bál tám tsiindo.

1 SAMUELI 9:12

Inooín kiri mu/aywaáts kiri báy, «I deer, hanoos i geerahúng, haraquutlé' hamí, asma laarí ilahhooár muruú ta tsu/i ka kón dír kitangwduú ilahhooa oo gawaá gongoamo.