FAARO 27:3 - Biblía Axweesantá Hhohho' ar Mungú 2004

³ «Baabuúrén ina gwaá' baraá xaanxaay, inós na/oó garma gu konká. Inós i kaahh baraá mukdá' Kora gwaa eehari, kudá' aa burumburiit daanduú AAKOÓ MUNGUHE, inós ina gwaá' as tlakweemaawós kilós.

FAARO 27:3 Iomraidhean Croise

ESEKIELI 18:4

Xuaak slafiingw sleémeero a kwe'eé', slafíngw xwayliitamó nee slafíngw na/aywo. Heé tlakweema gaa tleehh an heedaádá' gwaá'.

FAARO 14:35

Anuú AAKOÓ MUNGÚ tí ngina oó', looeemaawo kuungaásingá' sleémeero aníng iga tlampa'ase' nu adoodá' taa katé' i tleéhh, kuungá' sleémeero an baraá xaanxaywí i hhaandá' nee an baraaká' i qatlá'.»

FAARO 16:19

Aluuwo Kora muu sleémeero guri dinkwaárí burumbuúr, tari sihhiít dír geeraá Mose nee Aroni, kudá' dír afkú heémár Mungú i diriiá'. Nee xirfuú AAKOÓ MUNGÚ iri geehhoúy dír dinku'uumadá'!

FAARO 16:49

Faarór múk aa qaatl baldae a kume mibaá nee tsiyáhh nee tsiire faanqw, kudá' naa qatliye' as dee/anuú Kora kaa dír kuká' i harafariiká.

FAARO 26:33

Selofehadi, garmoó Heferi, na/aá daaqaay gaa slayká, na/iiwós a dasu kilós. Umer'ín a tí: Mala nee Noa, nee Hogla, nee Milka nee Tirsa.

FAARO 27:2

Naagáy dasuuwí tsiyahhaawo tana daqáy amór Mose, tari sihhiít dír geeraá Mose, nee dír geeraá kaahamusmoó Mungú Eleasari, nee dír geeraá geeraharuuse, nee dír geeraá dinku'uumár Israeli sleémeero, didár geeraá heémár Mungú, tari oó',

FAARO 27:4

Asma milá umuú baabuúrén musku fiits baraá tlahhaywose, as adoodá' na/oó garma nguwa konkáhe? Aalirén haniisang dír tla/ángw hha'aá baabuúrén wa ale.»

Yohana 8:21

Yesu giri malé báy, «Aníng a quútl, ala án kuungá' iri leelehhitá', nee kuungá' a qatlá' baraá tlakweemaahúng i alé. Nee amoodá' án ni kaw, kuungá' hardahamu ngu aleesleera'aaká.»

Yohana 8:24

Gaarí an gár kuungá' án nusa báw, ‹Kuungá' a qatlá' baraá tlakweemaahúng. Asma kuungá' barnaxes aníng iga haratlinti'ii'iiká adór aníng tar kudá', daqaní kuungá' aqo qatlá' baraá tlakweemaahúng.› »

Rumi 5:12

Gawaá adoorihe tlakweema nina baraá yaamií dahiyé' ar loohír heé wák, nee tlakweemaadá' gwa'ara ngiri huwiyé'. Aluuwo gwa'ara iri hardát ay dír muu sleémeero, asma muu sleémeero tlakweema gaa tleéhh.

Rumi 5:21

Gawaá adoorihe, adoodá' tlakweema nira baaliné' ar loohír gwa'ara, adoorí an adór gurtleemuú Mungú ir baalin ar loohír gan'amu, slafíngw alhhe'eesay wásl nguri huuw ar loohír Yesu Kristo, Aakoorén.

Rumi 6:23

Asma bu'utuú tlakweema a gwa'ara, ala gár Mungú atén tir qay a slafíngw alhhe'eesay wásl baraá Kristo Yesu Aakoorén.