FAARO 27:21 - Biblía Axweesantá Hhohho' ar Mungú 2004

²¹ Yoshua, kaahamusmoó Mungú Eleasari guri yaahamiis sla'aarir'eene. Asma Eleasari sla'aarir'eé' ga tsaahh ar loohír tlaa/anoodá' ta bay Urimu. Ar loohír /aymuú Eleasari i slaya, Yoshua nee múk Israeli sleémeero ngin geeraharahaar qoomár bar ta darah, laqaá bar ta ti'imiit.»

FAARO 27:21 Iomraidhean Croise

2 SAMUELI 21:1

Qoomár Daudi tawa waawutmo, giyér ur nina tleér baraá yaamuwo. Giyeérí ina kumaamít baraá yaamuwo ay kureeri tám. Daudi AAKOÓ MUNGÚ guri firín gawaá daanduú kaangwihe. AAKOÓ MUNGÚ Daudi guri báy, «Saulo nee múk do'ose a tlakuuse, asma inooín tseerdaá muu ngaa ku'umaamisiyé', inós múk Gibeoni guna tsuú/.»

ESRA 2:63

ga/aawusmo giri báy, inooín i harina'aaká muruú /aymaadá' hhohhó' nguwa /ayiya' ay dír kaahamusmoó Mungú nay hardihi ado ngiri oo' ar loohír Urimu nee Tumimu.

NEHEMIA 7:65

Ga/aawusmo inooín gina ádbáy muruú /aymaadá' hhohhó' kuwa /ayiiká ay dír kaahamusmooduú Urimu nee Tumimu i sihhiiti.

TI'INAANGW 28:30

Kuúng gawaá tlakwayduú da/eewowo tlaa/eedá' ta bay urimu nee tumimu ki baraadá' i qás, ni tarereamiitiye' gawaá da/eewaá Aroni wa ale, umuúqo bar ni amor'eé' káy. Qoomár barni amor'eé' káy tlakwaydá' munguwa baloó máy dahaasaro, as kahhó' gár aníng ni slaa' tleehhamooro daanduú xoorór Israeliro ngiwa tsaahhi.»

TLAHHOÓ LAÁWI 8:8

Gawaá da/eewaá Aroniwo tlakoó da/eewo gway qaás, tlaa/eedá' ta bay Urimu nee Tumimu giri baraadií qaás.

MALAKI 2:7

Asma kaahamusmoó Mungú gár kuwa hariím a intsaahhatimisuú ló' gun harmagaahh, nee muu hara'aya gari dirós i lehhiit, asma inós tawa ya/abusmooeé', anuú AAKOÓ MUNGÚ Aleesleemusmo.»

FAARO 27:17

Inós inooín gi geeraharahaar bar ta iwiiwiit nee bar ta hi'iimiit. Bar ta slaqwarár áy inós ta geeraharumooín, as kahhó' mukók miwa adór bee/ángw de'eemusmo wásl tleehhiít.»

FAARO 27:2

Naagáy dasuuwí tsiyahhaawo tana daqáy amór Mose, tari sihhiít dír geeraá Mose, nee dír geeraá kaahamusmoó Mungú Eleasari, nee dír geeraá geeraharuuse, nee dír geeraá dinku'uumár Israeli sleémeero, didár geeraá heémár Mungú, tari oó',

FAARO 27:20

Kuúng inós ku ilaiwá/ dír geeraá múk wa alé, as kahhó' muu inós nguwa ilawawa/i, adoodá' kuúng tura ilaiwaá/, masók múk Israeli sleémeero inós ku iialooeemiis.

FAARO 27:22

Mose adoodá' AAKOÓ MUNGÚ aa hara'ayín gari tleéhh. Yoshua guri taataáhh guri sihhtiís dír geeraá kaahamusmoó Mungú Eleasari, dír geeraá dinku'uuma sleémeero ar Israeli.

FAARO 27:5

Naagáy Mose kangw'ín kwí guri huúw dír geeraá AAKOÓ MUNGÚ.

DABE 31:3

AAKOÓ MUNGÚ, Munguúhúng inósuú kilá' nun geerahaar nee mukdá' baraadá' hoót guri hhaamiis, as yaamuudá' kiwa ala'. Yoshua sleeme kuungá' nun geerahaar adoodá' AAKOÓ MUNGÚ ngira oó'.

DABE 33:8

Daanduú tlahhoó Laáwiwo ina oó', «Múk tlahhoó Laáwi tlaa/eedaá Tumimu nee Urimu, kudá' sla'aarirók kar tsatsahhan haniseek, dír kudá' inkihhimuú koomá', kudá' taa iiara'át dír Masár wa ale, kudá' kuúng taa xuuxú' ar looeema dír ma'aá Meribaro.

YOSHUA 9:14

Múk Israeli muruú /aymaadá' ta kon nee mukduú Gibeoni kuri /aáy as kawa laqan ar adór al'axweesantadá' kara ya/án. Ala múk Israeli AAKOÓ MUNGÚ gwaa yaahasiiká gawaá daanduú tihe.

HAR'OHUUSE 1:1

Alaá Yoshua iwa gwaá', xoorór Israeli AAKOÓ MUNGÚ, Mungú guri yaahasár eér, guri beér, «AAKOÓ MUNGÚ, tlahhoó geerií slaqwarár áw nee múk Kana'ani a gaalá?»

HAR'OHUUSE 20:18

Xoorór Israeli iri tleér tay tsa/án Beteli, Mungú nguri yaahasiyé' kuri báy, «A heemá oo geerií tláw direne baraá slaqwarár nee múk Benyaminiro?» Aako giri báy, «Yuda i giirin.»

HAR'OHUUSE 20:23

Múk Israeli tay gáwtí tsa/án tari /aa/amín dír AAKOÓ MUNGÚ ay tsiindo tawa kaahi, «A tlawaána tawa slaqwaan nee hhaeerén awa Benyamini.» AAKOÓ MUNGÚ giri báy, «Tlawsé' slaqwé' nee inooín.»

1 SAMUELI 14:19

Qoomár Saulo iwa baraá axweesántí kahhi nee kaahamusmoó Mungú, tsimaahhi iri ak búhh baraá xafayduú múk Filistiro. Saulo kaahamusmoó Mungú guri báy, «Dakók har'ooheek.»

1 SAMUELI 23:9

Daudi ga xuu' adór Saulo ngur kángw tlaákwí slai, Abiatari guri báy, «Xáda xáy inqwarusuú kaahamuusér Mungú haniisang, kuduú naifeéra.»

1 SAMUELI 28:6

Saulo AAKOÓ MUNGÚ guna firín gawaá daanduú tihe, AAKOÓ MUNGÚ gwaa mu/aywatsiiká ar loohír tlata laqaá ar iso nee ar aaruuse.

1 SAMUELI 30:7

Daudi iri oó' dír Abiatari garmoó Ahimeleki kuduú kaahamusmoó Mungú, «Axáy naifeéra huwang.» Abiatari gari huúw.