FAARO 27:18 - Biblía Axweesantá Hhohho' ar Mungú 2004

¹⁸ AAKOÓ MUNGÚ Mose guri báy, «Yoshua garmoó Nuni taataahheek, inós i qeeruú kón baraawose, daqaní ku dákwí qás.

FAARO 27:18 Iomraidhean Croise

IIMU/UUNGW 41:38

Farao sagadiyuuseerós gari yaahaás, gari báy, «Heé adór kwí oo qeeruú Munguú koóm baraawose dír kuy awaan a diimá?»

1 QOM'I 7:27

Elishama ina laqwaál Nuni, Nuni ina laqwaál Yeshua.

TI'INAANGW 17:9

Mose Yoshua guri báy, «Tláw, hhawaate tsawaareek, ta slaqwarár eerá' amór xoorór Amaleki. Aníng matlo a tsa/ám gawaá ságw tlooma, nee hhartadár Mungú dakw'eene a koóm.»

DANIELI 5:14

Aníng aga axaás adór qeeruú Munguúdá' hhoohhoó' ir baraawók nee adór kuúng sagalooa nee fuquraangw nee inslawoó ganaá' kur koón.

FAARO 11:17

Aníng ni yaamií aweér, aníng nee kuúng nari axweesaán, nee qeeruudá' naa dirók i haniís un bahh ar tláw nguri dir'ín i haniís. Inooín nee kuúng mukwí ku al'amohhe'eemisá', huwaarí ma kilók loohisaar.

FAARO 13:16

Umeerí ar mukdá' Mose aa ya/aáw yaamaá Kana'ani ngiwa tsawtsawuusiya'. Mose Hoshea garmoó Nuni guna umií tsaát, guri báy Yoshua.

FAARO 13:8

Baraá tlahhoó Efraimuwo a Hoshea garmoó Nuni.

FAARO 27:23

Dabaawós giri qaás gawaá ságw Yoshua nee guri ilaiwawaá/ adoodá' AAKOÓ MUNGÚ ngura ádbáy.

Yohana 3:34

Asma heé Mungú naa ya/aáw, kángw i axweesi oo Mungú. Asma Mungú Qeeruú hhoohhoó' gu haniisiiká ar qoomeemes.

Tlehhema'aá ya/Abuuse 13:3

Alaá tawa gwaawín, nee tawa firín, dabaaín kiri gawaaíní qaás, tari ya/án tawa tlay.

Tlehhema'aá ya/Abuuse 19:6

Qoomár Paulo dabaawós ngiwa gawaaíní qaás Qeeruú hhoohhoó' oo Mungú giri i aweér. Tari axweés ar tsifrír xuawaslen, nee ya/abtór amór Mungú daahh kari axweés.

Tlehhema'aá ya/Abuuse 6:3

Hhaeerén gimsé', múk faanqw tsawaaraak tla/angwhunge, oo ta hhooár i xua', nee oo taa hatsiís Qeeruú hhoohhoó' oo Munguhe nee sagalooa, as kiwa qaasaan baraá gadiyeérí.

Tlehhema'aá ya/Abuuse 6:6

Mukwi kuri sihhitís geeraá ya/abuuse, kuri aleefirín, kuri dabaaínií qaás.

DABE 1:37

AAKOÓ MUNGÚ sleeme aníng iri i buúhh as kuungá', iri oó', ‹Tam kuúng Móse a datká baraá yaamuudá'.

DABE 3:21

«Naagáy Yoshua nguri báw, ‹Kuúng kaangwí ilaawoge ugwa aán sleémeero adoodá' AAKOÓ MUNGÚ, Munguúwók aa tleéhh dír waawitaáwí tsare, Sihoni nee Ogu. Ala inós sleeme waawitaádú yaamuudá' sleémeero tar waarahha' gin adoorí laaq.

DABE 3:28

Ala kuúng Yoshua ku hara'arií ó', miwa mune sií' nee i /atli, asma inós mukwí gu geerahaar ay gayuqá', nee yaamuuqá' kuúng taa aán ngiwa aaliya'.›

DABE 31:14

Naagáy AAKOÓ MUNGÚ, Mose guri báy, «Deeloorók ar tawa kahhut naa tseewuúr. Yoshua ateteek, hardaharé' baraá heémár Mungú as nguwa kaangwí baw.» Mose nee Yoshua tari tláy ay dír heémár Mungú.

DABE 31:23

Naagáy AAKOÓ MUNGÚ Yoshua garmoó Nuni guri báy, «Gám piíhh, nee ilakaahareés, asma kuúng múk Israeli un geerahát, baraá yaamuudá' aníng naa lo'ór wa /aáy ngiwa haniis dír baabi'ii'ín. Aníng a dinkwa nee kuúng.»

DABE 31:3

AAKOÓ MUNGÚ, Munguúhúng inósuú kilá' nun geerahaar nee mukdá' baraadá' hoót guri hhaamiis, as yaamuudá' kiwa ala'. Yoshua sleeme kuungá' nun geerahaar adoodá' AAKOÓ MUNGÚ ngira oó'.

DABE 34:9

Yoshua garmoó Nuni i haats qeeruú sagalooaro, asma Mose guna dákwí qaás. Gawaá adoorihe, múk Israeli Yoshua guri ilaiwawaá/, nee hara'ayaadár AAKOÓ MUNGÚ tidá' aa Mósé hara'ayín, ngiri eehariyé'.

1 Timoteo 4:14

Kuúng aleesleemuú Qeeru u koón baraawoge, kudá' taa sleér qoomár aaruuse iwa aaririín nee bariise uwa dákw i qás. Ala aleesleemuusíng mu mawaar kuwa ar gadiyus.

1 Timoteo 5:22

Hee dákw i qaasaro ma gaanslimaar. Slám tlakweemaá múk hatlá' mi eeharaar. Kuúng kumiít baraá hhoohhooariro.

Ebrania 6:2

nee intsaahhasár daanduú baatiísmo nee ar dákwií qaasa; nee i intsaahhasár daanduú waasle/ nee sakwasleemár alhhe'eesay wasl.

YOSHUA 1:17

Adoodá' atén Mose kura iialooeesaán an adoodá' kuúng sleeme ur iiaalooeesaan. Nee AAKOÓ MUNGÚ, Munguúwók masók a dinkwa nee kuúng, adoodá' ira dinku'uús nee Mose.

HAR'OHUUSE 11:29

Qeeruú AAKOÓ MUNGÚ Yefta guri hatsiís, Yefta iri tláy, iri waaraáhh yaamaá Gileadi, nee awa Manase, nee iri kumiít ay Mispár Gileadi, ay yaamaá múk Amoni.

HAR'OHUUSE 3:10

Qeeruú AAKOÓ MUNGÚ Otnieli guri hatsiís, inós tari har'ohusmoó múk Israeli, iri slaqwarár áy. AAKOÓ MUNGÚ Kushan-rishataimu waawutmoó Mesapotamia guri gawaá dabaawós i qaás, inós Kushan-rishataimu guri baál.

1 SAMUELI 16:18

Heé wák baraá tla/ángw mukduú sagadiyuuseerose iri oó', «Án garmaako wák oo doó Yese ugwa ár, oo gixsár Betilehemu. Inós daa'aangw gu xuu' slahhto ar gidaandoori. Garmaawí a pihhusmo, nee a migusmoó slaqwara, axweesanoó sagalooa an gaarós, a heé hhoohhoó', AAKOÓ MUNGÚ nee inós a dinkwa.»